Nehemi 13:12 - NQAARIIT NE ROOG

¹² Maaga, Yaawuur we fop a ƥisiida a seek xarɓaxayandeer ale na bele fee, na biiñ fa nqas fee fo na diwliin fee kam fo ndok-o-mbulanq ne.

Nehemi 13:12 Referans Kwoze

Malaki 3:10

Naangyo ƥisiidaa a seek xarɓaxayandeer a teyu sik no Mbind es, ndax ñaamel a jegaa teen kili. Ƭeetloorangaamoo neene, mi o Yaal oxe Hupna fop, boo nga, ndax suqtankiim a nuun pand ke na asamaan soo mayƭand a nuun fo paax ƥor.

Nehemi 12:44

A koom, goor a ngadne a yetax ale no fo ndok fo-mbulanq ne, me sadax ke fo ke eetna o foor no duufe le fo a seek xarɓaxayandeer ake a ngeekoogeena. A sime itam o mbokataa teen a las ake no saasadax we fo ake no Leelewi we kebil ke a simit’ina, da ngat na xa qol axe no teeru ke. Yuuyudaa we a sawar’a no ke saasadax we fo Leelewi we a ndokatinna no far den.

A cangatin ale 14:22

«O hiid oluu refna, fat nu mbatin a seek xarɓaxayandeer ake no saxade le nuun fo ke lanq ke nuun a mbatkaa.

A paɗax ale 27:30

O Yaal oxe jegu a seek xarɓaxayandeer ale no ke lanq ke a mbatna fo na xa tim axe no taxar ke. Keene kaa ref kaa kesaneena o Yaal oxe.

2 Caloori ke 31:5

Ye kebil neene a nannooxna muu refna, Ii-isra’el we a ƥisiida mayu no ke eetna o foor no duufe le den: Na bele fee, na biiñ fa nqas fee, na diwliin fee, no suum ke fo no ke xa qol axe den fop a mbatna. A ƥisiida itam mayu na seek xarɓaxayandeer ake no fop.

Malaki 3:8

um doon a nuun ee: Ndax o kiin a waaga o guuɗ a Roog? Yaag oo toox de, kaa nu nguuɗaxam soo laamtaa yee: «Xar i nguuɗang?» Na seek xarɓaxayandeer ake fo no sadax ke nu ƥoxotaxam o mat nu nguuɗtaxam.

2 Caloori ke 31:4

O maad oxe a hebla we ngenna Yeerusaleem fop da cooxit a las ale no saasadax we fo Leelewi we, ndax da mbaag o saƭik no kebil ke no Yaal oxe.