Nahum 3:13 - NQAARIIT NE ROOG

¹³ Njambaar ne no xiixire we wo kaa ɓutat. Begax ke no saax of a mbetooxana ŋam fañ we wo, fiɗel le a raaɓ a kinglir ake wo.

Nahum 3:13 Referans Kwoze

Yeremi 51:30

Xiixire we Babilon ñoxorataand, a ƥegelooxaa no saŋe cegu doole ke, njambaar den a fag tak, da nandtataa rew. A kinglir ake no begax ke na teeru fee a ƥole, pind ke ten a ndaaɓel.

Esayi 19:16

A koom, xan Misira a nand nen o tew. Xan a send yaam diid, yaa o Yaal oxe Hupna fop a yoɗankan o ɓay um.

Nahum 2:6

Xir say we na teeru fee owey nqoyeel, ndaa kaa tolofaa, yaa da ñaaƴaa. Soosong we kaa ñofandooxanaa saŋe ke, a sip pegoor den.

Yeremi 50:37

Fat laƥ ne a dal took pis ke ten fo a sareet-xire ke ten, took no xos no wiin wuu ndefna a ndeer um, da nand fo rew. Fat laƥ ne a dal took kalal ke ten, da njaɓel.

A kim a tedu ke 147:13

yaam kaa saƭkandaa a kinglir ake no begax ke wo soo a barke’aa xa ƥeef a ndeer of.

A kim a tedu ke 107:16

Kaa daƈtaa begax xanjar ke, a ɓolaa a kinglir a celem ake.

Yeremi 50:36

Fat laƥ ne a dal took duleer maamaaɓ we, da ndefat yoqit. Fat laƥ ne a dal took a salma-koor ake ten, cer den a leeƈoox.

Nahum 3:15

Yaqanee koy, xan fiɗel a raaɓong, laƥ a moocandong, a ñaamong nen tooroog kaa na nduudnaa. We ngenna me wo kaa mayit’u nen muƈ tooroog.

Abjaas 1:9

Wo Temaan o mat, xir say we wo xan a njaq, we ngenna na xa coong axe Esawu fop a mbarel.»

Nahum 2:7

Xa ton-maax axe mbarna fo xa quluɓ axe a ndaƈte, soo we no mbind no maad ne a mbiriɓ yaam diid.