Nahum 2:2 - NQAARIIT NE ROOG

² Wo Niniif, o yaayaq oxey a inooxaniidang. Yetooxi saŋe ne! Horooxi a ƭat ale! Fapooxani a ñoq ale, fokat a yaj ake wo fop!

Nahum 2:2 Referans Kwoze

Sofoni 3:11

«Wo Yeerusaleem, a koom jegkatiro gaci na pi of ake tooñtaxamoona fop. Xam watin na wo we a magnandax a ɗaaynooraa, too ga’atinooxkatiro muk took o joong o tedu le mi.

Heseki’el 37:23

Ndoɗgandkatee a qoox den tee kaa mbaɗooxaa nitaal roog cakalaaru, a mbi’aa a pi a cednooxu fo pakaad kuu ndefna. Xam mucil a den no fo mbiñ ne da ngen’ina fop too a mbakaadit’u teen. Xam xooland a den da ndefat xeet es soo um ref Roog den.

Esayi 60:15

Kaa o waas’el pelek, o leng fex’irang mbaat ta gar a ɗeetiidong. Ndiiki koy, xam fi’ong o ref qaaƴoor boo kili fo kaa na ɗaaynooraa bo na moos boo moos.

Hoose 10:1

Isra’el kaa reeƭu ndaxar biiñ ndiirim, naa watoogna xa tim xa mayu. Nuu xa tim axe ten a moƴ’ina o mayit, ta moƴ o mayƭandaa xa sadaxand axe. Nuu saax le ten a moƴ’ina o neqit, ta moƴ o sipaa a ƥil akaa na mbaɗooxeel.

Yeremi 49:9

Boo niinir a ngarna me nuun, nqaƴkee kisaatooxel leng. Boo guuɗ a ngarna no yeng ole, xan a yaq boo a ndeyƭoox.

Yeremi 25:29

Na teeru fee kesaneema um feritkaa taamaala fee, soo nuun o mat, nu mbug o ƭeetel nen caambuur! Nu ƭeetkaand nen caambuur, yaam xam hebliid laƥ took no fop we ngenna na adna fee.» O Yaal oxe Hupna fop layun.

A kim a tedu ke 47:4

Kaa ɓoxotaa qeet ke na xa ƥay in, a maafaa a saax ake na caf in.

Yeremi 48:11

O Yaal oxe kaa tee: «Mowaab kaa ñoowoogu na jam no kaa xotitna no ndeƥandoong um, mosaand o ɓis gilaa saax took o hup doole. Kaa yaadoox’u nen biiñ faa wendna boo a diƈoox no nqiim um. Mosaand o yiƥadoox ndeer o ƥaxañ fo o gend um, a maada fo a safaan um, too a qeeñaan um suptooxee.

Heseki’el 37:21

Cinj kaaga, fat o lay a den ee: Keeke o Yaal oxe na refkaa boo faw a layu: Xam sutit Ii-isra’el we a ndeer qeet ke da ndet’ina, fokat a den soo nomtiid a den no lanq ke den.

Nahum 2:10

Lukityo xaaliis fee, mbuf wurus fee! Halal fa mbagkatar fey, tig cegu njiriiñ key gañ!

Nahum 3:14

Wo Niniif, ƴeewi foofi boo fañ we mbidang o kurul-keƥ, saƭkand saŋe ke wo! Roki kam ɗok le, duutin, ref no muulaa!