Nahum 2:9 - NQAARIIT NE ROOG

⁹ Niniif kaa nand nen mband ngefu naa may’ina fo foofi, ndaa ndiiki koy poofi ke owe mbalwalnaa. Ngeenooxyo! Cungyo! Kaa koy, o leng nomtooxiidee.

Nahum 2:9 Referans Kwoze

Dañel 11:8

Xan a jangal a den soo a ɓis Misira nitaal roog ke den fo xa taaƴ xa cawne xe den fo tig oo tig cegu njiriiñ ke den mbi’teena xaaliis mbaat wurus. Cinj kaaga, xan a ɗaayoor fo o maad oxe no ɓemb-roog o janoon boo xa kiid xa leng-leng.

Heseki’el 26:12

Xan a njang kalal ke wo, a mbalit o jeg of, a njiƭit saŋe ke wo, a mbayit pind mosu ke wo soo a ndeɓ kam o maag ole a qanq ake wo, a ƥil ake wo boo no fo ut ole wo.

Yeremi 51:56

O yaayaq oxe xe garaa took um, kaam ee oxe garaa took Babilon. A salma-koor ake ten a naange nuus, a qali ke den a ƥolel calit, yaam o Yaal oxe kaa ref Roog faa na rabdaa, a ɓoxotaa oxuu refna ndabid um.

Yeremi 25:34

Nuun ɗooɗox we, iinyo too mbuuq, nuun yaal xa siir axe, mbirkilooxyo a lanq, yaam ñaal ke nu nqiriskeel soo pasarel a mbadiida. Xan nu yen nen o ƥaxañ o cegu njiriiñ.

Esayi 33:4

Kalal ke den fop xan a ngifel nen kaa soƈ a nduudinna, a ngindrel nen ngindir tooroog.

2 Caloori ke 36:10

Farna fo o hiid o xas ole, o maad Nebukadnesaar a ɓisaan Babilon ten fo xa ƥaxañ xa cegu njiriiñ axe no Mbind ne no Yaal oxe soo a dalin a Sedekiya fee faap ndeɓ Yoyakin ta maadooxaa kam Yudaa fa Yeerusaleem.

Esayi 33:1

Sabab took of, wo xe na yaqaa, too yaq’aandee, hodaa, too mosaandee o hod. O yaqangaa boo ƴut, xan o yaqel, o hodangaa boo ƴut, xan o hodel.

Mbeeñil 18:12

Cula keene koy ndefu: Wurus fa xaaliis fo a ƥil a cafeñu a mosu fo xa peme. Kaa njula’oogu itam piis mosu nen sooy fo daalde fo suwaa fo cuup. A njikooxoogahina o xos a qanq a cafeñu fo kaa fi’teena a ñiiñ fa ñiig fo a teex nqool fa xanjar fo njelem fo a ƥil marbar.

Mbeeñil 18:16

a lay ee: «Sabab! Koo ndaw sabab na teeru fa maak fee! Kaa rokoox’u sooy fo daalde mosu, a yipoox wurus bo, a may fo a ƥil a cafeñu fo xa peme!

Yeremi 46:5

Ndi xar um ga’aa? Owe ndiida boo a sendaa, a ndakooxaa o jiijiŋ. A Salma-koor ake den a nduguñe, a ngod o joor, too nomtooxiidatee, diid le xey muu refna. Mi o Yaal oxe a layun.

Nahum 3:17

Gelwaar we wo kaa nand nen soƈ, kelfa ke wo a nand nen muƈ tooroog kaa ndongna na xa ƭiiɗing yaa fo a ƥuuɓ. Njeeƈ ne xaa aayaa rek, da yet, too o leng andkee me da nqotna.