Biblia Todo Logo
Bib sou entènèt

- Piblisite -




Nahum 1:6 - NQAARIIT NE ROOG

6 Ndi an waagu geenoox, yaa ta fuuxna? An waagu waag o foñ fuux ɗomu le ten? Ngañak ne ten kaa biltooxaa nen fiɗel, soo a ƥil ake a qaacooxaa mbaambir um.

Gade chapit la Kopi




Nahum 1:6
31 Referans Kwoze  

Kaa koy, o Yaal oxe refu Roog fa ndigil fee, a ref Roog fa ñoow jok fee, o maad oxe na refkaa boo faw. A fuuxangaa, lanq ke a yo’noox, too qeet ke ngatlee xulmbax um.


Ndi an na hatilkaa bes feene ta garkaa? Kaam ee an na geenooxkaa naŋ, yaa ta feeñna?, yaam kaa nand fo fiɗel no paal o qaaxaw soo a ran-gandaa taw nen xeme.


O Yaal oxe kaa ref Roog fa naalu faa na rabdinooxaa. O Yaal oxe kaa rabdinooxaa, a fuux boo a buɓaa. Kaa rabdinooxaa took no fañ we ten, a fuuxanaa we mbinqqoorna fo ten.


Wo Roog fee Yakoob, ye ŋaloona a den, ŋaaŋaay fo pis den fop a nqona.


Xam heƥand fiɗel kam Misira, Siin a diid boo a sendaa. Teeb xan a sexel xa kur, fañ we a njaɓ a Memfiis njoloor o mbuc.


O Yaal oxe a ɗaxda fuux um, a bilit fuux ɗomu le ten. A heƥanda fiɗel kam Siyoŋ, ta raaɓ boo na per ake ten.


A ɗaaya a qali um nen o pañ, a ñamaak um ee pec, a waajaa o xaƴ. A wara fop we mbel’ina o nga’el, a bilit fuux um nen fiɗel took ƭiif ke Siyoŋ, o ndoog onqe.


Fuuxanatinum, ndaa um soƥangaa teen tomb fo takar-ñiig, xam dal took den, dox a den bee riw.


Ten taxu, o Yaal oxe na refkaa boo faw Hupna fop xan a ɓisiid jir laa na ŋeeskaa wiin magnu suquƈ we no saax le Asuur. Keƥandand na ilaa yoora o ndam um ne fiɗel a iltaa.


An andu doole fee no fuux le wo, a and fuux ɗomu le wo, ndax ta saɗarong?


Siminyo o ƥeenqe, mboonin, ndik ta fuux, soo nu saŋkoor na ƭat nuun, yaam fuux um kaa yooɓ o biltoox. Kaa koy, we na njaɓnooxaa no ten a ƭaaya.


O Yaal oxe a layaan ee: «Sutooxi geenoox took o joong ole mbaambir es, too xam jooniid.» Ndak fo ndak, a und a maak a cegu doole a xeñiida, a qaacaa xa coong axe, a moxoñaa a ƥil ake, a adooxan o Yaal oxe, ndaa o Yaal oxe reeƭee kam a und alaa. A cinj a und ale, a jeg’a a yo’nax lanq, ndaa o Yaal oxe reeƭee kam a yo’nax lanq alaa.


Malaaka fa nahkandeer fee a ɓaxa o mbeeƭ um took njeeƈ ne. Njeeƈ ne a ci’e o dox wiin we fo a sumaan ale ten.


Cinj kaaga, nanaam o ñuxur o maak olaa inoorna no Mbind Roog ne, a lay malaaka ɓetuu ƭik ke yee: «Ndetyo ƥax took lanq ke fo mbeeƭ ɓetuu ƭik ne yipna fuux le Roog!»


yaam bes fa maak fee da nqawkaa a in a fadiida, too an na waagkan o haŋ?»


Jiici ga’atinooxu we, fuux of a biltooxan a den, o neewand a den.


O Yaal oxe, boo geek’oona no yiif of tooñ ke, o Yaal oxe, an daɗkoogu hate of?


Ten taxu, asamaan fee xan a yo’noox, lanq ke a ngiiƈ-ngiiƈin yaam fuux le no Yaal oxe Hupna fop a koom alaa fuux ɗomu le ten a ɓiltooxkaa.


O Yaal oxe xey garaa kam fiɗel, a sareet-xire ke ten a nandtaa a und a cegu doole. Fuux ɗomu le ten xan a biltoox nen ƈulfaan fiɗel, soo ta fadin a qaw ale ten kam aal fiɗel.


nuun mbind Dawid! «Nqes nuu nu ngate’aa, ngate’ityo o cofel, suqit oxe na toroxandeel na xa ƥay no ñaañagadil oxe, ndik fuux es a biltoox nen fiɗel, a doxaa too waagkaand o ñuf, yaam a pi a paaxeer ake nuun! Mi o Yaal oxe layun.


Ndiiki koy, miñkatee dara xam ɓax fuux es took of. Fuux le mi xan a jeg ne ta bugna na wo. Xam hate’ong na pesorooƭ of, soo gadnong cednooxu ke wo fop.


Keeke o Yaal oxe na refkaa boo faw a layu: Tañalax ne xan a watnel, o ndip onqe a wolel. Fop xan a suptoox. Ke neewandeena xan a yoɗel soo ke yoɗeena a neewandel.


Xam hebliid fiɗel kam Magog fo ndeer no we ngenna na pimb ake mboorna, too xan da and ee mi refu o Yaal oxe.


boo a posax ale no Yaal oxe a helko fo fadnooxaa, soo nu maƥel nen ñaax laa nqeñ a adinna, boo fuux ɗomu le no Yaal oxe a helko fo yenaa took nuun, boo bes fee no fuux le no Yaal oxe a helko fo dalaa took nuun.


Ten na sektaa xa coong axe, too yegkee teen tig, a jiƭtaa a den kam fuux um.


A xasooxangaa, a toodook ake na asamaan kaa sendaa, soo a njaaxiɗ.


Wo saɗarnooxu tigi! Ndi an waagu o geenoox mbaambir of, yaa fuux le wo a biltooxna?


Baabakaad we owe ndiidaa kam Siyoŋ, jofaƭaru we a sendaa, a ndamtin ee: ‹An na in na waagkaa o moof kam fiɗel le na raaɓaa? An na in na waagkaa o moof kam ƈulfaan ñufkeer ne?›


Kam ngañak um a ɓola o rand ole Isra’el. A ŋooka a ñamaak um, ye o pañ oxe a garna. A heƥanda kam Yakoob aal fiɗel laa raaɓuuna o saax oo saax.


Swiv nou:

Piblisite


Piblisite