Nahum 2:5 - NQAARIIT NE ROOG

⁵ A sareet-xire ke kaa mboy kam ped ke, a mam no qel ke. O ga’angaa a den ee xa cam, da ƈuftaa nen xa kiiñaand.

Nahum 2:5 Referans Kwoze

Yeremi 46:12

Qeet ke a yega gaci of, too xa buuq axe wo a nannooxa muu refna. O qiixire a kamasa o kend um, da yenandoor den ɗik fop.»

Nahum 3:18

Wo o maad oxe Asuur, ɗooɗox we wo owe ƭaanaa o ƭaan o yokukaand, xir say we wo a naang faq, xeet of a pasaroox took xa coong axe, too jegee o leng oxaa fokatna a den.

Nahum 3:3

Pis ŋaaye ke owe mbaaslooxaa, laƥ ke a telelaa, a salma ke a meleƈaa. Wiin gaañooxu wey gañ, xa tal axe a mbi a cuum, xon we a naang xus, a kamaseel.

Yeremi 50:29

Nqoyanyo a Babilon xaaxaƴ a qali we, fop we ndefna ɗana! Ndalyo me widuuna, ba o leng a daɗ. Ndabdeenoo a pi um, mbi’in deŋ ne ta fi’na lakas we! Kaa lalit o felnax um paam o Yaal oxe, paam o Tedu xe Isra’el.

Esayi 21:5

Ñaamel ke a ndiƈe, xa sar axe a ƭaapel, da ñaamaa, a yeraa. Ndak fo ndak, o wuuq a jiba yee: «Xir say we, inooxyo! Ƭuumyo pegoor ke nuun!»

Esayi 5:27

Jegee oxaa xijna na den mbaat ta tolofaa. O leng ɗaanee mbaat ta nim. Jegee oxaa o kumnoor um a yandna mbaat o ƭool o ñaaƭ um a ɗeg.

Nahum 2:6

Xir say we na teeru fee owey nqoyeel, ndaa kaa tolofaa, yaa da ñaaƴaa. Soosong we kaa ñofandooxanaa saŋe ke, a sip pegoor den.

Habakuk 1:8

Pis ke den moƴu ñof o ƴaxal, a moƴ o ƈaxooxaa a teeteem na kid-a-caɓru. Pis ŋaaye ke den kaa mbaaslooxaa, a inoortiid koƭu, a yetaa nen a canjiik alaa waaslooxanna mbuufuɗag um.