Nehemi 1:4 - NQAARIIT NE ROOG

⁴ Ye nanuuma fa lay feene, moofaam, loolaa soo naqadiloox boo ñaal mayu. Kaam hooroogu, xeɗaa mbaambir Roog fee na asamaan

Nehemi 1:4 Referans Kwoze

Dañel 9:3

Maaga, xeɗaam o Yaal oxe Roog es, ƴufginooxin, yoonandtin koor, deroox o saaku, yipoox ndaw.

A kim a tedu ke 137:1

Kaa i moofoogu paam xa quluɓ axe Babilon, loolaa, yaam a yiif in a ngomaa a Siyoŋ.

Esdaraas 10:1

Ye Esdaraas a xeɗaa, a weejlaa pakaad ke na xeet fee, a yoonandtin xa lool, a gung mbaambir Mbind Roog ne, faan no Ii-isra’el mayu, goor fo rew fo xa caaƈ, a mbokatoora paam um soo a mbaɗooxaa den fop.

Nehemi 2:4

O maad oxe a laamtaxam ee: «Xar bugo bug um fi’anong?» Ndak fo ndak, xeɗaam a Roog fee na asamaan

O leetar ole Pool a bindna GIMU WE NGENNA ROM 12:15

Mbelakinooxyo fo we njegna o ɗaay, loolandoor fo we na loolaa.

Sofoni 3:18

O Yaal oxe kaa tee: «Xam fokatiid we ndefna na naqad, too a ngoƭ toofeen ke, a sutoor na wo, wo Yeerusaleem, too gaci a dam a den.

Dañel 2:18

a sim a den da ƈufginoox a Roog fee na asamaan, ta feeñil a den kunpa feene, ndax ten oo yoon um oo mbokatkaand fo yaal-o-and lakas we Babilon, a mbarel.

Esdaraas 9:3

Ye nanuuma keene, faaraam toki es fo sabadoor es, ɓuutaa wiil le no xoox es fo no raatam es soo moof o ndeƈin yaam kam fa mbagu.

Yoona 1:9

Yoona a doona a den ee: «O Hebre refum, saɗar o Yaal oxe refna Roog fee na asamaan, sakna o maag ole fa jeeri fee.»

2 Sami’el 12:16

Dawid a xeɗooxana o goor ole a Roog. A refa no hooraa, too a mbanuu ta xaad’ina no mbind um, no dung o ɓor ole a fe’oogu.

A kim a tedu ke 136:26

Ngidimyo a Roog fee na asamaan, yaam o mbeq um xan a maadaa boo faw.

Dañel 10:2

«Na jamaane faaga, mi Dañel, reeƭaam na yogorlax boo pes tadik takooxiidu.

2 Maad we 22:19

boo ta duq xeeñ of. Neewandooxaa mbaambir o Yaal oxe, ye nanoona ke fosooxan’uuma o mbiñ onqene fo we ngenna teen. Faaraa toki of, lool ciic mbaambir es, ye nanoona yee o mbiñ onqene xan a refat juum kefatin, we ngenna teen a ndefat saloor. Ten taxu mi o Yaal oxe, mexe yegnang ee nanaaxoong.

2 Caloori ke 6:13

Salomo kaa fi’in’u ndaalaand xanjar, a diƈin ndeer o maax ole no Mbind Roog ne. O cigdel ole no ndaalaand neene a reeƭa xa noonoong xa ƥetaq, o yaajel um a ref xa noonoong xa ƥetaq soo geel um a ref xa noonoong xa tadaq. Salomo a ŋaaya teen, a gooknoox mbaambir mbokatax ne no Ii-isra’el we fop, a letin xa ƥay um farna fa asamaan soo a xeɗ ee:

Esdaraas 1:2

«Keeke refu ke Kiirus fee o maad Persi a layna: O Yaal oxe Roog fee na asamaan a ɓoxotaxam maat ke na adna fee fop. A heblaxam um maxanin Mbind Yeerusaleem kam Yudaa.

Esdaraas 9:5

Na waxtu faa na sadax fee no kirand ne, sutooxaam na neewandax es soo inoox, maad o saqaa toki es fo sabadoor es paarooxu. Naagaam giriƥ gooknoox, letin xa ƥay es farna fo o Yaal oxe Roog es

Nehemi 2:20

Doonaam a den ee: «Xan Roog fee na asamaan a fi boo fop in a ñaaƴ. In we dag um, xan i inoox, max, ndaa nuun o mat, nu njegee a las mbaat wargal kam Yeerusaleem, too o leng wetandooxkee a nuun teen.»

A kim a tedu ke 102:15

In we dag of, i mbexa a ƥil ake Yeerusaleem, yirim kefatin ke ten.