Nehemi 1:7 - NQAARIIT NE ROOG

⁷ No ndigil, i mbesoora naa faaxeerna fa wo ye i ngayeerna kebil ke, bargal ke fo bareef ke daawnoona a Moyiis fee o tag of.

Nehemi 1:7 Referans Kwoze

Dañel 9:11

Ii-isra’el we fop ne da mbodeena a ƭapa kebil of, a nduux a koƥ, a mbañ o nan-giloox o ñuxur of. Kaa i tooñong boo a tax a salax ake mbindeena no kebil ke Moyiis fee o tag of a yen took in.

Dañel 9:13

Ne keene a bindteena no kebil ke Moyiis, taamaala keene fop a ndala a in, ndaa taxee i njeem o mandaxin xeeñ of, wo o Yaal oxe Roog in, mbañatong o tooñ soo ndeef o bug of.

A kim a tedu ke 106:6

I mbakaada nen daan in, mbesoor naa faaxeerna, too a qaw ale a hela a in.

Mbeeñil 19:2

Kaa hate’taa ndigil fo o cofel, yaam a hate’a a caga maak ale naxtoogna adna fee ceeq.»

Sofoni 3:7

Kaam layoogu taa kam es ee: ‹Ndiiki koy, Yeerusaleem xan a saɗaraam, a ƭat um a yong na xa soqanqol es. Yaaga ngenand um yaqkaand, too fadinkiim ke hebooxananuuma fop.› Kaa koy, kaa ñof o njimboox na pi a paaxeer a ƥor.

Hoose 9:9

Nu njimbooxa no laawax nen ñaal kaa Gibe’a. O Yaal oxe weecee tooñ nuun too xan a xaw pakaad nuun.»

Esdaraas 7:6

Esdaraas feene a inoortiida Babilon. Kaa reeƭu o piibind oxaa andna a paax kebil ke Moyiis o Yaal oxe Roog fee Isra’el a cooxit’ina. O maad oxe a ci’ooga a Esdaraas fop ke ta xeɗoogna, yaam o Yaal oxe Roog um a reeƭa fo ten.

2 Caloori ke 27:2

Yotaam a fi’a kaa faaxna na kid no Yaal oxe, ne faap um Usiya a fi’it’uuna deŋ. Kaa koy, rok’ee kam Mbind ne no Yaal oxe, ndax ta doxan a xoox um cuuraay, ne faap um a fi’it’uuna. Keene fop koy yaqan’ee xeet fee a moƴ a moƴ o mo’aa.

2 Caloori ke 25:4

Kaa koy, warnoor’ee xa ƥiy axe den, a reefandin no ke bindeena no safe le no kebil ke Moyiis, ne o Yaal oxe a heblituuna yee: «Paap ke mbarnoorkaand yaam xa ƥiy axe den, too xa ƥiy axe itam mbarnoorkaand yaam we ndimna a den, ndaa oxuu refna xan a warel yaam bakaad um.»

1 Maad we 2:3

Nanani ke o Yaal oxe Roog of a heblitna, ñaaƴaa na ƭat um, gayaa ke ta dalinna, kebil um, bargal um fo fa lay um, ne ta bindteena na cangin ale Moyiis. Neene, xan o suur no fop ke o jeemkaa fo muu sagoona.

A cangatin ale 6:1

Keeke ndefu kebil ke fo bargal ke fo ke simteena, too o Yaal oxe Roog nuun a heblit um aqatinin a nuun, ndax nu ngay a den kam saax le nu ndokkaa, njegkin.

A cangatin ale 5:1

Moyiis a xoyna Ii-isra’el we fop, a lay a den ee: «Nuun Ii-isra’el we, nan-gilooxyo bargal ke fo kebil ke um daawnaa a nuun xaye. Aqatooxyo a den, ngay a den, ndax nu ndeef a den.

A cangatin ale 4:5

Nga’angyo, mexe jangnaa a nuun bargal fo kebil, ne o Yaal oxe Roog es a heblitaxama o ten, ndax nu ndeef a den a paax kam saax le nu ndokkaa, njegkin.

A cangatin ale 4:1

«Ndiiki koy, nuun Ii-isra’el we, nan-gilooxyo ndax nu ngay bargal ke fo kebil ke um jangnaa a nuun. Neene, xan nu ñoowaa soo njang saax le o Yaal oxe Roog fee no daan nuun a ci’na a nuun, nu njegkin.

A paɗax ale 27:34

Keene ndefu kebil ke o Yaal oxe a cooxna a Moyiis took o joong olaa Sinayi, ndax ta daawin a den Ii-isra’el we.

Esayi 1:4

Ndaw naqad took saax baabakaad le, xeet fee sufooxna tooñ ƥor, o fog ole no fiifi paaxeer, xa teɓandoong xa kalakooxu xe nu ndefna. Kaa nu ndeɓ o Yaal oxe, nqeef o Tedu xe Isra’el soo mbesin a cinj.

A kim a tedu ke 89:31

Boo xa taan um a ndeɓna kebil es, a mbañ o ndeef ke dalnuuma,

A kim a tedu ke 89:32

a ƭap bargal es, too ngayee ke hebluuma,