Nahum 1:5 - NQAARIIT NE ROOG

⁵ Xa coong axe kaa sendaa mbaambir um, a ñaang ake a sooyaa. Kaa yo’naa lanq ke, adna fa muum fo we ngenna teen fop.

Nahum 1:5 Referans Kwoze

Mise 1:4

Xa coong axe kaa naayaa ɗuga a caf um nen likaañ kam fiɗel, a yulanq ake a ngasooxaa, nen maa foofi laa na caarooxaa na pudnand a gasna.

Yeremi 4:24

Ɗeetaam xa coong axe, ga da yo’nooxaa, soo a ñaang ake fop a sendaa.

2 Sami’el 22:8

Maaga, lanq ke a ngiiƈ-ngiiƈna, a yo’noox, a per ake asamaan a send fa doole, da njayang-njayangin yaam fuux le no Yaal oxe.

Habakuk 3:10

Xa coong axe waa nga’ang rek, a sendaa, mbuyaam a deɓiid, juwaam fee a fangnaa o ñuxur um, a yoɗ a yag-ee-yag ake ten took,

A kim a tedu ke 68:8

Wo Roog, ye fodoona mbaambir xeet of, ñaaƴaa na koƥ-a-ƥor ale, A maaf

Haahate we 5:5

Xa coong axe a senda mbaambir no Yaal oxe, boo no le Sinayi sax, mbaambir no Yaal oxe Roog fee Isra’el.

A kim a tedu ke 114:6

Xa coong axe, xar taxu nu cir-cirnaa nen a suk paal, a ñaan ake nen fo mbote?

A kim a tedu ke 114:4

xa coong axe a cir-cirnaa nen a suk paal, a ñaang ake nen fo mbote.

A kim a tedu ke 98:7

Fat o maag ole a fangoox fo ke refna teen fop, adna fee fo we ngenna teen.

A kim a tedu ke 46:6

Roog oxey kam fee, sendkee muk. Kaa ƴufgan no ke xotitna no mbeet ne.

A sutax ale 19:18

O joong olaa Sinayi kaa suunoogu naa ta fodeena fop, yaam o Yaal oxe kaa fudoox’u taaga kam fiɗel. Fo suun olaaga kaa yoɗoortoogu nen fo suun ndoxand, too o joong olaa fop kaa sendoogu fa doole.

Mbeeñil 20:11

Cinj kaaga, ga’aam gamb no maad maak ran fo xe moofna teen. Lanq ke fa asamaan fee a qicooxa boo a ngoƭ mukit um, nga’ataand boo xoo.

Mace 28:2

Maaga, lanq ke a yo’nooxa, yaam malaaka no Yaal oxe kaa fudoortiid’u na asamaan. A berenga ɓil laa weg’ina a mboy alaa, too a moof took um.

Mace 27:51

Na waxtu faaga, mbaƴ naa fegit’eena o mbiñ o tedu nqaa no Mbind Roog naa a naagta faceet took boo a sipoox a lanq. Lanq ke a yo’nooxa, soo a ƥil ake a qaacoox.

Mbeeñil 6:14

Asamaan fee a fokatooxa nen a kayit alaa doreena, xa coong axe fop fo a pimb ake fop a mbuuroox me da ndeeƭna.

A kim a tedu ke 18:7

Kam naqad es ƴufginoox’aam o Yaal oxe, falaloox a Roog es. A nanta o ñuxur es no mbind um, too o wuuq es a nannooxa no nof um.

Esayi 5:25

Ten taxu fuux le no Yaal oxe a biltooxan xeet um, ta yoɗ o ɓay um soo a xawin. Xa coong axe kaa sendaa, soo xa tal axe yee ɗareet no ped ke nen ƭaaq. Kaa koy, keene fop taxee fuux um a ɓoos, too o ɓay um ole yoɗooxa boo fa ndiik.

Esayi 24:1

O Yaal oxe xan a fi lanq ke a mbes a pec, a ruudin a den, a noot adna fee soo a picit we ngenna teen.

Esayi 24:20

Lanq ke we njayang-njayangnaa, ne o kiin o bayu a jayang-jayangnitaa, a njaayooxaa nen o ɗaakaand. Tooñ um a sufooxa took um, ta yen too inooxkatee muk.

Yowel 2:10

Lanq ke kaa sendaa mbaambir den, asamaan fee a yo’noox, njeeƈ ne fo o nqool onqe a nuk, soo xa qoor axe a ñak a qoolaand den.

Sakari 4:7

Wo o joong o maak ole, an refo? Xan o fodrandel mbaambir Serubabel. Xan a doon ɓil faraaj le na seek um ndeer xa soroxole xe yee: ‹Ndaw ne ta mositna! Ndaw ne ta mositna!› »

Ke bindeena no xe ne’eena YOB 9:5

Ten na sektaa xa coong axe, too yegkee teen tig, a jiƭtaa a den kam fuux um.

Ke bindeena no xe ne’eena YOB 26:11

A xasooxangaa, a toodook ake na asamaan kaa sendaa, soo a njaaxiɗ.

A kim a tedu ke 18:8

Maaga, lanq ke a ngiiƈ-ngiiƈna, a yo’noox, a per ake na xa coong axe a send fa doole, da njayang-njayangin yaam fuux le no Yaal oxe.

A kim a tedu ke 104:32

A ɗeetangaa lanq ke, da sendaa, nqol um a cuq xa coong axe, da suunaa bud-bud.

Yeremi 10:10

Kaa koy, o Yaal oxe refu Roog fa ndigil fee, a ref Roog fa ñoow jok fee, o maad oxe na refkaa boo faw. A fuuxangaa, lanq ke a yo’noox, too qeet ke ngatlee xulmbax um.

Heseki’el 38:20

Liƥ ke no maag ole fo tiiƭ ke na asamaan xan a send mbaambir es, den fo muumeen-a-koƥ ke fo ƥood ke fop fo wiin we fop ndefna took lanq ke. Xa coong axe xan a ngirdoox, taax-took ke fop a luƈtoox, saŋe ke fop a ngaakoox.

Amos 9:5

O Yaal oxe na refkaa boo faw Hupna fop, kaa doonaa nqol um took lanq ke, fop a yo’noox, adna fa muum a njaañoox, lanq ke a kuf-kufin nen o maag o riñu, a ŋiisin nen o xuluɓ ole Misira.