Nahum 1:14 - NQAARIIT NE ROOG

¹⁴ Nuun wiin we Niniif, keeke refu ke o Yaal oxe a heblitna na nuun: «Nu njegkatee xa taan axaa na lawandaa a kon nuun. Xam watnit no mbind ne no roog ke nuun xa taaƴ xa sexe xe fo nitaal cawne ke. Gasaam poy nuun boo ƴut, yaam nu njaree tus.»

Nahum 1:14 Referans Kwoze

A kim a tedu ke 109:13

Fat xa taan um a moocandel, gon um a ñuf no suk ne na garaa.

Mise 5:13

Xam fuurit a ndeer nuun xa taaƴ xa lupe xe Asera nu mbaɗooxaa, yaq teeru ke nuun.

Xa peƭit axe 10:7

O cofu xe weeckaand boo muk, a kon no soxodu we mat kaa ñufaa ɗuƭ.

2 Maad we 19:37

Bes, a jopir ta xeɗaa no faɗoorand olaa Nisrok fee ta fi’’ina roog um, ɗik na xa ƥiy axe ten ndefna Adaramelek fa Sareseer a mbartaan laƥ, cinj kaaga, da ƈuf no saax laa Araraat. O ƥeem o lakas onqaa ne’’eena Esar-Hadon a rondandaan.

Dañel 11:21

O kiin o caree tus oxaa jageerna fo maat na rondandkan. Xan a gar na waxtu faa foog’aandeena, a jaɓ maat ne fo naanaxir.

Yeremi 50:2

«Yegnityo a ndeer qeet ke, lambin, sip a laay a anddiloor, kaam ee lambinyo, mbañ o ƭasin dara, lay ee: Babilon a jaɓe, Bel a naag ɓot a sed, Merodak a diidlandel! Nitaal roog ke Babilon a seda ɓot, pangool ke ten a ndiidlandel.

Esayi 33:13

Nuun we ngoƭna, nan-gilooxyo ke fi’uuma, nuun we matna, andyo doole es.

Esayi 19:1

Ke na dalkaa a Misira: O Yaal oxe xey, a garaa Misira kam eel ñofu. Pangool ke Misira owe sendaa mbaambir um, soo njambaar ne no Miimisira we a ɓutaa kam den.

A kim a tedu ke 71:3

Refi na mi ɓil saƭku laa um jaɓnooxaa, garaa teen cay. Hebliti um muclel, yaam wo refu ɓil es fo saŋe es.

2 Caloori ke 32:21

Maaga, o Yaal oxe a hebliida malaaka ta saŋik xir say we fo aa-adax we no xiixire we fo kelfa ke kam saŋe ne no maad oxe Asuur. A dalfooxa o nomtoox no saax um, a naag ɓot yaam gaci. A roka kam mbind ne na roog fee ten soo xa ƥeem a ngar a mbartin laƥ.

1 Sami’el 3:13

Maƭooxaam a Eeli yee xam gen no xawaa ƥasil um yaam tooñ um. Xa ƥeem kaa mbenaam, ta andin boo a ƴut, soo a xaƴ a den teen.

A paɗax ale 26:30

Xam yaq a ñaang a sadaxand ake nuun, maaf toxir qeeñe-xeeñe ke nuun, fokat xa tal nuun took ƭaaq ke no pangool ke nuun, too xan nu mbasaam.

A sutax ale 12:12

No yeng olene, xam xaañ kam saax le Misira, too xam war taaw ke ten fop, no ke xotitna no wiin we boo no cegel ke soo hate Miimisira we no roog tefee ndigil ke da mbaɗooxaa. Mi refu o Yaal oxe.

Ke bindeena no xe ne’eena YOB 18:17

Xan betandoor um a ñuf no lanq ke, gon um ne’kataand sen.

Mise 5:14

Kam fuux ɗomu le mi, xam rabdinoox took qeet ke nananeeraxama fop.»

Habakuk 2:10

Ke fexeyoona gaci’andu mbind of. Ne saŋkoona qeet mayu, xoox of sax sax yaqo.

Dañel 5:27

TEKEL kaa tekit ee meɗnooxee na balaas, too kaa o yelef koƭong.