Nahum 2:11 - NQAARIIT NE ROOG

¹¹ Fop kaa jangalel, a jangel soo a raadnel! Njambaar ne kaa ɓutaa, kuɓay ke a leeƈoox, tet ke fop a cuƥtoox, fop a mboor a kid.

Nahum 2:11 Referans Kwoze

Esayi 5:29

Kaa mbumbtaa nen njogoy ƥasil, a ŋuuraa nen njogoy njanglax naa pokooxna mbuufuɗag um, a ɓisan, too o leng saɗee gar, a suqtin no ten.

Yeremi 2:15

Fo njogoy fo njanglax kaa ŋuuranan, a mbumbaa, a ngef saax le ten tuƈ, soo teeru ke ten a ndaaɓel, o leng genatee teen.

Sofoni 3:3

Kelfa ke ten kaa ndef cogoy kaa na mbumbaa, haahate we ten a ndef a teeteem o yeng akaa ngeekankeerna o feet tus.

Nahum 3:1

Sabab took teeru fa yednu fee, mayna fo naanaxir, a naag gañ fo cangale, too tame-dame um njegee hap!

Yeremi 50:44

Ga’angi, nen njogoy naa na sutoortiidaa no joc ole Yordaan, a jagin na xa suufand xa quƥu sap axaa, neene ndeer ñaf fo ƭeet xam rax Kaakalde we no saax le, dalin teen oxe um jilkaa. Ndi an nandu fa mi? An saɗu xeloor fa mi? O aa-adax oxum na xoxkaa mbaambir es?»

Yeremi 50:17

Isra’el kaa reeƭu mbaal mo’u, cogoy ke a ndaxan. O maad oxe Asuur eetun o lisit, soo oxe falakna o duguñaa xa kiiƈ um a ref Nebukadnesaar fee o maad oxe Babilon.

Yeremi 4:7

Njogoy ne a suqtoora no ngus um, o yaayaq oxe no qeet ke a xot a ƭat, a sutoor no sanand um, ndax ta gef saax nuun tuƈ. Teeru ke nuun xan a tasel, a mbes a pec.

Esayi 31:4

Keeke o Yaal oxe a layaxam: «Ne njogoy mbaat o njogoy o njanglax a ŋuurtaa, ndax ta xoxit mbuufuɗag um na yaj no gaynaak waa inooxanuuna too naagee o diidaa xa buuq axe den, mbaat ta firiɓ yaam fangax le den, neene a refitkaa na mi fee o Yaal oxe Hupna fop, yaa um fudooxkaa took o joong ole Siyoŋ fo took ƴoong le ten, ndax um xire’it maaga.»

Mberaand 49:9

Yudaa kaa ref o njogoy o njanglax, o ƥees, kaa o inoor no nqawlax, tuuƭ o ɓay of, soo wondoox nen njogoy: An na inkan?

A lim ale 23:24

Xeet fene oxe jiŋ, a geenoox nen njogoy ƥasil. Wondooxkee a refangeerna kaa ƴax mbuufuɗag um, soo a yer fo’oy le no ke ta warna.»

Heseki’el 32:2

«Wo fee o ƥiy no kiin, yoɗani a Firawon fee o maad Misira a kim a ƭomatax! Fat o lay ee: Kaa o nandtoogu o njogoy o njanglax ndeer a saax ake, ref nen fa noox kam xa maag axe. Kaa o balnoogu xa quluɓ axe wo, noottaa poofi ke a caf of, jiqtaa a kal ake den fop.

Mise 5:6

We yoqna na xa taan axe Yakoob ndeer qeet mayu, xan a ndef nen liim laa inoorna no Yaal oxe, nen mbuyaam took daaƭ. Ndoonkee yaakaar den no kiin, ngaɗooxkee no mbindeef.

Nahum 2:12

Mam nqanq ne no cogoy ke a refatu, nqawlooxand ne no cogoy canglax ke, me njogoy ngoor ne fo ƥasil ne fo o njogoy o njanglax onqe a mbidoogna, too jeg’ee o leng oxaa fiiqilna a den?

Esayi 13:7

Ten taxu, xa ƥay axe fop kaa yaar, njambaar ne no wiin we a ɓutaa.

Yowel 2:6

Qeet ke kaa sendaa mbaambir den, a mboor a kid, den fop.