Nahum 1:9 - NQAARIIT NE ROOG

⁹ Xar nu nqalaataa no Yaal oxe? Ten na moocandaa fañ we! Naqad fee dalkee a nuun a caf a ƭak!

Nahum 1:9 Referans Kwoze

A kim a tedu ke 33:10

O Yaal oxe kaa nootaa yuuƥ ke no qeet ke, a finqaa ke a saax ake a ƭaapna.

A kim a tedu ke 21:11

Xan o saŋik o qeet den took lanq ke, o ax den a mooc a ndeer pindeef ke.

Xa peƭit axe 21:30

O jeg-yiif mbaat o ƴiƴ mbaat a kortax ƭaxee tus, yaa o Yaal oxe a fuuxanoonga.

2 Korint 10:5

nduguñaa a magnandax aluu na yaqanaa o and a Roog, soo tañ-tañnaa a qalaat akuu ndefna ndax da nanan a Kiristaa.

Nahum 1:11

Na wo Niniif, oxe yuuɓanna o Yaal oxe paaxeer a sutooru, oxe saq’ina yuuƥ caree tus.

1 Sami’el 26:8

Abisay a laya a Dawid ee: «No yeng olene, Roog a ɓoxota o pañ of na xa ƥay of. Xaƴaam, um rengin a lanq fo a salma le ten. Ndib leng kut a deya, soxla’kee um ɗikandaa.»

1 Sami’el 3:12

No ñaal naaga, xam fadin a qaw ale mi took Eeli fo mbind um fop, too saganitkiim teen dara.

2 Sami’el 20:10

Amasa yeg’ee yee Yowab a saq’a laƥ no ɓay um o janoon. Yowab a diba a Amasa no fud boo laaw ke a ƥaxoox a lanq. Naaga, Amasa a xona, too Yowab soxla’’atee o ɓaatanin ndib lakas. Cinj kaaga, Yowab fo o maag um Abisay a ndakooxa o nqot a ƭat, a ndaabik a Seeba fee o ƥiy Bikri.

Esayi 28:22

Ndiiki boog, mbaasyo o nqaadnax onqe nuun, ndik ceen ke nu ngumteena a moƴel o nqiisin, yaam yaq fee no saax le fop a fosooxe boo a ƴut. Nantaanum no Yaal oxe na refkaa boo faw Hupna fop.

Yeremi 51:64

lay ee: ‹Neene Babilon a riimitkaa, too inooxatinkee na taamaala fee o Yaal oxe a ɓisiidkaa took um. Xan da yen, a mbagiɗ tak.› » Meeke fa lay fee Yeremi a fagtu.

Heseki’el 7:5

Keeke o Yaal oxe na refkaa boo faw a layu: «Taamaala, taamaala fa njegee nand fey a garaa.

Heseki’el 21:5

Maaga, layaam ee: «Ey o Yaal oxe na refkaa boo faw, weene kaa layaa na mi yee: ‹A naxax rek a laytaa.› »

Hoose 7:15

Mi yaru a den, saƭkand a den, ndaa paaxeer ƥor a yuuɓanaxam.