Nehemi 12:24 - NQAARIIT NE ROOG

²⁴ Kelfa ke no Leelewi we ndefna Hasabiya, Serebiya fa Yesuwa fee o ƥiy Kadmi’el kaa njasnooroogu fo Leelewi lakas we, ndax da simat soo a tagas o Yaal oxe, ne Dawid fee o kiin Roog a simtit’uuna. Kaa njaaɓanroogu a qaaj a qaaj.

Nehemi 12:24 Referans Kwoze

Nehemi 11:17

A jeg’ahina a Mataniya fee o ƥiy Miika, daan um a ndefna Sabdi fa Asaf. Ten ɗoxoogu a kim a niwir ake yaa fo a qeƭ ale. A jeg’a itam a Bakbukiya fee o teefax um fa Abda fee o ƥiy Samuwa, daan um a ndefna Galal fa Yedutun.

Nehemi 9:4

Yesuwa, Bani, Kadmi’el, Sebaniya, Buni, Serebiya, Bani fa Kenani a ŋaaya took ndaalaand a teex ne no Leelewi we soo a ƈufginooxaa o Yaal oxe Roog den a maak.

Nehemi 8:7

Ye xeet fee a inooxatinna, Yesuwa, Bani, Serebiya, Yamin, Akub, Sabetay, Hodiya, Maseya, Kelita, Asariya, Yosabad, Hanan fa Pelaya, we Leelewi, a tektooga a den kebil ke.

Esdaraas 2:40

Leelewi we a ndeeƭa: Xa taan axe Yesuwa fo axe Kadmi’el, ndefna ndef axe Hodawiya: qarɓeen ɓetuu ƭik fo nahuk.

2 Caloori ke 8:14

Salomo a dalna a yaj ake no saasadax we ne faap um Dawid a jagandit’uuna, ta reefandel no far den, ake no Leelewi we ta reefandel na toq den ale refna o niwaa o Yaal oxe soo a mbadnaa o far den mbaambir saasadax we, ne ta hebliteena na bes fuu refna. Neene itam a reftu no yeeyetax we na xa ton-maax axe nqaajrand’eena xa ton-maax axe, a reefandel na yaj den. Neene deŋ Dawid fee o kiin Roog oxe a heblit’un.

1 Maad we 17:24

O tew oxaa a laya a Eliya yee: «Ndiiki andataam kañ ee o kiin Roog refo, too a woora yee fa lay fee na hataa no don of fa lay no Yaal oxe yoo.»

Yosuwe 14:6

Bes, wiin a inoora na carind ale Yudaa, a soƥiid a Yosuwe Gilgal. Kaleb fee o ƥiy Yefune too a fog na qaw ale Kenisi a laya a Yosuwe yee: «Andaa a paax ke o Yaal oxe a layit’ina a Moyiis Kades-Barneya no kaa jofna na wo fa mi.

A cangatin ale 33:1

Keeke refu fa lay fee Moyiis fee o kiin Roog a barke’itna Ii-isra’el we, ye ta helkaa fo xon.

2 Timote 3:17

ndax o kiin Roog oxe a dey, too a jofnoox na pi a paax.

1 Timote 6:11

Wo o mat, wo fee refna o kiin Roog, ƴufi keene. Waaƭki maa o cofel a farna, ten fo o reef a Roog fo o ngim fo o mbeq fo o muñ fo o ɓuuɓ.

Nehemi 12:23

A kon ake no Leelewi yaal ƥasil ke a mbindooge no safe leng no Caloori ke boo na jamaane Yohanan fee o ndaan Eliyasib.

Nehemi 12:36

Fog um saasadax we ndefna Semaya, Asarel, Milalay, Gilalay, Ma’ay, Netanel, Yehuda fa Hanani ndeefan’un, a saq pakir ke Dawid fee o kiin Roog. Esdaraas fee o caajangin oxaa andna kebil ke adooxan’u a den.

1 Caloori ke 16:4

Dawid a fi’a Leelewi leng-leng mbaambir arka ne no Yaal oxe ndax da mbadnaa o far den, a mbetandooxaa, a tagasaa soo a simataa o Yaal oxe Roog fee Isra’el.