Nahum 3:19 - NQAARIIT NE ROOG

¹⁹ Yaq fee wo waagaand tig, uut le wo waagee o wod. Fop we na nankaa ke daloonga xan a mboxanaa o njakad onqe wo, yaam an daaweeru no kañaan ne wo jegeerna ngakand?

Nahum 3:19 Referans Kwoze

Mise 1:9

Uut le ten waagee wod. Kaa xay boo Yudaa, a daaw tokand ke Yeerusaleem, me xeet es a genna.

A ƭomatax ake 2:15

We na njoonaa fop kaa mboxwanang, a nqaadnooxang. Kaa mbuuƴaa, a mbulanang a qoox, wo Yeerusaleem, o ndoog onqe, a ndamtin ee: «Ndax kene refee teeru fee xoyoogeena o mosel o jegee sik fo o ɗaay no lanq ke fop?»

Ke bindeena no xe ne’eena YOB 27:23

Kaa xaadnoortan xa pox, a wuuƴaa, yaa ta tañ-tañnan.

Yeremi 46:11

Ŋaayi boo Galaad, waaƭ teex ƭuumooxel, wo Misira, o ndoog o toroxu nqe. Kaa koy, jaree o mayƭandaa teex, ngaañax ne wo wodkee.

Esayi 37:18

O Yaal oxe, ndigil oo, maad we Asuur a nduguña qeet ke fop fo a saax den

Mbeeñil 18:20

Ten taxu wo asamaan, felakinooxi! Nuun we mbogna na Roog fo apootar we fo duleer we, kaam ee mbelakinooxyo, no ne Roog a hate’na teeru feene yaam ɗom le ta fi’na a nuun.»

Mbeeñil 17:2

Maad we na adna fee a seeqa fo ten, soo we ngenna na adna fee a mbay fa biiñ fee ten refna ceeq.»

Mbeeñil 13:7

A ci’e o maafir fo we mbogna na Roog, ndax ta maaf a den. A ci’e sañ-sañ no tim oluu refna fo no saax luu refna fo na lak fuu refna fo na xeet fuu refna.

Heseki’el 25:6

Keeke o Yaal oxe na refkaa boo faw a layu: «Feek kaa o fox, fecoox soo felakinoox, doon teen xeef a Isra’el tigi kam ee kam of,

Yeremi 10:22

Nan-gilooxangyo fangax combol le na matiidaa. Yo’in maak ley a inoortiidaa no saax le no ɓemb-roog o janoon. Teeru ke Yudaa xan a suptel a koƥ-a-ƥor, a ndefat ngenand xa ƥox-a-koƥ axe.

Yeremi 30:12

Keeke o Yaal oxe a layu: «Ngaañax ne wo waagee o wod, too uut le wo a ɗoma lool.

Esayi 37:11

Wo fa xoox of nanoodaa ke maad we Asuur a mbi’na a saax ake fop. A ngefa a den tuƈ, soo wo o foog ee xan o muclel.

Yoona 1:2

«Inooxi, ret Niniif, na teeru fa maak faa, too maƭooxin, yaam kañaan um a fadiida boo me mi.»