Nehemi 1:10 - NQAARIIT NE ROOG

¹⁰ O Yaal oxe, dag of fa xeet of a ndefu waa wattoona katil fa maak fee wo fo o ɓay o jegu doole le wo.

Nehemi 1:10 Referans Kwoze

A cangatin ale 9:29

Yaag oo toox de, xeet of fo o jeg of a ndefu, o sutit a den katil of fa maak fo a naax of ale letnooxna.› »

A sutax ale 32:11

Kaa koy, Moyiis a xeɗooxa o Yaal oxe Roog um, a layin ee: «O Yaal oxe, xar taxu o fuuxan xeet of fee sutoona no saax le Misira na katil fa maak fo o ɓay o jegu doole?

Esayi 64:9

Teeru tedu ke wo kaa mbootat lool, Siyoŋ a nandtaa a koƥ-a-ƥor, Yeerusaleem o mbiñ o nduudne.

A kim a tedu ke 136:12

fo o ɓay o jegu doole fo a naax ale letneena, yaam o mbeq um xan a maadaa boo faw,

A kim a tedu ke 74:2

Wetandooxi xeet of fee jegoona no miñu kaa, a carind akeene watoona, ndax o jeg a den. Wetandooxi o joong ole Siyoŋ, me sip’oona Ngenand of.

A cangatin ale 15:15

Wetandooxi yee reeƭaa o paɗ kam saax laa Misira, too o Yaal oxe Roog of a watong. Ten taxu um cooxong kebil neene xaye.

A sutax ale 15:13

Yirmande of ɗoxto xeet feeke watoona, ɓakandit a den katil of no saax tedu of.

A sutax ale 13:9

Keene xan a ref na nuun nen o anddiloor na xa ƥay nuun, a ref nen betandoor na tagid nuun, ndax nu yegnitaa kebil ke no Yaal oxe, yaam na pexey katil fa maak fee ten o Yaal oxe a suttu a nuun Misira.

A sutax ale 6:1

O Yaal oxe a doona a Moyiis ee: «Ndiiki koy, xan o ga ke um fi’kaa a Firawon fee. Xan o ɓay o mayu katil a riñin bo ta xaƴ Ii-isra’el we da ndet. Kaam ee xan o ɓay o mayu katil a riñin bo ta rax a den saax um.»

A sutax ale 6:6

Ten taxu, layi Ii-isra’el we yee: ‹Mi refu o Yaal oxe, too xam sut a nuun no calel ƭomu ke Miimisira we a ndoxondna a nuun. Xam wat a nuun no mbaƭ ne den, muclit a nuun o ɓay ole mi letnuuma soo xaw a den a qaw a ƭomu.

A sutax ale 6:7

Xam jang a nuun, nu ndef xeet es, um ref Roog nuun, too yaaga xan nu and ee mi refu o Yaal oxe Roog nuun, sutna a nuun no calel ƭomu ke Miimisira we a ndoxondna a nuun.

A sutax ale 13:3

Moyiis a laya xeet faa yee: «Mbetandooxyo bes feene nu sutooxna Misira maa nu ndeeƭna faɗ, yaam na pexey katil fa maak fee ten o Yaal oxe a suttu a nuun maaga. A koom, o leng na nuun ñaamkee mbuuru naa fuutuurna.

A sutax ale 13:14

Yaa xa ƥiy nuun a laamitkaa a nuun ee: ‹Xar kene a tektu?›, fat nu ndoon a den ee: ‹Na pexey katil fa maak fee ten, o Yaal oxe a suttu a in Misira, maa i ndeeƭna faɗ.

A sutax ale 13:16

Keene xan a ref nen o anddiloor na xa ƥay nuun fo nen o libidoor na tagid nuun, yaam na pexey katil fa maak fee ten o Yaal oxe a suttu a in no saax laa Misira.»

A kim a tedu ke 89:14

A naax of doole fa ƥor a yipooxu, o ɓay of a jeg katil, a ñamaak of a garit fop took.