Nehemi 10:30 - NQAARIIT NE ROOG

³⁰ den fop a mbokatooriida fo fog den we moƴeena o niw a ndeer den. A ndaaɓooxa soo a ndegit ee xan a ndeef a cangin ale Roog a cooxitna na pexey Moyiis fee o tag um, a ngay soo a mbadin kebil ke no Yaal oxe Roog in fop, bargal ke ten fo ke ta dalinna.

Nehemi 10:30 Referans Kwoze

A cangatin ale 7:3

Nu ndolnirkee fo qeet keene, too nu ci’kee xa ƥiy xa tew axe nuun xa ƥiy xa koor axe den mbaat nu ngilgan xa ƥiy xa koor axe nuun na xa ƥiy xa tew axe den.

A sutax ale 34:16

Nu inoorangaa no keene, xan nu mbugan xa ƥiy xa koor axe nuun xa ƥiy xa tew axe den, too yaaga xan weene a njaga’aa fo roog ke den soo a ƥek teen xa ƥiy axe nuun.

Nehemi 13:23

Na jamaane fa leng kut faaga, ga’aam itam Yaawuur waa ngilig’ina rew Aa-asdod, Aa-amon fo Moomowaab.

Nehemi 13:25

Xasanaam a den soo saloox a den. Xawaam leng-leng na den soo ɓuut wiil den. Cinj kaaga, daaɓooxnooraam a den no gon Roog da mbañ o ci’tat xa ƥiy den a tolax me no goor jan we mbaat da ngilgan xa ƥiy xa koor axe den mbaat a qoox den rew jan.

Nehemi 13:30

Neene ɓogditum xeet fee no kuu hatna a ngenareem soo ñoowdandatin ke saasadax we fo Leelewi we a mbar’ina o ngay, oxuu refna no far um.

A cangatin ale 29:11

Nuun wey ngeenooxa, ndax nu ndok no ngiɓoor fo o Yaal oxe Roog nuun, ngiɓoor naa saƭkinteena a taaƥ, too o Yaal oxe Roog nuun a hiɓan fa nuun xaye.

2 Maad we 23:3

O maad oxe kaa geenoox’u took ndaalaand ne soo a dalin mbaambir no Yaal oxe ngiɓoor, ndax da ndeef o Yaal oxe, a ngay kebil um fo fa lay um fo ke ta dalinna na qeeñ den fop fo na xa laaw den fop soo a ngay fa lay fee no ngiɓoor neene bindeena no safe lene. Xeet faa fop a yoona no ngiɓoor naaga.

2 Maad we 23:25

Jeg’ee o maad o leng no we eet’ina a Yosiya mbaat no we mbalakan’uuna, oxaa nomtooxiid’ina no Yaal oxe no xeeñ um fop fo no laaw um fop fo na doole um fop nen o ten, ne kebil ke Moyiis a simtituuna.

2 Caloori ke 34:31

O maad oxe kaa geenoox’u na seek um too a dalna ngiɓoor mbaambir no Yaal oxe ndax da ndeef o Yaal oxe, a ngay kebil um fo fa lay um fo ke ta dalinna na qeeñ den fop fo na xa laaw den fop soo a ngay fa lay fee no ngiɓoor neene bindeena no safe lene.

Nehemi 5:12

A ndoona yee: «Xan i nomit ke i njangna too i laackee a den dara, xan i mbi ke layoona.» Maaga, xoyaam saasadax waa soo daaɓooxnoor raarawnit we mbaambir den o ndam ke da ndegit’ina.

Nehemi 10:1

Yaam fop ke dalna a in, in we ngebooxaa, mbindan soo kelfa ke in, Leelewi we fo saasadax we in a mbegtin a kon den.

A kim a tedu ke 119:106

Daaɓooxaam too a woora yee xam gay ke simtoona no cofel of.