Nehemi 12:39 - NQAARIIT NE ROOG

³⁹ suur me garitna Ndokand ne Efrayim took fo Ndokand ngiid ne fo Ndokand ne no liƥ ke, njoon fo Taax-took ne Hananel fo ne no teemeed ke boo no Ndokand naa no paal ke soo ngaktik no Ndokand naa na kaso fee.

Nehemi 12:39 Referans Kwoze

Nehemi 3:1

Eliyasib fee o saasadax o maak fo fog um saasadax we a inooxa, a maxatin Ndokand ne no paal ke. A tedlandaan soo a mbad teen begax ke. Cinj kaaga, a maxatina saŋe ne boo no Taax-took naa no teemeed ke, a tedlandin, soo a suur boo no Taax-took naa Hananel.

Nehemi 8:16

Maaga, xeet fee a ndeta, a mbaaƭiid a naaq, a mbi’an a qoox den ƭiif, oxuu refna no dung-took ole no mbind um, na xa maax axe den, na xa maax axe no Mbind Roog ne, na baayo fee jasnoorna fo Ndokand ne no poofi ke fo fee jasnoorna fo ne Efrayim.

Nehemi 3:6

Yoyada fee o ƥiy Paseya fa Mesulam fee o ƥiy Besodiya a nqendanda Ndokand ngiid ne. A ndaaƴa teen a qanq ake, a mbad teen begax ke, begir ke fo a kinglir ake.

Nehemi 3:3

Wiin we Senaa a maxatina Ndokand ne no liƥ ke. A ndaaƴa teen a qanq ake, a mbad teen begax ke, begir ke fo a kinglir ake.

Nehemi 3:25

Palal fee o ƥiy Usay a jalooga me jasnoorna fo Kooñ ne fo taax-took ne moƴna o jigid, sutooxna saŋe ne no ke xotitna no mbind ne no maad oxe, paam o maax ole na kaso fee. Kaltaa um, Pedaya fee o ƥiy Paros a jalooga.

2 Maad we 14:13

Maaga Bet-Semes o mat Yehowas fee o maad Isra’el a damtu a Amatsiya fee o maad Yudaa too a ref o ƥiy Yowaas fo o ndaan Ahasiya. Cinj kaaga, a gara Yeerusaleem, a sex no saŋe ne o gur olaa o cigdel um a fi’na xa noonoong teemeed nahik, a xotit no Ndokand ne Efrayim boo no Ndokand naa no kooñ naa.

YEGIL MBAAX NE YEESU ne Saŋ a bindtuuna 5:2

Na teeru faa Yeerusaleem koy, a jeg’a ndokand naa ne’eena Ndokand ne no paal ke. Paam ndokand naaga, a jeg’a o ul o maxe. Yaawuur we kaa nqoyoogun Betesda, too a jeg’a a qul a ƥetak akaa ndeeruuna, a ƭiiftel kaa fi’na nen jibir faa geenniteena a toodook.

Sofoni 1:10

A koom, xan xa paɗax a njib no Ndokand ne no liƥ ke, a ƭomatax a nannoox na dik fa nqas fee na teeru fee soo fangax jegu doole a inoortiid na ñaang ake. Mi o Yaal oxe layun.

Yeremi 32:2

Kaa soƥ’u xiixire we no maad oxe Babilon a mbid a Yeerusaleem o kurul-keƥ. O tuleer Yeremi mat kaa weg’el no maax ole no yeeyetax we no mbind ne no maad oxe Yudaa.

Yeremi 31:38

O Yaal oxe kaa tee: «Ñaal key a ngaraa kaa um maxatinankeel a Yeerusaleem, a xotit no Taax-took ne Hananel boo no Ndokand naa no kooñ ne.

Nehemi 12:40

Cinj kaaga, a yaj a ƭak ake no giigim we a ndoka kam Mbind Roog ne. Mi itam rokaam, yoon fa genwal fee no kelfa ke