Nehemi 11:30 - NQAARIIT NE ROOG

³⁰ Sanowa, Adulaam fo caate ke da mbaxooxna, Lakiis fo a koƥ ale ten, Aseka fo ke widuuna. A ndala boog no ke xotitna Beer-Seeba, no ɓemb-roog o ñamaak, boo na yulanq alaa Hinom, no ɓemb-roog o janoon.

Nehemi 11:30 Referans Kwoze

Yosuwe 15:8

A xotta maaga, a sag na yulanq alaa Ben-Hinom farna no ɓemb-roog o ñamaak olaa no ƴoong laa no Yeeyebus we, me Yeerusaleem a refna. Cinj kaaga, a suura farna fo jul olaa no joong olaa refna no mudand naa na yulanq alaa Hinom fo no ɓemb-roog o janoon olaa no cat kaa na yulanq alaa no Reerefa we.

Yosuwe 10:3

Keene tax’u Adoni-Sedek a hebil duleer maa Hohaam fee o maad Hebron, maa Piram fee o maad Yarmut, maa Yafiya fee o maad Lakiis fo maa Debir fee o maad Eglon, ndax ta xeɗ a den ee:

Mise 1:15

Nuun we ngenna Maresa, xam ɓisaniid a nuun oxaa na jaɓkaa saax nuun. We ndeeƭna qaaƴoor ke Isra’el xan a ƭasik taa no luf naa Adulaam.

Yeremi 32:35

A maxana a Baal a ñaang a sadaxand na yulanq alaa Ben-Hinom, ndax da ndoxan a Molok xa ƥiy xa koor axe fo xa tew axe den. Hebliim a den keene too mosinum o xalaat sax. Ye da mbi’na cednooxu nandu neene, a mbakaadnoora xeet fee Yudaa.

Yeremi 19:6

Ten taxu, mi o Yaal oxe um lay ee: Ñaal key a ngaraa kaa o mbiñ onqene a xoykataandeena Tofet mbaat a yulanq ale Ben-Hinom, ndaa a yulanq ale na bar ale.

Yeremi 19:2

Sutoorti no ndokand ne no maxand ole, jagin na yulanq alaa Ben-Hinom. Fat o yegnit maaga fa lay fee um daawinkang.

Esayi 37:8

Jawdiin fee no maad oxe Asuur a nana yee o yaal mbind um a inoora Lakiis, ndax ta songik a Libna, soo ta soƥkin maaga.

Nehemi 3:13

Hanuun fo we ngenna Sanowa a nqendanda Ndokand ne na yulanq ale. A maxatinaan, a mbad teen begax ke, begir ke fo a kinglir ake. A maxatina itam xa noonoong juni no saŋe ne boo no Ndokand ne no suqi ke.

2 Maad we 23:10

O maad oxe a maasanda a Tofet reeƭna na yulanq alaa Ben-Hinom, ndax o leng doxankatee a Molok o ƥeem o ngoor mbaat o ndew.

Yosuwe 18:16

A inoora maaga, a fudooxiid na caf ale no joong ole jasnoorna fo a yulanq ale Ben-Hinom no ɓemb-roog o janoon ole na xa saawit axe no Reerefa waa, a suuriid na yulanq ale Hinom, a reef no ɓemb-roog o ñamaak ole no ƴoong le no Yeeyebus we soo a gar na cur alaa Rogel.

Yosuwe 15:39

Lakiis, Boskat, Eglon,

Yosuwe 12:15

oxe Libna, oxe Adulaam,

Mberaand 21:14

Abraham a inooxa ƥiiɓ teel, a xot puuru fo mboxos, a cooxin a Agaar ta gadooxin. A cooxaan itam o goor ole, soo a raxin. Agaar a reta, a mo’ik kam a koƥ-a-ƥor alaa Beer-Seeba.

Mberaand 25:16

Weene ndefu xa ƥiy xarɓaxay fo xa ƥiy xa ƭaq axe Isma’el, ndeeƭna kelfa ke no ƥasil xarɓaxay fo ƥasil ƭik ke ndal’ina no caate den fo na xa taland den.

Nehemi 11:29

En-Rimon, Sora, Yarmut,

Nehemi 11:31

We mbogna na carind ale Bensame a ngenooga Geba, Mikmas, Aya, Betel fo ke widuuna,