Nahum 3:6 - NQAARIIT NE ROOG

⁶ Xam ɓax ndoƭ took of, sedlandong soo fi’ong yidel.

Nahum 3:6 Referans Kwoze

Malaki 2:9

Mi koy, xam xeefnoor a nuun soo fudin a nuun na kid no xeet fee fop, yaam nu ndeefee a ƭat es soo samtirandaa wiin we, yaa nu njangnaa a den!»

Yeremi 51:37

Babilon xan a refat juum kefatin, ngenand xa ƥox-a-koƥ. Xan a refat o njaaxɗataand fo qaadnooxel, too o leng genkatee teen.

Ke bindeena no xe ne’eena YOB 9:31

xan o jooraam na derende, boo toki es a mbasnooxaxam.

Hebre 10:33

Leek-leek kaa nu mbenoogel, soo ñagadileel mbaambir no wiin we, leek-leek nu yoon fo we ngadnoogeena nandu neene.

1 Korint 4:9

Yaam kaa nandaam nen kaa Roog a jang a in, in apootar we, a fi a in a las no wiin, i mberanel fa nqon, ndef calat na adna mbaambir malaaka ke fo wiin we.

Nahum 1:14

Nuun wiin we Niniif, keeke refu ke o Yaal oxe a heblitna na nuun: «Nu njegkatee xa taan axaa na lawandaa a kon nuun. Xam watnit no mbind ne no roog ke nuun xa taaƴ xa sexe xe fo nitaal cawne ke. Gasaam poy nuun boo ƴut, yaam nu njaree tus.»

Ke bindeena no xe ne’eena YOB 30:8

Kaa ndeyaƭar’u too limoor’aand, a sutel saax le.

Yudaa 1:7

Mbetandooxyo itam a Sodoom fa Gomoor fo teeru lakas ke mbidna a den, andoona yee kaa ndeɓoox’u no caasaay, a seeqaa nen malaaka keene. A qaw ale no fiɗel le na refkaa boo faw a dala took den. Neene a ndefata a lalgand ale cooxeena wiin we fop.

1 Korint 4:13

ƥanjeel, ndoonooraa a ƭelem jam, adna a ƭeet a in nen leel, i ndef a siind boo ndiik.

Malaki 2:2

Nu nan-gilooxangee, nu njaɓangee o niw gon es fo xeeñ nuun fop, xam saloox a nuun soo saloox parke ke nu ndaawna. Ii, xam saloox a den, yaam nu niwiraam fo a qeeñ nuun fop.

Sofoni 2:15

Keene na dalkaa teeru fa ƭaayu fee reeƭna no woor, a layaa taa no yiif um ee: «Mi doŋ refu meen!» Nam a yaqte neeke, boo a refat o koorand no muumeen ke? Fop we na ndeefkaa paam um xan a mbuuƴaa, a mbulaa a qoox.

A ƭomatax ake 3:16

A ƴaxnooraxam a kac boo a ñiiñ es a ngaakoox, a ɗuuɗaam kam ndaw ke.

Ke bindeena no xe ne’eena YOB 30:19

Roog kaa deɓaam kam lopopooƈ le, um nandtataa fo ut fo ndaw.

Heseki’el 16:37

ten taxu, mexey fokataa xa pes axe wo fop ŋastoogoona, fop we bugrit’oona fo fop we sib’oona. Xam fokatit a den muu refna, da siiknoor fa wo. Xam lal a den cer ƥor of, too xan a nga cer ƥor of fop.

Habakuk 2:16

Maykiro fo o ndam, ndaa xan o naag ɓot yaam gaci. Wo fa xoox of, xan o yer itam soo xeefnoorel yaam o yoq o ƥor! O feeƭ ole no fuux le no Yaal oxe refna na ñamaak um xan a geleeroox farna fa wo, soo o niwaƭarel a muur o ndam of.

Malaki 2:3

Me ta refna koy, xam yoomnoor a nuun, deɓ a nuun kutatin ke na mukit, kutatin ke no cegel ke nu sadaxtaa, too xan nu ƥaxkel fa den.