Nehemi 13:1 - NQAARIIT NE ROOG

¹ Na jamaane faaga, safe le Moyiis a jangooge mbaambir xeet fee, too a ga’e teen maa ta bindeena yee Aa-amon we fo Moomowaab we mbaree muk o ndok no mbokatax ne no we na mbaɗooxaa a Roog,

Nehemi 13:1 Referans Kwoze

Nehemi 9:3

A ngeenooxa, a njanganeel no safe le no kebil ke no Yaal oxe Roog den boo baxtu tadik. Cinj kaaga, a mbaasnooxooga pakaad den boo baxtu tadik lakas kaa da ngungna mbaambir no Yaal oxe Roog den.

Nehemi 13:23

Na jamaane fa leng kut faaga, ga’aam itam Yaawuur waa ngilig’ina rew Aa-asdod, Aa-amon fo Moomowaab.

2 Maad we 23:2

Cinj kaaga, o maad oxe a reta no Mbind ne no Yaal oxe, a yoon fo we ngenna Yeerusaleem fop fo goor we no ke yoqna na Yudaa fop fo saasadax we fo duleer we, xeet fee fop daal, a xotit no fo mboƭomsogor ne boo no wiin maak we. A jangana a den fop ke layeena no safe le no ngiɓoor ne da soƥ’ina kam Mbind ne no Yaal oxe.

A pi ake 15:21

Keene kaa war, yaam kam teeru fuu refna a miña o jeg waa na mbaare’aa kebil ke Moyiis, too kaa njangeel itam na bes a ñootnax aluu refna kam pind a qeƭ ke den.»

A pi ake 13:15

Pitik, a jega oxaa jangna a maak kam safe le no kebil ke fo no safe le no duleer we boo a ƴut. Cinj kaaga, waa no mbind a qeƭ naa a simta da layel ee: «Fog we, nu njegangaa kaa nu mbaare’na mbokatax ne, layeenoo, ndax ta saƭakin a den.»

YEGIL MBAAX NE YEESU ne Lik a bindtuuna 10:26

Yeesu a doonaan ee: «Xar binde no Safe le no kebil ke? Xar jango teen?»

Amos 1:13

Keeke o Yaal oxe a layu: «Felaam o jaf no Aa-amon we a caf a tadak boo na nahak sax, ta dak no paaxeer. Kaa nqiir rew wodeer we no saax laa Galaad yaam a mbaaƭaa xa saawit xa yaaju. Ten taxu o ɓay es ole yoɗooxna waagee ñak o dal:

Yeremi 48:1

Ke yegniteena na Mowaab. Keeke o Yaal oxe Roog fee Isra’el Hupna fop a layu: «Sabab took Nebo, yaam a gefe! Kiryatayim a seda ɓot, a jaɓel. Teeru fa njegu saŋe ne took o joong ole a seda, a diid ƭomu.

Esayi 34:16

Nu mbaaƭangaa soo njang kam safe le no Yaal oxe, xan nu nga ee o leng na den yoqandee. Jegee fa leng faa xalatooxeena, yaam o Yaal oxe heblun a den, too Yiif um na fokataa a den.

Nehemi 4:3

Maaga, i nqeɗa a Roog in soo ndalin a yetax ñaal fo o yeng, ndax i nqoxit a qoox in na den.

Nehemi 2:19

Ye Sanbalat fee o Hoohoroni fa Tobiya fee o Aa-amon jaloogna no maat ne, fa Geesem fee o Araab, a yeguuna, a ndefa no nqaadnooxaa a in, a nqeef a in soo a layaa yee: «Xar nu mbi’aa? Ndax kaa nu siiknooraa fo o maad oxe?»

Nehemi 2:10

Ye Sanbalat fee o Hoohoroni fa Tobiya fee o Aa-amon jaloogna no maat ne a yeguuna, sawar’ee tus no ke o kiin a garna, ndax ta jal kaa faaxna no Ii-isra’el we.

A lim ale 22:5

O maad Balak a lula wiin maa Balam fee o ƥiy Bewoor, genoogna Petoor reeƭna na ƥeeraamb alaa no xuluɓ olaa Ofrat, no saax le no we ta fogitna xeet. Keeke refu ke ta daawnooguuna: «A jega mene xeet faa inoortiidna Misira, a may saax le fop. Owe ndala gom-ee-goma in.

Nehemi 8:2

Esdaraas fee o saasadax a ɓisiida kebil ke mbaambir mbokatax ne ndeeƭna goor fo rew fo fop we andna ke da nanoogna. Keene oxe reeƭa no ñaal eetaand ne no nqool o ɓetuu ƭikandeer onqe.