Nehemi 10:39 - NQAARIIT NE ROOG

³⁹ O saasadax, o ndaan Aaroon, xan a yoon fo Leelewi we, yaa weene a mbatnikaa a seek xarɓaxayandeer ale, soo Leelewi we a ƥisiid a seek xarɓaxayandeer ale na seek xarɓaxayandeer ake no Mbind ne Roog in, kam toktal ke na kamba le.

Nehemi 10:39 Referans Kwoze

Hebre 10:25

Ba i ñak o mbokatooraa fo we ngimna, ne leng-leng a meruuna o mbi’taa. Kaa i mbar o saƭakinraa a ndeer in kañ, moƴin o mbi’aa, yaam ne nu nga’oodna bes fee no Yaal oxe ta matiidaa.

2 Caloori ke 31:12

A ɓisiida teen fo ngor ke watnoogeena fo a seek xarɓaxayandeer ake fo tig tedu ke. Konaniya fee o Leelewi a dode a topatooxan soo Simey fee o pog um a ɗikandin.

A kim a tedu ke 122:9

Yaam Mbind ne no Yaal oxe Roog in mexe waaƭanang paax.

A cangatin ale 12:17

Nu mbaree ñaamit no pind nuun a seek xarɓaxayandeer ake na bele fee fo ake na biiñ fa nqas fee fo ake na diwliin fee mbaat taaw ke na xa siir axe fo na ked ake nuun mbaat sadax fuu ta waagna waag o ref, yaa ta refna fa mbadnir a tegit mbaat ci’it o fud o letu.

A lim ale 18:30

Boo nu mbatnanaxama ke moƴna o faax no ke nu ndaawna, fat nu ngeekan a qoox nuun yoq ke, ne Ii-isra’el lakas we a ngeekantaa a qoox den yoq ke inoorna no cukand ne fo no nirir ole a cinj yaa da mbatinna a seek xarɓaxayandeer ale.

2 Maad we 7:10

A ndeta, a nqoy o yeeyetax oxe no don-maax olaa na teeru faa, a layin ee: «Kaa i ndet no saŋe naa no Aa-araam waa, i soƥee maaga o kiin o leng too i nanee o ñuxur o leng. Jegee maaga lakas, a refangee pis ke fo xa paam axe ngumeena fo ƭiif ke mbaaseena ne da ndeeƭna.»

A lim ale 18:26

ta daawin Leelewi we kene: «Boo Ii-isra’el we a ƥisiidna a nuun a seek xarɓaxayandeer ake cooxuuma a nuun nen lam, nuun fa qoox nuun, fat nu mbatin a qaaj xarɓaxayandeer ale no keene, ƥoxotaam o ten.

2 Caloori ke 31:11

O maad Hiskiya a hebla ndax toktal ke no Mbind ne no Yaal oxe a njagandel soo da ndalfoox o njagand a den.

Nehemi 12:47

Na jamaane Serubabel fo na jamaane Nehemi, Ii-isra’el we fop a cooxooga giigim we no Mbind Roog ne fo yeeyetax we na xa ton-maax axe no Mbind Roog ne ke helna a den ñaal oo ñaal. A cooxooga itam Leelewi we sadax tedu ke, soo Leelewi we a coox teen saasadax we ndefna xa taan Aaroon a las den.