Nehemi 1:5 - NQAARIIT NE ROOG

⁵ soo lay ee: «Ey, o Yaal oxe Roog fee na asamaan, Roog fa maak fa saɗarnooxu fee, wo fee na geekaa ngiɓoor ne soo laltaa yirmande no we mbexoonga too a ngayaa kebil of,

Nehemi 1:5 Referans Kwoze

A sutax ale 20:6

Kaa koy, naagaam o yirmaa boo no wiin cuni-cuni we mbexaxama, a ngayaa kebil es.

A cangatin ale 7:21

Ba nu send mbaambir den, yaam o Yaal oxe Roog nuun oxey a ndeer nuun, Roog fa maak fa saɗarnooxu fee.

Nehemi 4:14

Mbokatooriidyo me in, no mbiñ onqe nu nanitkaa a luuƥ ale. Xan Roog in a ñoxoran a in.»

A cangatin ale 7:9

Fat nu and boog ee o Yaal oxe Roog nuun soom refu Roog. Kaa gore too a gayaa ngiɓoor um fo o paaxel um boo no suk cuni-cuni no we mbexuuna, a ngayaa kebil um.

Nehemi 9:32

Ndiiki koy, wo Roog in, Roog fa maak fee mayna katil too a saɗarnoox, wo fee na gayaa ngor ne fo ngiɓoor ne, ba o ɗeet nen tig pooreer naqad ke i ngomna fop, in fo maad in, kelfa in fo saasadax in, duleer in fo daan in fa xeet of fop, no kaa xotitna na jamaane faa maad we Asuur a maadooxoogna boo no ñaal nene.

1 Maad we 8:23

a xeɗ ee: «O Yaal oxe Roog fee Isra’el, jegee roog faa nandna fa wo, ta ref na asamaan mbaat took lanq ke. Kaa o gayaa ngiɓoor ne fo o paaxel of a ndeer of fo dag of we ndamooxna na wo na qeeñ den fop.

1 Caloori ke 17:21

Jegee took lanq ke xeet fa lakas faa nandna fa Isra’el fee xeet of. Ndax a jega xeet fa lakas faa watiidoona, fi’in xeet of, ndax gon of a joot? Fi’anaa a in a pi a maak a saɗarnooxu. Wattaa xeet of no saax laa Misira, soo rax a saax a can ake mbaambir um.

A kim a tedu ke 47:2

Nuun qeet ke fop, mboxyo, njibnan a Roog xa soroxole,

A kim a tedu ke 89:2

O Yaal oxe, kaam gimaa o mbeq of kili, yegnitaa ngor of no suk boo no suk.

A kim a tedu ke 89:3

Kaam ee o mbeq of kaa maxel boo faw, ngor of a saƭik koŋ nen a asamaan.

A cangatin ale 7:12

Nu nananangaa bargal ke ten, ndeef a den a paax, yaaga xan o Yaal oxe Roog nuun a gay ngiɓoor um fa nuun fo o paaxel um na nuun, ne ta daaɓoorit’uuna fo daan nuun.

Esdaraas 1:2

«Keeke refu ke Kiirus fee o maad Persi a layna: O Yaal oxe Roog fee na asamaan a ɓoxotaxam maat ke na adna fee fop. A heblaxam um maxanin Mbind Yeerusaleem kam Yudaa.

Nehemi 2:4

O maad oxe a laamtaxam ee: «Xar bugo bug um fi’anong?» Ndak fo ndak, xeɗaam a Roog fee na asamaan

Nehemi 4:8

Ye horooxuuma fop, inooxaam, lay maak we, kelfa ke fo fop we maad’uuna yee: «Ba nu saɗar fañ nuun! Mbetandooxyo o Yaal oxe maginna, a saɗarnoox too nu ñoxoran fog nuun, xa ƥiy nuun xa koor fo xa tew, rew nuun fo pind nuun.»

A kim a tedu ke 76:8

Wo saɗarnooxu tigi! Ndi an waagu o geenoox mbaambir of, yaa fuux le wo a biltooxna?

A kim a tedu ke 89:8

Wo Roog, kaa o saɗarnoox no mbokatax ne no tedu we, saɗarnoox tigi no fop we mbidoonga.