Nehemi 1:9 - NQAARIIT NE ROOG

⁹ Kaa koy, nu nomtooxiidangaa me mi, ngay kebil es, ndeef a den, yaaga nu ƥisange boo no cat adna sax oo, xam fokatit a nuun maaga, nomtiid a nuun no mbiñ onqe jiluuma, ndax ta ref ngenand es.›

Nehemi 1:9 Referans Kwoze

Yeremi 32:37

‹Mi koy, xam fokatit a den na saax ake fop pasar’uuma a den kam fuux es, kam o say es fo no ngañak es. Xam nomtiid a den no mbiñ onqene, gennoor a den teen fo o woor.

Mace 24:31

Xan a luliid malaaka ke ten fo a luuƥ ale na bugko jibaa a maak, too xan a mbokat we ta jilna na xa saax xa nahaq axe, kaa xotitna no cat boo no cat asamaan.»

Yeremi 12:15

Kaa koy, a cinj yaa um fuurkaa a den, xam yirmatin a den soo nomtiid a den, oxuu refna no lanq um, oxuu refna no saax um.

Esayi 56:8

O Yaal oxe na refkaa boo faw, oxe na fokataa we ndaxeena na Isra’el kaa tee: «Xam fokatahin lakas waa mbogreerna fo we fokatuuma boo ƴut.»

A kim a tedu ke 147:2

O Yaal oxe xe maxatinaa a Yeerusaleem soo a fokataa we ndaay’ina na Isra’el.

Esdaraas 6:12

Yaasam Roog fee genna no mbiñ onqeene a maaf o maad oxuu mbaat xeet fuu na jeemkaa o ɗap fa lay es, ndax ta yaq Mbind Roog neene kam Yeerusaleem. Mi o maad Daryus o mat cooxtu kebil neene, too fat a reefel noc.»

A cangatin ale 12:5

Fat nu mbaɗoortikan soom no mbiñ onqe ta jilkaa na xa piisel axe na carind ake nuun fop, ndax ta gen teen, gon um a ƴufginooreel teen.

Heseki’el 36:24

Xam suudit a nuun a ndeer qeet ke, fokatit a nuun na saax ake fop soo nomtiid a nuun no lanq nuun.

Yeremi 31:10

Nuun qeet ke, nan-gilooxyo fa lay fee no Yaal oxe, lambnin na pimb a koƭu ke! Layyo yee: «Oxe pasarna a Isra’el xan a fokatin, a gayin ne o kaynaak a gaytaa o siir um.»

Esayi 11:12

Xan a sipan a saax ake o anddiloor, a fokat kam Isra’el we sutoox’ina saax le soo a korol we pasaroox’ina na Yudaa na xa saax xa nahaq axe na adna fee.

A kim a tedu ke 106:47

O Yaal oxe Roog in, mucli a in. Fokatti a in a ndeer qeet ke, ndax i ƥoxot gon tedu of o ngidim too nqaaƴoortaa a simat of.

1 Maad we 9:3

O Yaal oxe a laya a Salomo yee: «Jaɓaam a qeƭ of fo a qeƭax ale xeɗooxaxamoona. Kesaam Mbind nene maxoona, too xan gon es a gen teen boo kili, a kid es fo xeeñ es a ndef teen boo faw.

Yeremi 3:14

O Yaal oxe kaa tee: «Nomtooxiidyo me mi, nuun xa ƥiy xa kore’aƭaru xe, yaam mi refu o Yaal nuun! Xam xot o leng na nuun mene, na teeru nangam, ɗik lakas maana, no ƥasil nangam, soo nomtiid a nuun Siyoŋ.

1 Caloori ke 16:35

Layyo yee: «Roog o Muumucil in, mucli a in. Fokati a in, muclit a in a ndeer qeet ke, ndax i ƥoxot gon tedu of o ngidim, too nqaaƴoortaa a simat of.»

A cangatin ale 12:21

A soƥangaa yee o mbiñ onqe o Yaal oxe Roog nuun a jilkaa, ndax gon um a ƴufginooreel teen, kaa goƭ a nuun, nu mbaaga mbar na xa siir axe mbaat na ked ake nuun o Yaal oxe a ci’na a nuun, ne heblitanuuma a nuun, soo nu ñaamtin me nu ngenna ne nu mbugitna.

1 Maad we 8:48

a nomtooxiidangaa me wo na qeeñ den fop fo na xa laaw den fop too a nqeɗtangaang kam saax le no fañ den we na ndamkaa a den mbaƭ, a mbaambir fo saax le ci’oona daan den fa teeru fee jiloona fo Mbind ne maxuuma no gon of,

A kim a tedu ke 107:3

soo a fokatit a den na saax ake fop, no batand fo no mudand, no ɓemb-roog o janoon fo no ɓemb-roog o ñamaak.

Esayi 27:12

A koom, xan o Yaal oxe a bac xa yaƥ axe, no kaa xotitna no xuluɓ ole Ofrat boo na ƈufnand alaa Misira, soo nuun Ii-isra’el we, nu ngiseel o leng o leng.

Yeremi 6:22

Keeke o Yaal oxe a layu: «Xeet fey a inoortiidaa no saax laa no ɓemb-roog o janoon, saax maak a ɗistiidaa no cat adna.

Heseki’el 14:6

Ten taxu layi mbind Isra’el ee: Keeke o Yaal oxe na refkaa boo faw a layu: Nomtooxiidyo, mbes a cinj pangool ke nuun! Nquunyo cakalaaru ke nuun fop!

A paɗax ale 26:3

«Nu ndeefangaa bargal es, ngay kebil es soo mbadin a den,

A cangatin ale 30:1

«Yaa tig oo tig keene fop a ndalkaa a nuun, barke fee fo a salax ake doonuuma mbaambir nuun, yaaga xan nu ƥaalaa a den kam a qeeñ nuun a ndeer qeet ke fop o Yaal oxe Roog nuun a pasarkaa a nuun.

Sakari 8:7

Xam muclit xeet es no saax le no batand fo no le no mudand.