Nahum 2:4 - NQAARIIT NE ROOG

⁴ Pegoor ke na salma-koor ake no fañ we kaa yaxig, xir say we a ndokoox daalde. Boo da mbaajanaa a ñoq ale, a sareet-xire ke den kaa meleƈaa nen o jam, soo pis ke a coketaa.

Nahum 2:4 Referans Kwoze

Yeremi 4:13

O pañ oxe xey a garaa nen a eel o ufang, a sareet-xire ke ten a nandtaa a und, pis ke ten a moƴ o ñof a canjiik. «Sabab took in, yaam i ngefe tuƈ.»

Heseki’el 26:10

Fo ut ole no pis mayaan ke ten xan a muurong. Saŋe ke wo xan a send no fangax le no ŋaaŋaay pis we fo no le na saang ake fo no le na sareet-xire ke, yaa ta rokkaa no tokand ke wo, ne teeru faa jaɓeena a rokteel.

Esayi 66:15

O Yaal oxe xey garaa kam fiɗel, a sareet-xire ke ten a nandtaa a und a cegu doole. Fuux ɗomu le ten xan a biltoox nen ƈulfaan fiɗel, soo ta fadin a qaw ale ten kam aal fiɗel.

Dañel 11:40

Farna fo muukandoong naa, xan o maad oxe no ɓemb-roog o ñamaak a gomir fo o maad oxe no ɓemb-roog o janoon, ndaa oxeene xan a yen took um fo a sareet fo pis fo a kaal a mayu. Xan a jaɓ a saax a mayu, a maƥ fop nen o jaɓ.

Esayi 37:24

Wenaxamo, mi o Yaal oxe, reefandin no we luloona, soo lay ee: ‹Mi Sanxerib, ŋaayaam xa cul axe na xa coong axe fo a sareet-xire mayaan ake mi, ret boo kam ee kam Libaŋ, ndax um fuuɓ taxar seedar ciig ke ten fo pilaawo ke ten moƴna o mos. Daawaam o jul ole ten moƴna o goƭ took fo suungaan le ten na nandtaa a ƭing.

Yeremi 46:9

Pis ke, ƭuuɗyo, a sareet-xire ke, mbi’yo ƥooy! Fat a salma-koor ake a sutoox, ake Kuus fo ake Puut na saqaa pegoor fo ake Luud na saqaa, a nqaƴaa a qali!

Heseki’el 23:24

owe ngarantang no ɓemb-roog o janoon, a saq ƥonax, a sareet-xire fo a saang a sareet fo mbokatoor no qeet. A mbidaang o kurul-keƥ, a ƥonoox pegoor maak fo teɓ fo o maxande. Ɓoxotaam a den hate fee, too xan a ngate’tong kebil den.

Heseki’el 26:7

Keeke layum, mi o Yaal oxe na refkaa boo faw: Xam ɓistiid no ɓemb-roog o janoon took Tiir a Nebukadnesaar fee o maad oxe Babilon, o maad oxe no maad we, ta yoontiid pis, a sareet-xire, ŋaaŋaay pis, faan fo a yaj a pagkatar.

Xa peƭit axe 31:21

Saɗaranee we no mbind um a ƥuuɓ ale, yaam ƥasil um fop kaa ndokooxaa meɗu.