Nehemi 11:18 - NQAARIIT NE ROOG

¹⁸ Leelewi we fop a ndeeƭa teemeed ƭik fo qarɓeen ɓetuu tadik fo nahuk kam teeru fa tedu fee.

Nehemi 11:18 Referans Kwoze

Nehemi 11:1

Kelfa ke na xeet fee a ndala Yeerusaleem. Lakas we fop a mbanjanga, ndax da ngeniid Yeerusaleem, teeru fa tedu fee, o koor o leng na xarɓaxay wuu ndefna, soo ɓetuu nahuk we yoqna a ndalik no teeru lakas ke.

Mbeeñil 21:2

Ga’aam teeru fa tedu fee refna Yeerusaleem fa nqas fee Roog a fudnitiidna na asamaan. Kaa jagandoox nen o toog oxaa bugeena o ɓoxot o kor um.

Mbeeñil 11:2

Fat o xaƴ o maax-tafil ole no Mbind Roog ne koy, ba o liiƥin, yaam kaa ci’el qeet ke ndefeerna Yaawuur, too xan a nduut teeru fa tedu fee boo a qool qarɓeen nahik fo a qool a ƭak.

Mace 27:53

Yaa Yeesu a xontooxna, a sutoora no poy kaa, a ndok kam teeru fa tedu faa, too a mbeeñooxa wiin mayu.

Mace 24:15

«Xan nu nga ‹Cakalaaru ke sibdeena›, o tuleer Dañel a ne’oogna, ta fod no mbiñ o tedu nqe. Oxuu na jangaa a ƭelem akene, fat a wootoox a paax!

Dañel 9:24

Xa kiid ɓetaa ƭaq boo a caf qarɓeen ɓetuu ƭik a ndalnane xeet of fa teeru fa tedu fee wo, ndax njofaƭar a xon, bakaad fee a naag faq, tooñ ne a waasantel, soo o cofel ole na refkaa boo faw a dalnel, ndax mbeeñil ne fo ke o tuleer oxe a layna a mbadnoox, soo Oxe moƴna ted a ɗuumel.

1 Maad we 11:13

Refee koy ee maat ne fop um suqitkaa. Xam xaƴan o ƥeef a carind a leng yaam Dawid fee o tag es fo yaam Yeerusaleem fee jiluuma.»

Mace 4:5

Cinj kaaga, o ƈiƴ oxe a ɓisaan kam teeru fa maak fa tedu faa refna Yeerusaleem. A sipaan took Mbind Roog naa,

Nehemi 11:17

A jeg’ahina a Mataniya fee o ƥiy Miika, daan um a ndefna Sabdi fa Asaf. Ten ɗoxoogu a kim a niwir ake yaa fo a qeƭ ale. A jeg’a itam a Bakbukiya fee o teefax um fa Abda fee o ƥiy Samuwa, daan um a ndefna Galal fa Yedutun.

Nehemi 11:19

No we na yetooxaa xa ton-maax axe no Mbind Roog ne a jeg’a: Akub fa Talmon fo fog den, ndeeƭna teemeed fo qarɓeen ɓetuu ƭik fo ɗik.