Nehemi 12:45 - NQAARIIT NE ROOG

⁴⁵ A mbadnooga a paɗax Roog den fo ale no ƥogid ke. Giigim we no Mbind Roog ne fo yeeyetax we na xa ton-maax axe no Mbind Roog ne itam a mbadnooga o far den, ne o maad Dawid fa Salomo fee o ƥeem a ngeblit’uuna.

Nehemi 12:45 Referans Kwoze

2 Caloori ke 23:6

Ba o leng a rok kam Mbind ne no Yaal oxe a refangee saasadax we fo Leelewi we na mbadnaa o far den. Weene a njega sañ-sañ o ndok teen yaam kaa da kesanel keene. Xeet fee fop a mbara o ngeenoox no ke o Yaal oxe a heblitna.

1 Caloori ke 23:28

Kaa ndeefaa ke xa taan axe Aaroon a ngeblaa a den ndax da mbadin o far den kam Mbind ne no Yaal oxe, na xa maax axe fo kam fo ndok ne. Kaa ƥogdaa tig oo tig tedu ke, a mbadnaa calel den kam Mbind Roog ne ta ref:

2 Maad we 7:10

A ndeta, a nqoy o yeeyetax oxe no don-maax olaa na teeru faa, a layin ee: «Kaa i ndet no saŋe naa no Aa-araam waa, i soƥee maaga o kiin o leng too i nanee o ñuxur o leng. Jegee maaga lakas, a refangee pis ke fo xa paam axe ngumeena fo ƭiif ke mbaaseena ne da ndeeƭna.»

1 Caloori ke 26:26

Selomit feene koy fo fog um ngadoox’u kalal ke o maad Dawid fo yaal ƥasil ke fo aa-adax no xiixire juni we fo aa-adax no xiixire teemeed we fo aa-adax lakas no xiixire we a kesan’ina a Roog.