Nehemi 10:32 - NQAARIIT NE ROOG

³² We no saax le a njikooxiidangaa cula mbaat ñaamluwel kuu ta waagna o ref, na bes fee na ñootnax ale mbaat na bes fa tedu fa lakas, i njikitkee na den dara. O hiid ɓetuu ɗikandeer oluu refna xan i ñarin lanq ke, mbaasanit xa lad axe fop.

Nehemi 10:32 Referans Kwoze

Mberaand 28:22

Ɓil wetandoor leeke sipuuma na refkaa mbind Roog ne. Xam coox o Yaal oxe a seek xarɓaxayandeer ale no fop ke ta ci’kaxam.»

2 Korint 8:12

Yaam boo hebooxoona o ci’it, yaaga xan Roog a jaɓ ke ci’toona no ke jegoona, soo a fañ o ɓaal ke jegeeroona.

Xa peƭit axe 3:9

Niwti o Yaal oxe ke jegoona fop, ɓoxotin ke eetna o foor no saxade of.

A sutax ale 23:11

Kaa koy, no hiid o ɓetuu ɗikandeer ole, nu mbara o ñarin lanq ke. Neene, xan rool gentand we nuun a nqotit teen kaa da ñoowitna, too xan muumeen-a-koƥ ke a ñaam yoqatin le. Mbi’yo neene itam na ƭing taxar biiñ ake fo no taxar oliiw ake nuun.

1 Caloori ke 26:27

Goor weene kaa kesan’u a Roog a seek no ke da njangaliid’ina ye fo qire ke ndax ta topatoorteel Mbind ne no Yaal oxe.

Nehemi 5:10

Mi itam, fog es fo dag es, i ƥanda a den xaaliis fa bele. Fat i mbaas boog ke da saqanna a in.

Nehemi 9:14

Andnooraa a den bes fa tedu fee na ñootnax ale wo soo na pexey Moyiis fee o tag of, o coox a den kebil of, ke dalnoona fo a cangin of.

Nehemi 13:15

Na jamaane fa leng kut faaga, ga’aam kam Yudaa wiin waa nduutoogna xa tim taxar biiñ kam xa nirand na bes fee na ñootnax ale, waa na ƥisaa a keeg, a sufaa sax biiñ, xa tim taxar biiñ, xa tun fo tig lakas kuu refna took xa paam, a ƥisaa a den Yeerusaleem na bes fee na ñootnax ale. Raagooxaam a den no ñaal naa da njikooxoogna cula den.

Nehemi 13:18

Ndax daan nuun mbesoor’ee neene? Ten taxu Roog in a doon a in fa teeru feene taamaala fene fop. Nuun koy, kaa nu ƥaataa fuux le Roog no Ii-isra’el we, yaa nu maasandaa bes fee na ñootnax ale.»

Nehemi 13:21

Raagooxaam a den ee: «Xar taxu nu mbe’aa me jasnoorna fo saŋe ne? Nu ƥaatangaan xam damnoor a nuun.» No kaa xotitna maaga ngaroogatee na bes fee na ñootnax ale.