Nehemi 10:35 - NQAARIIT NE ROOG

³⁵ I mbanjanga, in saasadax we, Leelewi we fa xeet fee, ndax i and ƥasil oo ƥasil, o hiid ole ta warna o ɓisiid kam Mbind ne Roog in, no baxtu ke ndalneena, xa cuuƭ axe mbarna o kaƥaa took o sadaxand ole no Yaal oxe Roog in, ne ta bindteena kam kebil ke.

Nehemi 10:35 Referans Kwoze

A cangatin ale 26:2

fat nu nqot ke na eetkaa o foor no ke lanq ke nuun a mbatkaa kam saax le o Yaal oxe Roog nuun a ci’na a nuun, nu yipin na cenjel soo ƥisin no mbiñ onqe o Yaal oxe Roog nuun a jilkaa ndax gon um a ƴufginooreel teen.

A sutax ale 23:19

Fat nu ƥoxotiidaam ke eetna o foor na xa saawit axe nuun no Mbiñ o tedu nqe mi, yaam mi refu o Yaal oxe Roog nuun. Ba nu mbaƴnit o mbambe nqe fo sis ya um.»

A lim ale 18:12

Ci’aam a nuun itam ke Ii-isra’el we a ƥoxotaxam no ke eetna o foor: Ke moƴna o faax na diwliin fee fo na biiñ fee fo na bele fee.

A sutax ale 34:26

Fat nu ƥoxotiidaam ke eetna o foor na xa saawit axe nuun no Mbiñ o tedu nqe mi, yaam mi refu o Yaal oxe Roog nuun. Ba nu mbaƴnit o mbambe nqe fo sis ya um.»

A lim ale 18:2

Xaƴi goor fog of Leelewi we da yoon fa nuun, a ndimle’aa a nuun, wo fo xa ƥeef, yaa nu mbadnaa o far nuun mbaambir Ƭiif ne saqna arka ne no ngiɓoor ne.

Heseki’el 44:30

Ke moƴna o faax no taawlax ke fop fo fop ke nu mbatnanaxam boo ta xet, saasadax we na njegkan. Xan nu coox saasadax we ke moƴna o faax no qiiw ke nuun, ndax barke fee a fudoox no pind nuun.

A paɗax ale 6:5

Fiɗel le no sadaxand ole koy, kaa war o kaƥaa teen, a fañ o ñuf. Nqes nuu refna, o saasadax oxe kaa war o yipaa teen xa cuuƭ, a leemaa teen sadax fa ndoxel fee soo a dox teen neeneer ke na sadax fa njamsa’oor fee.

A paɗax ale 6:6

Fiɗel le a wara o kaƥaa took o sadaxand ole kili, a fañ o ñuf.»

Nehemi 13:31

Dalnatinaam itam sadax ke na xa cuuƭ axe mbareena o ƥisiid no fo ngap ne simteena fo fee no ke eetna o foor no duufe le. «Roog es, wetandooxaam fo o paaxel.»