Nehemi 1:1 - NQAARIIT NE ROOG

¹ A betandax Nehemi fee o ƥiy Hakaliya. No hiid qarɓeen ƭikandeer ole no maat Artaserkesees, no nqool Kisleew, a soƥaam na teeru fa njegu saŋe faa Suusaan,

Nehemi 1:1 Referans Kwoze

Sakari 7:1

No hiid o nahkandeer olaa no maat Daryus, no ñaal nahkandeer ne no nqool o ɓetuu nahkandeer onqe, refna o nqool Kisleew o Yaal oxe a daawna a Sakari fa lay um.

Nehemi 10:1

Yaam fop ke dalna a in, in we ngebooxaa, mbindan soo kelfa ke in, Leelewi we fo saasadax we in a mbegtin a kon den.

Esteer 1:2

Na jamaane faaga, uum-maamaad le no maad Asuwerus oxaa reeƭa na teeru fa njegu saŋe faa Suusaan.

Dañel 8:2

Keeke refu ke ga’uuma: Kam mbeeñil ne kaam fod’u Suusaan, teeru fa maak fee no jegel olaa Elam, geenoox paam a ƈufnand ale Ulay.

Esdaraas 7:7

Jaaku no Ii-isra’el we, no saasadax we, no Leelewi we, no giigim we, no yeeyetax we na xa ton-maax axe no Mbind Roog ne fo no diidimle we no Mbind Roog ne a ndeta itam Yeerusaleem no hiid ɓetuu ɗikandeer ole no maat Artaserkesees.

Esteer 3:15

We lul’eena a ñofa o ndet, a ƥis kebil ne no maad oxe. Ye kebil neene a yegniteel kam teeru fa njegu saŋe fee Suusaan, o maad oxe fa Haamaan kaa moof’u a yeraa, too yaaga fop oo, teeru fee Suusaan kaa njaq’u.

Nehemi 2:1

No hiid qarɓeen ƭikandeer ole no maat Artaserkesees, no nqool Nisan, xotaam biiñ fee reeƭna mbaambir o maad oxe, ndax um cooxin teen. Ne mos’eeruuma o gooy muk mbaambir um,

Esdaraas 10:9

Goor we Yudaa fo we Bensame fop a mbokatooriida Yeerusaleem no ñaal tadik ke. Kaaga oxe reeƭa no ñaal qarɓeen ƭikandeer ne no nqool o ɓetuu nahkandeer onqe. Xeet fee fop kaa ngeenoox’u na baayo fee no Mbind Roog ne, a sendaa yaam ke xew’ina fo yaam a teƥ ale.

Nehemi 5:14

No kaa xotitna no ñaal naa dod’eema gofornoor no saax le Yudaa, refna ref no kaa xotitna no hiid qarɓeen ƭikandeer ole boo no hiid qarɓeen tadik fo hiid o ɗikandeer ole no maat Artaserkesees, ta fi xa kiid xarɓaxay fo xa kiid xa ƭaq, mi fo fog es, i mosee o laac a bateer ake ngelna a gofornoor fee.