Nahum 3:14 - NQAARIIT NE ROOG

¹⁴ Wo Niniif, ƴeewi foofi boo fañ we mbidang o kurul-keƥ, saƭkand saŋe ke wo! Roki kam ɗok le, duutin, ref no muulaa!

Nahum 3:14 Referans Kwoze

Nahum 2:1

Nga’yo, o tuleer oxey a garaa took xa coong axe, a ɓisiidaa o nan o felu, a yegnitaa jam. Nuun wiin we Yudaa, ndoofandyo qew ke nuun soo mbadin a tegit ake nuun no Yaal oxe, yaam o caree tus oxe dakkatee me nuun. A moocande boo xoo!

Yeremi 46:9

Pis ke, ƭuuɗyo, a sareet-xire ke, mbi’yo ƥooy! Fat a salma-koor ake a sutoox, ake Kuus fo ake Puut na saqaa pegoor fo ake Luud na saqaa, a nqaƴaa a qali!

Esayi 37:25

Mi fa xoox es waqaam kas, soo yer foofi den. O jaf es ŋiisandtum xa quluɓ axe Misira fop.›

Esayi 8:9

Nuun qeet ke, nu mbug oo njibnaa xa buuq xire, ndaa xan nu ndiid boo sendaa. Nuun we ngenna no cat adna, nan-gilooxyo! Nu mbug oo njagandooxan a ñoq ale, ndaa xan nu ndiid boo sendaa. Kaam ee nu mbug oo njagandooxan a ñoq ale, ndaa xan nu ndiid boo sendaa.

2 Caloori ke 32:11

Hiskiya kaa naxtaa a nuun ee o Yaal oxe Roog nuun xan a wat a nuun no ɓay no maad oxe Asuur. Ndax nu nga’ee yee kaa bug o warnoorit a nuun nqeex fo a koɗom?

Nahum 2:2

Wo Niniif, o yaayaq oxey a inooxaniidang. Yetooxi saŋe ne! Horooxi a ƭat ale! Fapooxani a ñoq ale, fokat a yaj ake wo fop!