Nehemi 10:36 - NQAARIIT NE ROOG

³⁶ I ngebooxa o ƥisiid itam o hiid oluu refna, kam Mbind ne no Yaal oxe, ke eetna o foor no lanq ke fo ke eetna o foor no taxar ke fop

Nehemi 10:36 Referans Kwoze

A sutax ale 13:2

«Kesanaam taaw ke no Ii-isra’el we fop, yaam taaw no kiin oxuu refna fo taaw njegel nuu refna, mi jegun.»

Galati 6:6

Oxuu na jangneel Yegil mbaax ne fat a coox oxe na jangnan o ten tig oo tig paax ke ta soxla’na fop.

A cangatin ale 12:6

Meene nu mbugko ƥisiidaa sadax toxel ke nuun fo sadax camsa’oor ke nuun fo a seek xarɓaxayandeer ake nuun fo ci’it ke nuun fo sadax ke na mbadniteel a tegit fo ke na mbi’eel no fud o letu fo itam taaw ke na xa siir axe fo ke na ked ake nuun.

A sutax ale 34:19

Taaw fuu refna, mi jegun boo no taaw ke no cegel ke, ta ref taaw fa ngoor naak luu refna fo taaw fa ngoor mbaal nuu refna fo taaw fa ngoor fambe luu refna.

A lim ale 3:13

yaam taaw fuu refna, mi jegun. No kaa xotitna na bes faa warnooruuma taaw ke no Miimisira we fop, kesanaam a xoox es taaw ke Isra’el fop, ta ref no wiin we mbaat no cegel ke. Mi jegu a den, mi o Yaal oxe.»

A sutax ale 23:19

Fat nu ƥoxotiidaam ke eetna o foor na xa saawit axe nuun no Mbiñ o tedu nqe mi, yaam mi refu o Yaal oxe Roog nuun. Ba nu mbaƴnit o mbambe nqe fo sis ya um.»

2 Caloori ke 31:5

Ye kebil neene a nannooxna muu refna, Ii-isra’el we a ƥisiida mayu no ke eetna o foor no duufe le den: Na bele fee, na biiñ fa nqas fee, na diwliin fee, no suum ke fo no ke xa qol axe den fop a mbatna. A ƥisiida itam mayu na seek xarɓaxayandeer ake no fop.

Nehemi 12:44

A koom, goor a ngadne a yetax ale no fo ndok fo-mbulanq ne, me sadax ke fo ke eetna o foor no duufe le fo a seek xarɓaxayandeer ake a ngeekoogeena. A sime itam o mbokataa teen a las ake no saasadax we fo ake no Leelewi we kebil ke a simit’ina, da ngat na xa qol axe no teeru ke. Yuuyudaa we a sawar’a no ke saasadax we fo Leelewi we a ndokatinna no far den.

Nehemi 13:5

a beran’aan a ndok a maak alaa geektoogeena yaaga sadax tuufe-duufe ke, cuuraay fee, ƥaxañ ke, a seek xarɓaxayandeer ale na bele fee, na biiñ fa nqas fee fo na diwliin fee, reeƭna ke heblan’eena Leelewi we, giigim we no Mbind Roog ne fo yeeyetax we na xa ton-maax axe no Mbind Roog ne, fa sadax fee jagandaneena saasadax we.

Malaki 3:10

Naangyo ƥisiidaa a seek xarɓaxayandeer a teyu sik no Mbind es, ndax ñaamel a jegaa teen kili. Ƭeetloorangaamoo neene, mi o Yaal oxe Hupna fop, boo nga, ndax suqtankiim a nuun pand ke na asamaan soo mayƭand a nuun fo paax ƥor.