Nehemi 1:2 - NQAARIIT NE ROOG

² Hanani fee o leng no fog es fo goor leng-leng a inoora Yudaa. Laamtaam a den kaa farna no Yaawuur waa nomtoortiid’ina no mbaƭ naa fo kaa farna na Yeerusaleem.

Nehemi 1:2 Referans Kwoze

Nehemi 7:2

Doonaam a Yeerusaleem na xa ƥay Hanani fee o pog es fo na xa ƥay Hananiya fee adooxanna saŋe ne. We nand’ina fa Hananiya no ngor fo no saɗar a Roog mayee.

Heseki’el 6:9

Maaga, yoqatin weene na nuun xan a mbetandoortaam ndeer qeet ke da ƥiskeel took o hup doole, mi fee gefna xeeñ den seeseeq le fesaxama a cinj fo a kid den a seeseeq ake ngaanna no pangool ke den. Saɗkatee o mbadraa a kid yaam paaxeer ke da mbi’na fo cednooxu ke den fop.

Heseki’el 7:16

We mucna na den xan a ƥostoox, a ndet took xa coong axe, nen a qoɗoxoñ akaa na ŋuuraa kam a yulanq ake.

Yeremi 44:14

O leng no we yoqna na Yudaa too a laqooxiid mene, no saax le Misira, ɓostooxkee mbaat ta daɗ. O leng na den nomtooxkee no saax le Yudaa, da ndiilooxaa o ngenatinik, a refangee leng-leng waa na ƥostooxkaa.»

Esdaraas 9:14

Yaaga koy, ndax xan i ƭapahin kebil of soo ngiɓoor no ndolnir fo qeet keene na mbi’aa cednooxu? Ndax fuuxankoogiro a in boo saŋik a in, fañ o xaƴan a in yoqatin fo waa mucna?

Mberaand 14:10

A yulanq alaa Sidiim kaa may’u kas kaa njegna ƭok. O maad oxe Sodoom fo xe Gomoor a ngoda o joor soo a yen taaga. We yoqna a ƈufa farna fo o joong olaa.

2 Maad we 24:14

A ɓista kam Yeerusaleem kelfa ke fop fo xir say we fop, baane ke fo faal tafax we ndeeƭna fop oo fop wiin cuni xarɓaxay. Fo ndool ne soom yoq’u kam saax le.

2 Maad we 25:12

Kaa koy, a xaƴ’a leng-leng no we moƴ’ina o ndool no saax le nen ɗiiɗing taxar biiñ fo xooxoox.