Biblia Todo Logo
Bib sou entènèt

- Piblisite -




Nehemi 12:27 - NQAARIIT NE ROOG

27 Ye fa barke fee no saŋe ne Yeerusaleem, Leelewi we a nqottike no fo mbiñ ne da ngen’ina fop, a ngartel Yeerusaleem, ndax xew fee a roofandtel o ɗaay, a simat fo a kim akaa yoonandteena a qiin, a tiiti fo a simb.

Gade chapit la Kopi




Nehemi 12:27
34 Referans Kwoze  

Dawid a hebla aa-adax we no Leelewi we da ndalin we mbogna no ƥasil den na seek den, den we mbarna o ngimaa, a yoonandtin fo nqilimb fo a tiiti fo a qiin ndax da njibin a den fa doole, a laltitin o mbelakinax den.


Cinj kaaga, o maad Hiskiya fo kelfa ke a laya Leelewi we da simatit o Yaal oxe xa ƭelem axe Dawid fo axe Asaf fee o ƭeet oxe. Weene a simata o Yaal oxe fo o ɗaay, soo da ƈuug, a ngung.


Ye luuluuƥ we fo giigim we a yoɗandoorna ndax da niw o Yaal oxe, a simatin, a njibin a luuƥ ake, a mbangin a qiin ake fo pakir lakas ke, a simata o Yaal oxe fo xa ƭelem axene yee: «Yaam kaa faax, too o mbeq um xan a maadaa boo faw.» Maaga, eel a mayƭanda Mbind ne no Yaal oxe,


Ii-isra’el we fop a ƥisiida arka ne no ngiɓoor ne no Yaal oxe kam Yeerusaleem, a yoonandtin xa soroxole fo a seeluumb fo a luuƥ fo mbak ne na qiin ake fo fo nqilimb ne fo a tiiti ke.


Cinj kaaga, aa-adax we xan a laamit xiixire we yee: ‹Ndax a jega a ndeer nuun oxaa sogna o maxaa mbind naa ta genafuleerna? A soƥangaa yee a jega, fat a nomtoox no mbind um, yaam ndik ta xonit na xire faa, soo o lakas a genik no mbind naa.


A laya a den ee: «Nuun we ndefna yaal ƥasil Leelewi, tedlandooxyo, nuun fo we mbogna no ƥasil ke nuun, cinj kaaga, nu ndet nqotik arka ne no Yaal oxe Roog fee Isra’el ndax nu ƥisiidin no mbiñ onqe jagandananuuma.


A fokata xa taan axe Aaroon fo Leelewi we itam.


Ye ta xotna a kayit ale, pindel nahik ke fo maak qarɓeen ƭik fo maak nahuk we a ndalfooxa o ngooknoox mbaambir no Mbaal onqe. Oxuu refna na den kaa saq’u o nqilimb fo o ndog wurus o yipe cuuraay boo muut. Cuuraay feene koy reeƭu a qeƭ ake no gimu we mbogna na Roog.


Naangyo o mbelakinooxaa kili no Yaal oxe, kaam ee naangyo o mbelakinooxaa!


Fat da simattin o mbec, a mbakantin ñal fo o nqilimb.


A kim a tedu laa fogna na ke Dawid oo, a jagandanel a bet ale no Mbind Roog ne.


Ii-isra’el lakas we, saasadax fo Leelewi a ndal’a kam teeru ke Yudaa fop, oxuu refna no mbaafaap um.


Mbokatax ne no we nomtoortiid’ina no mbaƭ naa fop a mbi’a ƭiif soo a ngen teen. No kaa xotitna na jamaane Yosuwe fee o ƥiy Nun boo no ñaal naaga, Ii-isra’el we ndoofandoogatee xew feene. Ndiiki koy, o mbelekinax o maak a jega.


Saasadax we, Leelewi we fo Ii-isra’el we fop we nomtoortiidna no mbaƭ naa, a ndoofanda fo o ɗaay barke fee no Mbind Roog neene.


Saasadax we kaa ndeeƭu no far den, Leelewi we a saq pakir ke o maad Dawid a fi’in’ina ndax da simatteel o Yaal oxe ne ta heblituuna. Saasadax we kaa njasnoor’u fa den, a njibnaa a luuƥ ake, a ngidmaa o Yaal oxe yee: «Yaam o mbeq um xan a maadaa boo faw.» Ii-isra’el we fop kaa inoox’u a ngeenoox.


Yeriya reeƭu o aa-adax oxe na qaw ale Hebron. No hiid qarɓeen nahkandeer ole no maat Dawid, o kurcala laaga a ɓaale soo goor waa ndefna cambaar a soƥel teen kam Yaseer na Galaad.


fo goor cuni nahik waa na yetooxaa xa ton-maax axe fo cuni nahik lakas waa na simataa o Yaal oxe fo xa qos pakir kaa ta fi’in’ina yaam keene.


Hemaan fa Yedutun topatooxoogu a luuƥ ake fo a qiin ake no faafak we fo itam pakir lakas ke yoonandtoogeena a kim Roog ake. Xa ƥiy axe Yedutun o mat yeeyetax a ndeeƭu na xa ton-maax axe.


Asaf ɗoxoogu a den soo Sakari a dimle’an. Yasi’el, Semiramot, Yehi’el, Matitiya, Eliyab, Benaya, Obed-Edoom fa Ye’iyel nqilmboogu, a ndiiti’aa, Asaf o mat a fakaa a qiin ake.


Dawid fo Ii-isra’el lakas we fop kaa mbakoogu, a mbecaa mbaambir Roog fa doole, a ngimaa a yoonandtin a tiiti fo fo nqilimb fo a ñal fo a qiin fo a luuƥ.


O maad Dawid a yegne yee o Yaal oxe a barke’’a a Obed-Edoom fo ke ta jegna fop yaam arka ne Roog reeƭna me ten. Maaga, Dawid a reta, a xotik arka ne Roog no mbind Obed-Edoom, ta ɓisel fo o mbelakinax na Ƥak ale Dawid.


soo mbelakinoox mbaambir no Yaal oxe Roog nuun no mbiñ onqe ta jilkaa ndax gon um a ƴufginooreel teen, nuun fo xa ƥiy nuun xa koor fo xa tew fo surga nuun fo jeefeer nuun fo Leelewi we ndefna no teeru ke nuun fo itam xa kataakoon axe fo xa baan axe fo ñaaw we na ndefkaa a ndeer nuun.


Salomo a ɓoxota qoox cuni qarɓeen ƭik fo qoox cuni ƭik fo cegel teɓ cuni teemeed fo cuni qarɓeen ƭik, da ndef sadax fa njamsa’oor. Neene, o maad oxe fo Ii-isra’el we fop a mbarke’a Mbind ne no Yaal oxe.


O maad oxe a geenna Leelewi we kam o maax ole no Mbind ne no Yaal oxe, da saq a qiin fo a tiiti fo fo nqilimb, ne Dawid fa Gaad fee o ƭeet oxe no maad oxe fa Natan fee o tuleer a ngeblit’uuna. Keene kaa reeƭu bargal no Yaal oxe, a reefandel no duleer we ten.


No ñaal naaga, wiin we a ƥoxota sadax mayu soo a ndef no mbelakinooxaa, yaam Roog kaa ci’’u a den o ɗaay o maak. Rew we fo xa caaƈ axe a mbelakinooxa itam, too xa ƈeel axe kam Yeerusaleem a nannooxa koƭu.


Swiv nou:

Piblisite


Piblisite