Nehemi 10:34 - NQAARIIT NE ROOG

³⁴ Xa kaf puuru xe na ƥoxoteel a Roog, sadax tuufe-duufe ke na bes fuu refna, sadax fa ndoxel fee no pes a ñootnax ake, fee no fo nqool fo ndeɓ ne fa fee no qew ke, ñaamel ke kesaneena a Roog, sadax fa mbaasnoor pakaad na Isra’el fo calel kuu ndefna kam Mbind ne Roog in.

Nehemi 10:34 Referans Kwoze

Nehemi 13:31

Dalnatinaam itam sadax ke na xa cuuƭ axe mbareena o ƥisiid no fo ngap ne simteena fo fee no ke eetna o foor no duufe le. «Roog es, wetandooxaam fo o paaxel.»

Esayi 40:16

Taxar ke Libaŋ sax ndeykee fiɗel fa ndoxir sadax, too cegel ke ten ndeykee o Yaal oxe sadax.

Xa peƭit axe 18:18

Mbanjang ne na xafaa nqasir, a ɗegaa hate a ndeer yaal toole ke sax.

Nehemi 11:1

Kelfa ke na xeet fee a ndala Yeerusaleem. Lakas we fop a mbanjanga, ndax da ngeniid Yeerusaleem, teeru fa tedu fee, o koor o leng na xarɓaxay wuu ndefna, soo ɓetuu nahuk we yoqna a ndalik no teeru lakas ke.

1 Caloori ke 24:7

Mbanjang eetaand ne a yena na Yoyarib, ƭikandeer ne na Yedaya,

1 Caloori ke 24:5

Den fop a nqaaje na pexey mbanjang ne, yaam a jeg’a aa-adax we no Mbind tedu ne fo aa-adax we Roog a ndeer xa taan axe Eleyasaar fo axe Itamaar.

Yosuwe 9:27

ndaa no kaa xotitna no ñaal naaga Yosuwe a ɓakanda a den no ndaxananaa mbokatax ne Isra’el fo o sadaxand ole no Yaal oxe, a ƈeewanaa a den, too boo xaye keene refu calel den no mbiñ onqe o Yaal oxe a jilna.

A pi ake 1:26

A mbanjanga, too a yena took Macaas fee fokat’ateena no apootar xarɓaxay fo apootar o leng oxaa.

A paɗax ale 24:5

«Fat o xot mbiɗel, juɗ teen xa kaf xarɓaxay fo xa kaf xa ƭaq, o gaf oluu refna a fi’tel ngap kilo ɓetuu fa leng.

A paɗax ale 24:6

Fat o fi a den tondrand ƭik took a taabul wurus fa nqoolu le refna mbaambir es, mi o Yaal oxe, ndondrand nuu refna a saq xa kaf ɓetaa fo leng.

A lim ale 28:2

ta daawin Ii-isra’el we bargal kene: «Ba nu ñak o ƥoxotaa o Yaal oxe sadax um no baxtu ke ndalneena, ndefna ñaamel ke ta doxaneel too a mbelin tuñ bo.

2 Caloori ke 2:3

Kaam heboox o maxan o Yaal oxe Roog es Mbind naa na kesankeel gon um. Xan a doxanteel teen cuuraay, soo a diƈaneel teen kili xa kaf puuru xe ƥoxoteena a Roog. Xan a ɓoxoteel teen sadax toxel nqes ne fo kirand ne fo no pes a ñootnax ke, fo no nqool o ndeɓ onquu refna fo no qew lakas ke no Yaal oxe Roog in. Bargal keene cooxeena Ii-isra’el we kaa ndef boo kili.

Esdaraas 3:5

Cinj kaaga, a ƥoxotooga sadax fa ndoxel fee na bes fuu refna, sadax toxel ke no nqool o ndeɓ onquu refna, ke no qew ke kesaneena o Yaal oxe fo ke no xuu ɓoxotooguuna o Yaal oxe no fud o letu.