Nahum 1:4 - NQAARIIT NE ROOG

⁴ Kaa ŋalaa o maag ole soo a weernin, a ŋiisin xa quluɓ axe fop, Basan fa Karmel a mbeenjeenj, soo piɗ ke Libaŋ a leeƥ.

Nahum 1:4 Referans Kwoze

Esayi 33:9

Lanq ke wey na ñaawax, a mbeeraa. Libaŋ kaa naag ɓot, a leeƥaa, Saron a nand nen o tan, Basan fa Karmel a nguytel.

A kim a tedu ke 106:9

A ŋala a Kal ale no xeet le, ta weer ndak fo ndak, cinj kaaga, ta ñaaƴnoor a den na juwaam fee, nen oxaa na ñaaƴaa na koƥ-a-ƥor.

Esayi 51:10

Andum refee yee wo weernu o maag ole, poofi ke na juwaam fee, soo sex a ƭat kam qooƭ ke no maag ole, ndax we mbateena a suur?

Esayi 44:27

Kaam layaa qooƭ ke no maag ole yee: ‹Mbeeryo› Xam ŋiisin poofi ke ten.

A kim a tedu ke 114:5

O maag ole, xar taxu o qicoox? Yordaan, xar taxu o dakoox o jiijing?

A kim a tedu ke 114:3

O maag ole a ga’aan, a qicoox, Yordaan a dakoox o jiijing,

A kim a tedu ke 104:7

ndaa ŋalaa a den, da ƈuf, no fangax le no ƭuuɗ ne wo a ngoda o joor,

A kim a tedu ke 74:15

Wo balnu a cur fo a ƈufnand soo weerin koroŋ o xuluɓ o ŋiiskeer ole.

Mace 8:26

Yeesu a laya a den ee: «Xar taxu nu ndiid? Nuun soo neew o ngim!» Cinj kaaga, a inooxa, a ŋal nqeñ ne fo o maag ole, too fop a naag’ata yereŋ.

Amos 5:8

An saku xa Kulook axe fo Ndaalaand ne? Kaam ee, an saku xa qoor axeene? An na suttaa mbeet no niɓaan, ñaal ta dugandtin o yeng, a fokat poofi ke no maag ole, soo a picit a den took lanq ke? Mee ndax ten ne’e o Yaal oxe!

Amos 1:2

Keeke refu ke Amos a layna: «O Yaal oxe xey a bumbtiidaa Siyoŋ, o ñuxur um a fangoortaa Yeerusaleem: A biinj ake fop a leeƥa, o jul ole Karmel a weer boo ŋayam.»

Heseki’el 30:12

Xam weerin xa quluɓ axe Niil, jikoox saax le no ɓay no soxodu we. Xam wootin saax le fo ke refna teen na pexey o ɓay ole no wiin jan we. Mi o Yaal oxe layun.

Ke bindeena no xe ne’eena YOB 38:11

layin ee: «Xan o gar boo mene, ndaa jolkino. Meeke a yaand ake wo a ndaykaa.»

Mberaand 8:1

Roog a wetandooxa a Nowe fo muumeen ke fo cegel ke ndeeƭna fo ten na kaal ale fop. Roog a wuuɗa nqeñ took lanq ke soo poofi ke a mbaajoox.

Yosuwe 3:16

poofi ke na pudnand ale a ngeenooxa jiŋ nen tabax sipe maa liitooxna a den paam teeru faa ne’eena Aadama refna paam Sartan, soo poofi ke nqayoogna farna fo maag o Xanju laa, a suur boo a naag mes. Maaga, xeet fee a mbaag’ata o nqaañit a Yordaan me jasnoorna fa Yeriko.

2 Sami’el 22:16

Qooƭ ke na xa maag axe a nguyte, a per ake na adna fee a mbeeñ yaam a qufil ake no Yaal oxe fo a und ale no fuux le ten.

Esayi 42:15

Xam fiitin xa coong axe fo loot ke boo da naang halit, soo weerin fop ke na xuƥaa na den. Xam supit xa quluɓ axe lanq beeru soo ŋiisin peel ke.

Heseki’el 38:20

Liƥ ke no maag ole fo tiiƭ ke na asamaan xan a send mbaambir es, den fo muumeen-a-koƥ ke fo ƥood ke fop fo wiin we fop ndefna took lanq ke. Xa coong axe xan a ngirdoox, taax-took ke fop a luƈtoox, saŋe ke fop a ngaakoox.

A kim a tedu ke 18:16

Qooƭ ke na xa maag axe a nguyte, a per ake na adna fee a mbeeñ yaam a qufil ake wo, wo o Yaal oxe, fo a und ale no fuux le wo.