Nehemi 12:46 - NQAARIIT NE ROOG

⁴⁶ Yaam yaa fa yaaga, na jamaane Dawid fa Asaf fee o kiigim no Mbind Roog ne, a jegooga aa-adax no giigim fo a kim a niwir fo a kidmir a Roog.

Nehemi 12:46 Referans Kwoze

2 Caloori ke 29:30

Cinj kaaga, o maad Hiskiya fo kelfa ke a laya Leelewi we da simatit o Yaal oxe xa ƭelem axe Dawid fo axe Asaf fee o ƭeet oxe. Weene a simata o Yaal oxe fo o ɗaay, soo da ƈuug, a ngung.

A kim a tedu ke 83:1

A kim alene a kim a tedu laa fogna na ke Asaf oo.

A kim a tedu ke 73:1

A kim a tedu laa fogna na ke Asaf oo. No ndigil, Roog a faaxa na Isra’el, no we njegna xeeñ xoolu.

1 Caloori ke 9:33

Leelewi yaal ƥasil we ndeeƭna giigim a njeg’a tok den kam Mbind Roog ne too saq’ee calel lakas yaam kaa njaloogu ñaal fo o yeng.

A kim a tedu ke 137:4

Kaa koy, nam i ngimitkaa a kim no Yaal oxe no saax jan?

Nehemi 11:17

A jeg’ahina a Mataniya fee o ƥiy Miika, daan um a ndefna Sabdi fa Asaf. Ten ɗoxoogu a kim a niwir ake yaa fo a qeƭ ale. A jeg’a itam a Bakbukiya fee o teefax um fa Abda fee o ƥiy Samuwa, daan um a ndefna Galal fa Yedutun.