Nahum 1:13 - NQAARIIT NE ROOG

¹³ Ndiiki koy, xam ɓol kadoor ke da ngadinna a nuun, ɗeg a cengir ake nuun.»

Nahum 1:13 Referans Kwoze

Esayi 10:27

A koom, a toq um xan a fudnel a kand of, soo kadoor um a dontel no cok of. O maad o qas xan a ɓol kadoor ke.

Esayi 9:4

O ñaaƭ o xire’te luu na dakaa no lanq ke fo ndikoorik nuu taƥna fo’oy, xan a ndeɓel kam ƈulfaan, ndax da ndoxel boo riw.

Yeremi 2:20

O Yaal oxe kaa tee: «Wo Isra’el, miñaa o ɓol kadoor ke wo, daƈit a cengir ake wo soo lay ee: ‹Dagooxkatiroong!› Kaa koy, took ñaang jiig luu refna fo yoora ndaxar saqtu nuu refna wondoortee maaga nen a caga.

Esayi 14:25

Xam yaq katil fee Asuur kam saax es, duutin took xa coong axe mi. Kadoor ke ta ir’ina xeet es xan a ndontel, soo a toq ale ta gadin’ina a den a dontel na kand den.

A kim a tedu ke 107:14

A suqta a den no niɓaan ole fo na pelyook fa nqon fee, a daƈit a ceng ake den.

Yeremi 5:5

Xam xot boog farna fo wiin maak we, lay fa den, yaam den o mat a anda a ƭat no Yaal oxe, ke Roog den a simitna.» Kaa koy, den itam, a ƥola kadoor ke, a ƭeg a cengir ake.

A paɗax ale 26:13

Mi refu o Yaal oxe Roog nuun, sutitna a nuun no saax laa no Miimisira we, ndax nu ndefkatee faɗ den. Ɓolaam kadoor ke nuun, fi boo nu njegat a qoox nuun, ñaaƴaa xa cok nuun took.»