Nahum 3:10 - NQAARIIT NE ROOG

¹⁰ Yaag oo toox de, we ngen’ina teen a ƥise gilaa saax took o hup doole, a ndamel mbaƭ. Xa qeq axe ten kaa nduguñ’el no kooñ ke no ped ke fop. Kelfa ke ten a lasre na pexey mbanjang ne, wiin maak we ten fop a njengel.

Nahum 3:10 Referans Kwoze

Esayi 20:4

neene o maad oxe Asuur a ɓisitkaa Miimisira we ta damna fo Kuukuus we ta sutna saax den, xa pes axe fo nogoy we, da yoq o ƥor, a ñaaƴaa a caf a ƥor, soo a cinj den a ndef tafil. Ndaw gaci na Misira!

Abjaas 1:11

Nu maad’a a koom alaa wiin jan a ndokna na xa ton-maax axe Yeerusaleem, a nqaajir we ngenna teen na pexey mbanjang ne, a ƥis a den gilaa saax took o hup doole, too nu mbog’a teen sax, nuun itam.

Yowel 3:3

Xam lalit comlaand na asamaan fee fo took lanq ke, ta ref po’oy fo fiɗel fo fo suun olaa fi’na a eel.»

A ƭomatax ake 2:19

Inooxi, jibin xa iin no ndokand ne na yetax ake no yeng ole! Caari ke refna kam of nen foofi mbaambir no Yaal oxe! Letni xa ƥay of farna fo ten yaam o ñis na xa ƥeef xa tutuuñ axe na nqonaa fo nqeex no kooñ ke no ped ke fop!

Esayi 13:16

Xa qeq axe den xan a mokandel na kid den, pind ke den a mbaltel, soo rew we den a ngignel.

Amos 1:13

Keeke o Yaal oxe a layu: «Felaam o jaf no Aa-amon we a caf a tadak boo na nahak sax, ta dak no paaxeer. Kaa nqiir rew wodeer we no saax laa Galaad yaam a mbaaƭaa xa saawit xa yaaju. Ten taxu o ɓay es ole yoɗooxna waagee ñak o dal:

A ƭomatax ake 4:1

Xar oo kene? Wurus fee a ñaka meleƈ um, wurus fa nqoolu fee a suptoox! A ƥil ake no mbiñ o tedu nqe a pasarooxa no kooñ ke no ped ke fop!

Esayi 13:6

Ƭomatooxyo, yaam ñaal ne no Yaal oxe a matiida. Oxe garaa, a ref yaq faa hatiidna no Cegu katil oxe.

A kim a tedu ke 137:8

Wo o ndoog onqe Babilon na gefkeel tuƈ, oxe na doonkang leng kut ke doon’oona a in, a ɗaaya.

2 Maad we 8:12

Hasa’el a laamtaan ee: «O yaal es, xar taxu o loolaa?» Eliise a doonaan ee: «Yaam kaam and paaxeer ke o fi’kaa Ii-isra’el we. Xan o raaɓ teeru cegu saŋe ke den, xa pes axe den, o warit a den laƥ, duguñ xa teɓandoong axe den, soo rew we den na mbudkaa, o xiir a den.»

Ke bindeena no xe ne’eena YOB 6:27

Nu mbanjangkooga, ndax nu njeg o waan ole, xaariit nuun, nu njikoortin xaaliis.

A kim a tedu ke 137:9

Oxe na damkaa xa qeq axe wo soo a mokand a den no ɓil le, a ɗaaya.

A kim a tedu ke 149:8

a mbeñ maad den fo ceen, a njeng wiin maak we den,

Esayi 19:4

Xam ɓoxot a Misira na xa ƥay no yaal o ƭomu tig. O maad oxaa na ƴaxooxaa xan a maadoox took um.» Keene o Yaal oxe na refkaa boo faw Hupna fop a layu.

Heseki’el 29:7

Ye da ndamoonga no ɓay den, gefaa soo xuuy a kand den fop, too ye da ndamlooxoonga, ɓaƈtooxaa soo girid tet den.