Nahum 1:7 - NQAARIIT NE ROOG

⁷ O Yaal oxe a faaxa. Kaa ref ndaɗand yaa fa naqad, a topatooxaa we ngoolooxuuna.

Nahum 1:7 Referans Kwoze

2 Timote 2:19

Kaa koy, ke Roog a geeninna waagee o yen, yaam kaa siptin fa lay um feeke: «O Yaal oxe a anda wiin um» fo «Oxuu na ne’aa gon le no Yaal oxe, fat a fes paaxeer a cinj.»

YEGIL MBAAX NE YEESU ne Saŋ a bindtuuna 10:27

Paal ke mi kaa nan-gilooxaa o ñuxur es. Andaam a den, too a naangaxam o ndeefaa.

A ƭomatax ake 3:25

O Yaal oxe a faaxa no xuu yaakaaruuna, no xe na waaƭan.

YEGIL MBAAX NE YEESU ne Saŋ a bindtuuna 10:14

Mi koy, mi refu o kaynaak o paax oxe. Kaam and paal ke mi, da andaam,

A kim a tedu ke 100:5

yaam o Yaal oxe a faaxa. O mbeq um xan a maadaa boo faw, too ngor um xan a ref no suk boo no suk.

A kim a tedu ke 27:5

Xan a laqaam no ngenand um, yaa taamaala a jegna, a ɗasnaam no ƭiif um, a ŋaaynaam took ɓil goƭu took.

Xa peƭit axe 18:10

Gon le no Yaal oxe kaa ref taax-took saƭku koŋ. O cofu xe kaa jaɓnooxaa teen soo a ref no woor.

A kim a tedu ke 1:6

O Yaal oxe kaa yoonaa jofu we na ƭat den, soxodu we koy, a ƭat den a jagin na saŋkax.

Galati 4:9

Ndiiki koy, ye nu andna a Roog boo ƈut mbaat ye Roog a andna a nuun, nam nu mbugu o nomtoorit na ƭat ale na adna fee jegeerna o njiriiñ, ndax nu ndakoox o ndef faɗ den?

Esayi 25:4

yaam wo reeƭu ndaɗand no neewu doole xe fo njaɓnooxand no ndool onqe reeƭna na naqad. Wo reeƭu itam laqooxand yaa fo mbuyaam maak ne fo yook naa na saytooxaa na sumaan a cegu doole le no njeeƈ ne. Haaƭ le no wiin fo’oy we kaa nand’u nen mbuyaam naa na xawooxaa no tabax,

1 Caloori ke 16:34

Ngidimyo o Yaal oxe, yaam a faaxa, too o mbeq um xan a maadaa boo faw.

A kim a tedu ke 86:7

Kam naqad es wo um ƴufginooxaa, yaam xan o jaaɓaam.

Esayi 32:2

Oxuu refna na den xan a ref nen laqooxand naa na fegaa nqeñ ne fo ndaɗand naa na kalaa a und a maak ale, a ref nen a ƈufnand foofi kam o mbiñ o mbeeru, nen yook ɓil maak no lanq koɗome.

A kim a tedu ke 25:8

O Yaal oxe a faaxa too a jofa. Ten taxu ta lalaa baabakaad we a ƭat ale.

Dañel 3:28

Nebukadnesaar a laya yee: «Roog fee Sadrak fa Mesak fa Abed-Nego a hela o simatel, ten fee luliidna malaaka um, ta mucil dag we ten ngoolooxuuna! Kaa ƭap kebil es, mi fee o maad, yaam o ƥoxot cer den a moƴan a den o faɗoox a roog fa lakas faa refeerna Roog den.

A kim a tedu ke 71:3

Refi na mi ɓil saƭku laa um jaɓnooxaa, garaa teen cay. Hebliti um muclel, yaam wo refu ɓil es fo saŋe es.

A kim a tedu ke 91:15

Xan a ƴufginooxaam, too xam jaaɓin. Xam ref fo ten, yaa ta refna na naqad. Xam watin, ɓoxotin o ndam.

A kim a tedu ke 59:16

Kaa njoqooyooxaa o mbiñ fo mbiñ, a mbaaƭaa kaa ñaamna, too a njegangee kaa giñna a den, a ndef no ŋuuraa.

A kim a tedu ke 50:15

Ƴufginooxaam, yaa refoona na naqad, xam muclong, soo o ɓoxotaam o ndam.»

Dañel 6:23

Roog es a hebliida malaaka um ta muɓnoor cogoy ke boo ŋoloƴiraam. O nanangaan koy, kaa tooñiim a Roog, too wo daali maad oo, fi’iroong cageer leng.»

O leetar ole Pool a bindna GIMU WE NGENNA ROM 11:22

Ɗeetaqini kat ne Roog a feeñlitna o paaxel um fo o ñangel um. Kaa ñang no we yenna, soo na wo koy, ta letnong o paaxel um. Fat o gen no paaxel um oleene boog, ndax ɗegkaandee tapit nen a naaq.

2 Caloori ke 32:21

Maaga, o Yaal oxe a hebliida malaaka ta saŋik xir say we fo aa-adax we no xiixire we fo kelfa ke kam saŋe ne no maad oxe Asuur. A dalfooxa o nomtoox no saax um, a naag ɓot yaam gaci. A roka kam mbind ne na roog fee ten soo xa ƥeem a ngar a mbartin laƥ.

Mace 27:43

A doona yaakaar um na Roog, Roog a fexangaan, pañtu ta muclin koy? Mee ndax kaa layoogu yee ten refu o Ƥeenqe Roog!»

Mace 7:23

A koom, xam faambir fa den, lay a den ee: Mosiim o and a nuun. Ngoƭaamoo, nuun we na mbi’aa paaxeer!»

Esdaraas 3:11

Kaa njaaɓanroogu, a nqaanaa, a simataa o Yaal oxe fo a ƭelem akene: «Yaam a faaxa, too o mbeq um na Isra’el xan a maadaa boo faw!» Xeet fee fop kaa njibnoogu xa buuq xa maak, a simataa o Yaal oxe yaam fer le no Mbind ne no Yaal oxe.

2 Caloori ke 32:11

Hiskiya kaa naxtaa a nuun ee o Yaal oxe Roog nuun xan a wat a nuun no ɓay no maad oxe Asuur. Ndax nu nga’ee yee kaa bug o warnoorit a nuun nqeex fo a koɗom?

2 Caloori ke 32:8

Ten koy, doole no kiin soom a yaakaaru, in o mat o Yaal oxe Roog in na dimle’kaa a in, a damit a in na ñoq ale.» Fa lay faaga na Hiskiya fee o maad Yudaa a saƭakina xeet faa.

1 Caloori ke 5:20

Na xire faaga, a nqeɗooxa o ndimle Roog. A jaɓa a qeƭ den soo a ƴufig a den, yaam ne da ngooloox’uuna. Maaga, a nqawa Aa-agaar we fo yoon den.

A kim a tedu ke 20:1

O yaal a ƭat ale no jeejeek we a xoolne yee a kim a tedu lene kaa fog na ke Dawid.

A kim a tedu ke 37:39

A muc no jofu we no Yaal oxe a inooraa, o ten refu njaɓnooxand den, yaa taamaala a jegna.

A kim a tedu ke 37:40

O Yaal oxe kaa ƴufgaa a den soo a wat a den. Kaa wataa a den no soxodu we soo a mucil a den, yaam kaa njaɓnooxaa me ten.

Yeremi 16:19

O Yaal oxe, wo refu doole es, o saasaytax es fo njaɓnooxand es yaa fa naqad. Me wo qeet ke no cat adna a ngarkaa too xan a lay ee: «Daan we in caaxaan a lamu, xa koɓong axaa ƭaxeerna dara.

Yeremi 17:17

Ba o ref na mi kaa na sendnooraxam, wo fee refna njaɓnooxand es yaa fa taamaala.

Yeremi 24:5

«Keeke o Yaal oxe Roog fee Isra’el a layu: Ne xa tun xa paaxu xene a mbuudteel, neene we ndameena mbaƭ na Yudaa a ngaaltaxam, den we raxtuuma no mbiñ onqene boo no saax laa no Kaakalde we.

Sofoni 3:12

Xam xaƴ me wo xeet fa neewandooxu fa ñaku doole, faa na bugko jaɓnooraa gon es, mi o Yaal oxe.

2 Caloori ke 13:18

A koom, Ii-isra’el we a neewand’e soo Yuuyudaa we a njeg o ndam onqe yaam kaa ngeƈnoox’u no Yaal oxe Roog fee no daan den.

A kim a tedu ke 9:10

O Yaal oxe refu njaɓnooxand no xe na ñaatlandeel, a ref laqooxand no naqad ke.

A kim a tedu ke 46:2

Roog refu njaɓnooxand in fa doole in. Kaa ƴufgaa a in kili kam naqad ke.

Esayi 50:10

Oxuu saɗarna o Yaal oxe fat a nan-giloox o ñuxur no tag um! Oxuu na ñaaƴaa no niɓaan ole too a ñak a qoolaand, fat a doon a koolax um no gon le no Yaal oxe, a damloox na Roog um!