Nahum 1:2 - NQAARIIT NE ROOG

² O Yaal oxe kaa ref Roog fa naalu faa na rabdinooxaa. O Yaal oxe kaa rabdinooxaa, a fuux boo a buɓaa. Kaa rabdinooxaa took no fañ we ten, a fuuxanaa we mbinqqoorna fo ten.

Nahum 1:2 Referans Kwoze

Sakari 8:2

«Kaam jeg na Siyoŋ o mbeq o maak, naalan naal ƭomu. Mi o Yaal oxe Hupna fop layun.

A sutax ale 20:5

Gungkiro mbaambir den too faɗooxkiro a den, yaam mi o Yaal oxe Roog of, Roog fa naalu refum, faa na rabdinooxaa njofaƭar ne no paap ke took xa ƥiy den boo no suk ndadkandeer mbaat no nahkandeer naa no we sibaxama.

A kim a tedu ke 94:1

Wo Roog o taarabdinax oxe, wo o Yaal oxe, Roog o taarabdinax oxe, laltinooxi no ndam of.

A sutax ale 34:14

Nu ngungkee mbaambir roog fa lakas, yaam mi o Yaal oxe, gon es refu ‹o Naalu xe›, soo um ref Roog fa naalu itam.

Yosuwe 24:19

Yosuwe a laya xeet fee yee: «Nu mbaagkee o mbaɗoox o Yaal oxe ne waritna, yaam kaa ref Roog fa tedu too a naal faa waasankeerna a nuun njofaƭar nuun fo pakaad nuun.

Hebre 10:30

yaam i anda oxe layna yee: «Mi ndabdinax a helu, too mi na rabidkaa.» A doona teen ee: «O Yaal oxe xan a hate xeet um.»

Esayi 42:13

O Yaal oxe xe ɓeriidaa nen a salma-koor, a fapooxan a ñoq ale nen o qiixire soo a jibin o wuuq xire o jegu doole, a maaf fañ um.

A cangatin ale 4:24

yaam o Yaal oxe Roog nuun kaa ref fiɗel laa na raaɓaa, a ref Roog fa naalu.

2 Piyeer 2:9

O Yaal oxe a anda ne ta warna o muclit no ƭeetlax ke wiin we na ndeefan, soo wiin jofaƭaru we, ta geek a den, ndax da nqawel na bes faa na hate faa.

O leetar ole Pool a bindna GIMU WE NGENNA ROM 12:19

Qaariit es, ba nu ndabdinooxan a qoox nuun muk, ndaa nqaƴyo Roog a ɗaxit fuux um. Yaam a laye na Pind a Tedu ke yee: «Mi ndabdinax a helu, too mi na rabidkaa.» Keene o mat o Yaal oxe a layu.

Yowel 2:18

O Yaal oxe a jegata o liir no saax um, a yirim xeet um.

Heseki’el 39:25

Ten taxu keeke layum, mi o Yaal oxe na refkaa boo faw: Ndiiki xam supit muj fee Yakoob, yirim mbind Isra’el fop soo naalaa gon tedu es.

Heseki’el 6:12

Oxe na goƭkaa xan a xon na piste, oxe na matkaa a xon na xire, oxe na yoqkaa a widel o kurul-keƥ a xon no biim. Fuux le mi xan a jeg ne ta bugna took den.

Yeremi 4:4

Nqucooxanyo o Yaal oxe, nqucoox na qeeñ nuun, nuun wiin we Yudaa fo nuun we ngenna Yeerusaleem, ndik fuux es a biltoox nen fiɗel, a doxaa too waagkaand o ñuf yaam a pi a paaxeer ake nuun.»

Esayi 51:20

Xa ƥeef owe ɗaraas, a luuñaa a lanq no ped ke nen naak-a-koƥ laa dameena no mbog, a sufoox fuux le no Yaal oxe fo o nqasan onqe Roog of.

Esayi 51:17

Yokooxi, wo Yeerusaleem, kaam ee yokooxi, too inoox, wo fee yeritna no ɓay no Yaal oxe o mbeeƭ onqe yipna fuux le ten. Yeraano boo ɓuus nqiim ke, naag nep way.

Ke bindeena no xe ne’eena YOB 20:23

Yaa ta refkaa no yipaa o fud um, xan Roog a hebliid fuux ɗomu le ten, a joorin took um, ta ref a put um.

A paɗax ale 26:28

mi itam oo, xam siiknoor fa nuun kam fuux es, too xam xawrandahin boo a caf ɓetaa ƭaq a qaw ale no pakaad ke nuun.

O leetar ole Pool a bindna GIMU WE NGENNA ROM 13:4

Roog o mat doxnu a den calel keene yaam jam of. Boo andoona yee paaxeer o fi’aa, fat o saɗar, yaam refee yee o ƥor o ƥor taxu da ndeegoox laƥ ne. Roog o mat dalnu a den, ndax da laltaa fuux um took no we na mbi’aa paaxeer.

Sakari 1:14

Malaaka fee layoogna fa mi a layaxam ee: «Yegniti yee: Keeke o Yaal oxe Hupna fop a layu: ‹Kaam jeg na Yeerusaleem o mbeq o maak, naalaa a Siyoŋ,

Mise 7:18

Ndax a jega Roog faa nandna fa wo? Kaa o waasantaa tooñ ne, too naagiro xawaa njofaƭar ne no we yoqna na xeet of fee jegoodoona. Naagiro damaa fuux of boo kili, yaam kaa o sawar no yirim a in.

Heseki’el 38:18

A koom, no ñaal naa Gog a garankaa o fiisel ole Isra’el, xan fuux le mi a biltoox. Mi o Yaal oxe na refkaa boo faw layun.

Heseki’el 36:6

Yaaga boog, jo’tanaam o fiisel ole Isra’el! Fat o lay xa coong axe, a ñaang ake, a ƈufnand ake fo a yulanq ake yee: Keeke o Yaal oxe na refkaa boo faw a layu: Nga’angyo, layaam kam fuux es fo naal es, yaam ne qeet lakas ke a mbenna a nuun.

Heseki’el 8:18

Mi itam xam fesoor fo fuux, a ngid es yirimkee a den too wuuskiim a den. A mbalalooxangaa no nof es, nan-gilooxkiim a den.»

Heseki’el 5:13

Fuux es xan a ret boo a fag tak. Xan fuux es a biltoox took den, um rabdinoox, too xan da and ee mi o Yaal oxe layu kam naal es, ret boo paang fuux es took den.

A ƭomatax ake 4:11

O Yaal oxe a ɗaxda fuux um, a bilit fuux ɗomu le ten. A heƥanda fiɗel kam Siyoŋ, ta raaɓ boo na per ake ten.

Yeremi 36:7

Xeƈa xan a tax da nqeɗoox o Yaal oxe, oxuu refna a fes a cinj a ƭat a paaxeer um, yaam fuux le fo say ole o Yaal oxe a regdinooxna xeet fene a magna.»

Yeremi 25:15

Keeke o Yaal oxe Roog fee Isra’el a layaxam: «Xotti no ɓay es o feeƭ olene mayna muut fa biiñ fee no fuux le mi, soo yernin qeet ke um lulkang fop.

Yeremi 3:5

Ndax xan o dam fuux of boo kili? Ndax xan o geekin boo faw?› Keene o layaa too gen no fi’aa paaxeer, doon teen fakoortan.»

Esayi 66:15

O Yaal oxe xey garaa kam fiɗel, a sareet-xire ke ten a nandtaa a und a cegu doole. Fuux ɗomu le ten xan a biltoox nen ƈulfaan fiɗel, soo ta fadin a qaw ale ten kam aal fiɗel.

A cangatin ale 7:10

Kaa koy, a naaga o rabdinooxaa took no we sibuuna soo a saŋik a den. Kaam ee kaa rabdaa no ñofu we sibuuna.

Yeremi 28:8

Duleer we adooxna a in, mi fa wo, yaaga boo fa ndiik a yegna a saax a mayu fo maat maak xire, taamaala fa piste.

Heseki’el 38:19

Kam naal es fo kam fiɗel le no fuux le mi, mexe layan ee: No ndigil, a koom xan yo’nax maak a jeg no lanq ke kam saax le Isra’el.

A sutax ale 34:7

Kaam yirmaa wiin cuni-cuni, waasantaa njofaƭar fo tooñ fo pakaad, ndaa faritkiim oxe tooñna, too kaam rabdinooxaa njofaƭar ne no paap ke took xa ƥiy den boo no suk ndadkandeer mbaat no nahkandeer.»

A lim ale 25:11

«Finees fee o ƥiy Eleyasaar, a ref itam o ndaan Aaroon fee o saasadax oxe, a ɓoosdanda fuux es no Ii-isra’el we, ye ta naalaxama a ndeer nuun, boo a tax saŋkiim Ii-isra’el we fop kam fuux es.

Yeremi 50:15

Njibinyo o saax oo saax o wuuq xire took um! Babilon a ɓoxotooxa! Taax-took ke ten a ngaakooxa, tabax ke ten a njiƭtoox, yaam ndabdinax no Yaal oxe yoo. Ndabdinooxyo took um, mbi’in ke ta fi’na lakas we.