Nahum 2:10 - NQAARIIT NE ROOG

¹⁰ Lukityo xaaliis fee, mbuf wurus fee! Halal fa mbagkatar fey, tig cegu njiriiñ key gañ!

Nahum 2:10 Referans Kwoze

A kim a tedu ke 22:14

Kaa yaƥatanaam nen njogoy ne na listaa, a bumbaa.

Yowel 2:6

Qeet ke kaa sendaa mbaambir den, a mboor a kid, den fop.

Dañel 5:6

Maaga, a foora a kid, yiif um a jaq, ndet um a cuƥtoox, soo kuɓay um a nqawraa.

Yeremi 30:6

Laamityo boog too ƭeet: ndax o koor a naaga o ñootaa? Xar taxu um ga’aa o koor oo koor a dam ndet nen o tew oxaa na gaajooxaa? Xar taxu mukit ke fop a mbeƭar?

Esayi 24:1

O Yaal oxe xan a fi lanq ke a mbes a pec, a ruudin a den, a noot adna fee soo a picit we ngenna teen.

Esayi 21:3

Ten taxu naqad oxe lifaxam, um ɗomeel nen o tew oxaa na gaajooxaa. Ke nanuuma kaa firɓandaam, ke ga’uuma a diidlandaam.

Sofoni 3:6

O Yaal oxe kaa tee: «Moocandaam qeet, taax-took den a yaqel. Wootnaam ped ke den, boo njegatee oxaa reefna a den. Teeru ke den kaa ndaadnel, njegatee o kiin o leng, ngenataand.

Nahum 3:7

Fop we na nga’kang xan a ngoƭong, a ndamtin ee: ‹Niniif a yaqe pic! Ndi an na moofkaa, a ɗomatooxan?› Mi itam, mam um waaƭanitkang yaayaal?»

Yeremi 51:62

Cinj kaaga, fat o lay ee: ‹O Yaal oxe, wo fa xoox of layu yee o mbiñ onqene xan a gefel tuƈ, too genkataand boo muk, ta ref wiin we mbaat cegel ke. Xan a refat a koƥ-a-ƥor boo kili.›

Esayi 14:23

Xam fi’in ngenand a caang, suptin loofatin soo leeltin o leelir o yaayaq ole. Keene o Yaal oxe Hupna fop a layu.»

Yosuwe 2:11

Kaa i yegin rek, cer in fop a ƥoloox, too o leng saqatee o laaw olaa ta siiknooritna fa nuun, yaam o Yaal oxe Roog nuun refu Roog fee na asamaan fa fee no lanq ke.

Mberaand 1:2

Lanq ke o ƥor a yoq’u, too saxit’eeyo nen tig. Ke widuuna fop a fi nen poofi mayu, a niɓaan tit, Yiif le Roog a yaaraa, a yooroox poofi ke.

Yosuwe 7:5

Wiin we Ay a mbara na den ngap goor qarɓeen tadik fo goor ɓetuu fa leng. A ndaabta a den no don-maax olaa na teeru faa boo Sebarim soo a nqawit a den na pudnand alaa. Maaga, cer no Ii-isra’el we a ƥolooxa, xa laaw den a ndet.

Yeremi 8:21

O njakad onqe dalna xeet es kaa gefɗandaam, um yogorloox, naqad a damaam.

Yeremi 49:23

Ke yegniteena na Damaas: «Hamat fa Arpad a seda ɓot, yaam a yega o nan o faaxeer. Kaa sendaa yaam a njaq, nen o maag o jumbu laa waageerna o riim.

Heseki’el 21:7

«Wo fee o ƥiy no kiin, geleerooxani a Yeerusaleem too waare took fo mbiñ fo tedu ne! Jo’tanaam took o fiisel ole Isra’el.

Heseki’el 31:15

Keeke o Yaal oxe na refkaa boo faw a layu: «A koom alaa ta xaadna jaaniif, simtaam ñaawax. Muuraam juwaam fee yaam o ten, harin xa quluɓ axe, poofi maak ke a ngeennel. Niɓaannaam a Libaŋ yaam o ten, too taxar ke na koƥ ale fop a mbeera ŋayam yaam o ten.

Nahum 2:2

Wo Niniif, o yaayaq oxey a inooxaniidang. Yetooxi saŋe ne! Horooxi a ƭat ale! Fapooxani a ñoq ale, fokat a yaj ake wo fop!