Nahum 2:13 - NQAARIIT NE ROOG

¹³ Njogoy ne kaa listanoogu xa ƥeem, a waranaa cogoy ƥasil ke ten. Kaa mayƭandoogu nqanq ne ten fo tame-dame, ngenand ne ten, ta yipin a tegeƴ a ƥor.

Nahum 2:13 Referans Kwoze

Nahum 3:5

O Yaal oxe Hupna fop kaa tee: «Wo Niniif, xam dal took of, yoɗ xa lifar axe no ndoki of boo na mukit of, lal qeet ke cer ƥor of, gaci’andong na kid no maat ke.

Yeremi 21:13

Mi yoo nuun oo, nuun we ngenna took ɓil fodru le garitna o saawit ole took. Cey, nuun we na layaa yee: ‹An na fudooxkaa, a songiid a in? An na rokkaa no kenand ke in?›

A kim a tedu ke 46:9

Ngaryo nga a pi ake no Yaal oxe, com’andtu ke ta fi’aa took lanq ke.

2 Maad we 19:23

Wenaxamo, mi o Yaal oxe, reefandin no we luloona, soo lay ee: ‹Mi Sanxerib, ŋaayaam xa cul axe na xa coong axe fo a sareet-xire mayaan ake mi, ret boo kam ee kam Libaŋ, ndax um fuuɓ taxar seedar ciig ke ten fo pilaawo ke ten moƴna o mos. Daawaam o jul ole ten moƴna o goƭ took fo suungaan le ten na nandtaa a ƭing.

Nahum 3:1

Sabab took teeru fa yednu fee, mayna fo naanaxir, a naag gañ fo cangale, too tame-dame um njegee hap!

Heseki’el 5:8

no keene, keeke layum, mi o Yaal oxe na refkaa boo faw: Xam geleerooxan a nuun itam. Xam dalin hate es a ndeer nuun, na kid no qeet lakas ke.

2 Maad we 19:9

Ɓaatnee dara, o maad oxe Asuur a yegnel ee Tirhaka fee o maad Kuus oxey na ƭat, ndax ta xire fo ten. Maaga, a dalfooxa o lulahin wiin maa Hiskiya yee:

Yosuwe 11:9

Yosuwe a fi’a a den ne o Yaal oxe a heblit’uuna o ten. A ɗega xa tod axe no pis ke soo a dox a sareet-xire ke den.

Nahum 3:12

Saŋe ke wo fop kaa nand nen tun kaa saqna xa tun xa poorateel. Oxe bugna ñaam a den a yo’nangaa ndaxar ne rek, da yen kam o don um.

Heseki’el 39:1

«Wo fee o ƥiy no kiin, jo’tanaam a Gog ee: Keeke o Yaal oxe na refkaa boo faw a layu: Xam ɓekong o ɓay, wo Gog fee o kelwaar o maak oxe Mesek fa Tubal.

Heseki’el 38:3

Fat o lay ee: Keeke layum, mi o Yaal oxe na refkaa boo faw: Xam ɓekong o ɓay, wo Gog fee o kelwaar o maak oxe Mesek fa Tubal!

Heseki’el 35:3

Fat o lay ee: Keeke o Yaal oxe na refkaa boo faw a layu: Wo o joong ole Seyiir, xam ɓekong o ɓay. Mexe letnaa o ɓay es took of too xam yungandong, fi’ong o mbiñ o mbootu.

Heseki’el 29:10

Ten taxu xam damir fa wo, damir fo xa quluɓ axe wo, too xam fi a Misira juum kefatin, a pec fo o mbiñ o mbootu, no ke xotitna Migdol no ɓemb-roog o janoon, a sag Siniim no ɓemb-roog o ñamaak boo no ŋat olaa Kuus.

Heseki’el 29:3

Yaƥati too lay ee: Keeke layum, mi o Yaal oxe na refkaa boo faw: Xam ɓekong o ɓay, wo Firawon fee o maad Misira, wo fa noox fa maak fee na wondooxaa ndeer xa quluɓ axe wo, layaa yee: ‹Niil fee mi jegun, mi fi’oodun!›

Heseki’el 28:22

Fat o lay ee: Keeke o Yaal oxe na refkaa boo faw a layu: Xam ɓekong o ɓay, wo Sidoŋ! Xam ɓoxotel o ndam a ndeer of. Xan ta and ee mi refu o Yaal oxe, yaa um fadinkaa kate es took um soo feeñil teen o tedel es.

Heseki’el 26:3

Ten taxu keeke layum, mi o Yaal oxe na refkaa boo faw: Xam inooxanong wo Tiir. Xam ɓakandiid took of qeet pagkatar ne o maag ole a yoɗtaa a yag-ee-yag ake ten.

Yeremi 51:25

Mi yoo wo oo, o joong o yaayaq ole. Wo Babilon fee yaqoogna lanq ke fop, xan o ɓay es a dal took of. Xam berengtiidong took-ee-took a ƥil ake, fi’ong o joong olaa doxeena riw. Mi o Yaal oxe layun.

Yeremi 50:31

Xam damir fa wo, o pelnooxu xe refoona, yaam bes of a fadiida, waxtu fee o gadooxkaa a pi of a gar. Mi o Yaal oxe na refkaa boo faw Hupna fop layun.

2 Caloori ke 32:19

A layooga na Roog fee Yeerusaleem ne da layoogna no roog ke no qeet lakas ke no lanq ke ndefna kaa o ɓay no kiin a jalna.

2 Maad we 18:19

Jawdiin fee a laya a den ee: «Ndetyo ndaawin a Hiskiya nduleer nene no maad o maak oxe refna o maad oxe Asuur na laamtan ee: ‹Xar refu a koolax aleene damlooxoona?

2 Maad we 18:17

O maad oxe Asuur a foda na teeru fee Lakiis, a lul Yeerusaleem maa no maad Hiskiya a buumi um fa farɓa fa maak fee ten fa jawdiin um, da yoon fo a yaj no xiixire maak. Ye da mbadiidna na teeru fee, a ndala paam a ƥaaxaand ale no mbalka-took ne na ƭat ale no qol ole no qaaxaaɗ oxe.

Yosuwe 11:6

O Yaal oxe a laya a Yosuwe yee: «Ba o saɗar a den, yaam xam ɓoxot a den na xa ƥay no Ii-isra’el we, too boo waxtu feeke feet a fadaa, xan a soƥ da nqon den fop. Fat nu ƭeg xa tod axe no pis ke den soo ndox a sareet-xire ke.»

Yeremi 46:14

«Yegniteenoo Misira, nannooreenoo Migdol, nannooreenoo Memfiis fa Tapanes! Layyo yee: ‹Ngeenooxyo, njagandoox!› Yaam laƥ ne a raadna gentand nuun boo a ƴut.

Heseki’el 13:8

Ten taxu keeke o Yaal oxe na refkaa boo faw a layu: Feek fa lay nuun xa koɓong xa ƥor a refu, soo peeñil ke nuun a ndef xa maaƥ xa ƥor, xam inooxan a nuun. Mi o Yaal oxe na refkaa boo faw layun.

Heseki’el 21:3

Fat o lay suungaan le no ɓemb-roog o ñamaak ee: Nan-gilooxi fa lay fee no Yaal oxe! Keeke o Yaal oxe na refkaa boo faw a layu: Mexe heƥandaa kam of fiɗel laa na raaɓkaa me wo ndaxar nquƥu nuu refna fo ndaxar mbeeru nuu refna. Ƈulfaan ne na aal ake ñufkee, too mukit fuu refna xan a ñaastel teen, a xotit no ɓemb-roog o ñamaak boo no janoon.

Nahum 2:12

Mam nqanq ne no cogoy ke a refatu, nqawlooxand ne no cogoy canglax ke, me njogoy ngoor ne fo ƥasil ne fo o njogoy o njanglax onqe a mbidoogna, too jeg’ee o leng oxaa fiiqilna a den?

Nahum 3:15

Yaqanee koy, xan fiɗel a raaɓong, laƥ a moocandong, a ñaamong nen tooroog kaa na nduudnaa. We ngenna me wo kaa mayit’u nen muƈ tooroog.