Nehemi 12:43 - NQAARIIT NE ROOG

⁴³ No ñaal naaga, wiin we a ƥoxota sadax mayu soo a ndef no mbelakinooxaa, yaam Roog kaa ci’’u a den o ɗaay o maak. Rew we fo xa caaƈ axe a mbelakinooxa itam, too xa ƈeel axe kam Yeerusaleem a nannooxa koƭu.

Nehemi 12:43 Referans Kwoze

Esdaraas 3:13

boo xa soroxole xe fo xa lool axe mbaag’ataand o njektiran a ndeer xeet fee, yaam xeet fee kaa njibnoogu xa buuq xa maak axaa nannooxoogna koƭu.

A kim a tedu ke 92:4

yoonandtan a kooraa fo riiti fo o nqilimb.

Yeremi 31:13

Maaga, roog we xan a mbecoox fo o ɗaay, mbes ke fo a koorgi ke a mbelakinooxandoor. «Xam supit naqad den o ɗaay, yaal a den, felakin a den a cinj ɗom den.

Saak 5:13

O leng na nuun a refangaa na coono, fat a ƴufginoox a Roog. O leng na nuun a felakinooxangaa itam, fat a xaanan a Roog.

Efees 5:19

Naangyo saƭakinraa a ndeer nuun fo a kim a tedu, nqaananaa a Roog, mbi’tin itam a kim akaa inoorna no Yiif le Roog. Kaam ee ngimanyo o Yaal oxe, too simatin fo a qeeñ nuun fop.

YEGIL MBAAX NE YEESU ne Saŋ a bindtuuna 16:22

Nuun itam, nuun wey na naqad, ndaa xan i ndakoox o nga’ir, too a koom nu may fo o ɗaay. O ɗaay olaaga koy, o leng waagkiran o suqit na nuun.

Mace 21:15

Saasadax maak waa fo jaajangin waa no kebil kaa Moyiis a mbuux’a lool, yaa da nga’na comlaand kaa ta fi’na fo xa teɓandoong axe mbuuqoogna kam Mbind Roog naa yee: «Hoosiyana, o Ndaan Dawid!»

Mace 21:9

Wiin mayu we adoox’ina a Yeesu fo we ndeefan’uuna kaa mbalalooxoogu yee: «Hoosiyana, o Ndaan Dawid! Oxe na garaa no gon le no Yaal oxe a hela simatel. Hoosiyana took-ee-took asamaan!»

Esayi 61:3

Kaa ñaawooxaa a Siyoŋ, ndaa o jaf es refu um supit naqad den o ɗaay o jegee hap, ndaw ke na qoox den, um suptin tañalax mosu, ñaawax den, um suptin diwliin o mbelakinax, soo yiif naqadilooxu le den, um suptin ndoki simatir. Maaga, xan a nqoyeel pudaay ke no cofel ole fo a ƭing ale no Yaal oxe na feeñlaa o ndam um.

A kim a tedu ke 28:7

O Yaal oxe refu doole es fo pegoor es. Hoolooxaanum no xeeñ es fop, too a ƴufgaxam. Ten taxu, xeeñ es a felakinoox, too kaam gidmitan a kim.

A kim a tedu ke 27:6

Ndiiki koy, fañ es we mbidaxama o kurul-keƥ, gartaam a den took. Xam ɓoxot nen sadax kam Ngenand ne no Yaal oxe xa ƈeel, xaanan soo simatan.

Ke bindeena no xe ne’eena YOB 34:29

A damangaa njaambuur um, an saɗun o xasan? A ɗasnangaa mukit um, an na waagkan o ga? Kaa gayaa qeet ke fo wiin we,

2 Caloori ke 20:27

Goor we Yeerusaleem fo Yuuyuda lakas we fop fa Yosafat fee adooxan’ina a den a nomtooxa Yeerusaleem fo o ɗaay. O Yaal oxe kaa mayƭand’u a den fo o ɗaay ye ta watna a den no fañ den.

2 Caloori ke 20:13

Yuuyudaa we fop boo no rew we fo xa caaƈ axe kaa ngeenoox’u mbaambir no Yaal oxe.

2 Caloori ke 7:10

No ñaal qarɓeen ƭik fo ndadkandeer ne no nqool ɓetuu ƭikandeer onqe, Salomo a nomta xeet faa da nqaad no ƭiif den. Kaa mbelakinooxoogu, a qeeñ den a may fo o ɗaay no paax ke o Yaal oxe a fi’an’ina a Dawid fa Salomo fa Isra’el fee xeet um.

1 Sami’el 4:5

Ye da ndokiidna fo arka ne no ngiɓoor ne no Yaal oxe no saŋe ne no Ii-isra’el we, den fop a ndalfooxa o ƈeel a maak boo lanq ke a yo’noox.

A lim ale 10:10

No qumbaare ke nuun fo no qew ke nuun fo na bat ale no nqool onquu refna, fat nu njibin a luuƥ akeene, yaa nu ƥoxotaa sadax toxel ke nuun fo sadax camsa’oor ke nuun. Keene xan a tax um wetandoox a nuun. Mi refu o Yaal oxe Roog nuun.»

Nehemi 12:42

A jeg’a itam a Maseya, Semaya, Eleyasaar, Usi, Yohanan, Malkiya, Elam fa Eseer. Giigim we a yoɗa a kim, Yisrahiya a adooxan a den.

A kim a tedu ke 9:2

O Yaal oxe, kaam simatang fo xeeñ es fop soo yegnitaa com’andtu ke wo fop.

Nehemi 12:27

Ye fa barke fee no saŋe ne Yeerusaleem, Leelewi we a nqottike no fo mbiñ ne da ngen’ina fop, a ngartel Yeerusaleem, ndax xew fee a roofandtel o ɗaay, a simat fo a kim akaa yoonandteena a qiin, a tiiti fo a simb.