Nehemi 12:47 - NQAARIIT NE ROOG

⁴⁷ Na jamaane Serubabel fo na jamaane Nehemi, Ii-isra’el we fop a cooxooga giigim we no Mbind Roog ne fo yeeyetax we na xa ton-maax axe no Mbind Roog ne ke helna a den ñaal oo ñaal. A cooxooga itam Leelewi we sadax tedu ke, soo Leelewi we a coox teen saasadax we ndefna xa taan Aaroon a las den.

Nehemi 12:47 Referans Kwoze

Galati 6:6

Oxuu na jangneel Yegil mbaax ne fat a coox oxe na jangnan o ten tig oo tig paax ke ta soxla’na fop.

Nehemi 12:26

Weene njopir’u fa jamaane Yoyakim fee o ƥiy Yesuwa too a ref o ndaan Yosadak fa jamaane Nehemi fee gofornoor fa Esdaraas o saasadax too a ref itam o caajangin oxaa andna kebil ke.

Nehemi 12:12

Weeke ndeeƭu yaal ƥasil saasadax ke na jamaane Yoyakim fee o saasadax o maak oxe: No ƥasil ne Seraya, Meraya, no ne Iremiya, Hananiya,

Nehemi 12:1

Keeke ndefu a kon ake no saasadax we fo Leelewi we nomtoortiid’ina no mbaƭ naa too a yooniid fa Serubabel fee o ƥiy Se’alti’el fa Yesuwa: Seraya, Iremiya, Esdaraas,

Nehemi 11:23

Giigim we koy a ndalnan’e bargal no maad naa jaginna no calel den ñaal oo ñaal.

2 Maad we 7:10

A ndeta, a nqoy o yeeyetax oxe no don-maax olaa na teeru faa, a layin ee: «Kaa i ndet no saŋe naa no Aa-araam waa, i soƥee maaga o kiin o leng too i nanee o ñuxur o leng. Jegee maaga lakas, a refangee pis ke fo xa paam axe ngumeena fo ƭiif ke mbaaseena ne da ndeeƭna.»

2 Maad we 25:30

Mbeet oo mbeet, Yoyakin a daawtooga no maad oxe Babilon ñoowir um no ñoow o ñis um fop.

A cangatin ale 18:8

Xan a daawaa wargal no ñoowir um, ta ref a las alaa fodirna fo ake no lakas we, fogirkeerna fo ke a cikax ale no halal um a ɓisiidkan.»

Esdaraas 2:2

A yooniida fa Serubabel, Yesuwa, Nehemi, Seraya, Reelaya, Mordokay, Bilsan, Mispar, Bigway, Rehum fa Baana. Neeke Ii-isra’el we a mbodu: