Nahum 3:4 - NQAARIIT NE ROOG

⁴ Keene fop njaga ƭomu ne Niniif gartun, ten fee yaawnooxna, a waane no pan ne ten. Kaa jikooxoogu a saax ake njaga ne ten, qeet ke, ta dam a den mbaƭ fo pan ne ten.

Nahum 3:4 Referans Kwoze

Esayi 47:9

No ñaal leng kut ne, ndeer ñaf fo ƭeet, tig ƭik kene xan a ndalong: xan o ñak xa ƥeef soo refat o ñaaw. Keene xan a ndalong boo ta dey sik, ke mayoona may pannax fa doole fee no ñango of fop oo.

Mbeeñil 18:23

O jam kaƥkatee me wo, too o ñuxur no waa na sogaa ndolnir nanitkataand na wo. Jula we wo koy moƴ’u o njeg doole na adna fee, too kaa naxtoogu qeet ke fop pan ne wo.»

Mbeeñil 18:9

Maad we na adna fee seeqna fo ten, a neqit no ten, xan a naang ciic a lool, a ƭomatoox yaam saax leene, yaa da nga’kaa fo suun ole no dox ole ten.

Esayi 47:8

Ndiiki boog, nan-gilooxi, woxe na ñaamaa jamaane of, moof a paax fo o yaadax too layaa yee: ‹Mi, jegiim o nand, andkiim ke ñaaw a refna boo muk too ñakkiim xa ƥees.›

Heseki’el 16:35

Ten taxu, wo Yeerusaleem, a caga le, nan-gilooxi fa lay fee no Yaal oxe!