Nehemi 1:6 - NQAARIIT NE ROOG

⁶ rungi nof of, wet a kid of, ndax o jaɓ a qeƭ no tag of! Mexey mbaambir of, ñaal fo o yeng, xeɗanaa Ii-isra’el we dag of, weejlaa tooñ ke i tooñoonga. Mi yoo ƥasil es oo i mbakaada.

Nehemi 1:6 Referans Kwoze

Dañel 9:20

«Maad’aam o xeɗaa, weejlaa pakaad es fo ke na Isra’el fee xeet es soo diisaa o Yaal oxe Roog es kaa farna no joong o tedu le ten.

Dañel 9:4

Xeɗaam o Yaal oxe Roog es soo weejlin pakaad es ee: «Wo o Yaal oxe, Roog fa maak fa saɗarnooxu fee, wo fee na gayaa ngiɓoor of fo ngor of no we mbexoonga too a ngayaa kebil of,

A kim a tedu ke 34:15

Fat o goƭatir fo paaxeer soo fi’aa paax, waaƭ jam soo reefanin.

A kim a tedu ke 106:6

I mbakaada nen daan in, mbesoor naa faaxeerna, too a qaw ale a hela a in.

2 Caloori ke 29:6

Daan in kaa ngore’aƭar’u, a mbi kaa faaxeerna na kid no Yaal oxe Roog in, a ndeɓin, a nquun Ngenand ne ten, a mbesin a cinj.

2 Caloori ke 6:40

Ndiiki koy, wo Roog es, fat a kid of a mbetoox, o rung nof of na qeƭ aluu na fi’eel no mbiñ onqene.

Esayi 6:5

Maaga, layaam ee: «Sabab took es! Saŋkooxaam kañ, yaam kaam ref o kiin oxaa xaaɗna o don, gen a ndeer xeet faa nqaaɗna o don itam, soo a kid es a nga o Maad oxe, o Yaal oxe Hupna fop!»

1Saŋ 1:9

I mbeejlangaa pakaad in, Roog a gore’a, too a jofa boo a waasanaa a in pakaad ke in, a xoolandaa a in no njofaƭar nuu refna.

YEGIL MBAAX NE YEESU ne Lik a bindtuuna 18:7

Ndax kaa Roog dimle’kee xeet um, na nqeɗan ñaal fo o yeng? Ndi kaa yapatilkaa a den?

2 Timote 1:3

Ñaal fo o yeng kaam wetandooxang na qeƭ es. Ten taxu itam, gidmaam a Roog fee daan es a ndagooxoogna, too mi itam um dagooxan ndiiki fo yiif dalu.

A ƭomatax ake 5:7

Daan in mbakaadu, ndaa maadatee, soo i ngomaa coono ke no njofaƭar den.

1 Timote 5:5

Oxe andoona koy ee o ñaaw oxaa yoqna koƭong, too jegee oxaa geenooxuuna yoo, a wara o doon yaakaar um na Roog, a gen ñaal fo o yeng na qeƭ, a xeɗooxaa itam.

A kim a tedu ke 130:2

O Yaal oxe, nan-gilooxi o ñuxur es, rung nof of na qeƭax es.

A kim a tedu ke 55:17

Mi o mat, o Yaal oxe Roog um ƴufginooxaa, too xan a muclaam.

A kim a tedu ke 32:5

Feeñlaaxoong pakaad es too ɗasniroong tooñ es. Layaam ee: «Xam waasnoox o Yaal oxe njofaƭar es», too waasanaxamo tooñ es fop, donit ndoq ne no pakaad ke mi. A maaf

Esdaraas 10:1

Ye Esdaraas a xeɗaa, a weejlaa pakaad ke na xeet fee, a yoonandtin xa lool, a gung mbaambir Mbind Roog ne, faan no Ii-isra’el mayu, goor fo rew fo xa caaƈ, a mbokatoora paam um soo a mbaɗooxaa den fop.

Efees 2:3

In fop itam, nen a den i nand’u. Yaaga, kaa i ñoowoogu kam a yuxum ake no cer in, too mbi’aa ke cer in fo a yiif in a mbug’ina. Yaam ke i ndeeƭna yaaga, a qaw ale Roog a war’a o dal took in, ne ta dalitna took no lakas we itam.

YEGIL MBAAX NE YEESU ne Lik a bindtuuna 2:37

ndaa cinj kaaga o ñaaw a reeƭatu. A jeg’a xa kiid qarɓeen ɓetuu tadik fo xa kiid xa nahaq. Inooxoogee no Mbind Roog naa, too a dagooxooga a Roog ñaal fo o yeng, a xeɗaa, a hooraa.

A kim a tedu ke 88:1

A kim oo. A kim a tedu laa fogna na ke no Kookoora we yoo. O yaal a ƭat ale no jeejeek we a xoolne yee a kim alene kaa yoonandteel a liit. A cangtax alaa gimeena yoo, a fog na ke Hemaan, o Ee-esrahi xe.

Esdaraas 10:11

Ndiiki koy, mbeejilyo tooñ nuun o Yaal oxe Roog fee no daan nuun soo mbadin o bug ole ten. Nqaajooryo fo qeet ke no saax lene fo rew jan we.»

2 Caloori ke 28:10

Kaa jolna keene, goor weeke fo rew weeke inoorna Yudaa fa Yeerusaleem kaa nu ngeboox o mbi a den faɗ. Ndax refee yee kaa nu ngadnaa a qoox nuun tooñ mbaambir no Yaal oxe Roog nuun?

1 Sami’el 15:11

«Ricooxaam tigi ke taxna um dalin a Sawul o maad, yaam kaa fesaam a cinj too nananee kebil es.» Sami’el a jaaxɗa lool soo a ref no xeɗooxaa o Yaal oxe kam o yeng olaaga fop.

1 Maad we 8:30

Ngela fat o nan-gilooxaa a qeƭ no tag of fo ale Isra’el fee xeet of yaa da mbaambirna fo o mbiñ onqene a nqeɗaa. Nan-gilooxi a in! Kaam ee nan-giloorti a in na asamaan fee genoona too waasan a in!

1 Maad we 8:47

kam saax le da ƥiseena took o hup doole, a nomtiidangaa a yiif den, a saktooxiid me wo, a nqeɗooxong ee: ‹I mbakaada, tooñong soo mbi kaa faaxeerna›,

Nehemi 1:11

Ey, o Yaal oxe, rungi nof of boog na qeƭ ale no tag of fo na le no dag of we mbugna o saɗarong! Xaye, fi’i boo fop no tag of a ñaaƴ ta daaw yirmande fee no maad oxe.» Mi reeƭu koy oxe na topatooxaa a yer ale no maad oxe.

A kim a tedu ke 102:17

yaam o Yaal oxe xan a maxatin a Siyoŋ, soo a feeñoox no ndam um.

Dañel 9:5

i mbakaada, tooñ, soxod, siiknoor fa wo soo mbes a cinj kebil of fo bargal of.

Dañel 9:8

O Yaal oxe, seeƈaar in a jaga fa in, in fo maad we in fo kelfa ke in fo daan we in, yaam kaa i tooñong.

Dañel 9:15

Ndiiki koy, wo o Yaal oxe Roog in, wo fee sutitna xeet of no saax laa Misira fo o ɓay o mayu katil ole wo boo a tax gon of a layteel boo xaye, i mbakaada, tooñong.