Nahum 1:12 - NQAARIIT NE ROOG

¹² Keeke o Yaal oxe a layu wiin we Yudaa: «Ke fañ nuun a mbodna ceŋ too a may fop oo, xan a nduuƴel soo a mooc. Neewandaam a nuun, ndaa fi’katinum.

Nahum 1:12 Referans Kwoze

Yowel 2:19

Maaga, a jaaɓa xeet um ee: «Xam ci’ahin a nuun bele fa biiñ fa diwliin, bo ta dey sik! Ɓoxotkatiim a nuun no fo nqaadnax ne, qeet lakas ke a nqaadnooxaa a nuun.

Mbeeñil 7:16

Nqeexkataand, ngoɗomkataand too njeeƈ ne mbaat a sumaan ale ñaatlandkatee a den,

Dañel 11:10

Xa ƥiy axe no maad oxe no ɓemb-roog o janoon xan a mbapooxan xire, a mbokat a yaj a mayu. O leng na xa ƥiy axe xan a inoox fo xiixire um, a xaañ o ŋat ole nen a ƈufnand alaa balna. Cinj kaaga, boo ta nomtooxaa no saax um, xan a dal took teeru fa njegu saŋe fee no maad oxe no ɓemb-roog o ñamaak.

Esayi 51:22

O Yaal oxe Roog of refna o caajangin of kaa sedan xeet um, soo a yegnang kene: «Xam xot no ɓay of o mbeeƭ onqe na firɓandaa, o mbeeƭ onqe yipna fuux le mi, yerkatiro teen muk.

Esayi 37:36

Malaaka no Yaal oxe a roka no saŋe ne no Aa-asuur we soo a war na den goor cuni teemeed fo goor cuni qarɓeen ɓetuu tadik fo goor cuni ƥetik. No feet nqes olaa, yaa waa nqon’eerna a yokooxna, a nga’a xa tal axeene fop.

Esayi 31:8

Xan laƥ a maaf a Asuur, too refkee laƥ no koor. Laƥ ne na fandkan refee laƥ no kiin. Aa-asuur we xan a ngod o joor mbaambir laƥ neene, soo mbes ke den a ndefik faɗ.

Esayi 30:19

Wo xeet fee Siyoŋ, wo fee na ñoowaa Yeerusaleem, loolkatiro boo muk. A mbanuu ƴufginooxoona o Yaal oxe, xan a yirmong, ten fa naneerong yaqanu ta jaaɓong.

Esayi 17:14

Boo ta yaarna diid rek na refataa meen, boo ta helko fo feedaa o pañ oxe yee mes. Keene refu a las no we na mbaltaa a in, muj no we na nguytaa a in.

Esayi 8:8

Xan a fadik Yudaa, a fi o jaɓ, a maƥ fop. Xan a gar o kiin no cok, too poofi ke ten xan a ƭaayoox boo a muur saax le wo fop, wo Imanu’el.»

Esayi 7:20

Na pe akaaga, xan o Yaal oxe a luɓit o nduus kaltaa o xuluɓ olaa Ofrat, a ruustin a qoox ake nuun fo a biil ake no cer nuun fop bo no raatam ole sax. O nduus onqeene refu o maad oxe Asuur.

2 Maad we 19:37

Bes, a jopir ta xeɗaa no faɗoorand olaa Nisrok fee ta fi’’ina roog um, ɗik na xa ƥiy axe ten ndefna Adaramelek fa Sareseer a mbartaan laƥ, cinj kaaga, da ƈuf no saax laa Araraat. O ƥeem o lakas onqaa ne’’eena Esar-Hadon a rondandaan.

2 Maad we 19:35

No yeng olaaga, malaaka no Yaal oxe a roka no saŋe ne no Aa-asuur we soo a war na den goor cuni teemeed fo goor cuni qarɓeen ɓetuu tadik fo goor cuni ƥetik. No feet nqes olaa, yaa waa nqon’eerna a yokooxna, a nga’a xa tal axeene fop.

A sutax ale 12:12

No yeng olene, xam xaañ kam saax le Misira, too xam war taaw ke ten fop, no ke xotitna no wiin we boo no cegel ke soo hate Miimisira we no roog tefee ndigil ke da mbaɗooxaa. Mi refu o Yaal oxe.

Esayi 10:16

Ten taxu, o Yaal oxe na refkaa boo faw Hupna fop xan a ɓisiid jir laa na ŋeeskaa wiin magnu suquƈ we no saax le Asuur. Keƥandand na ilaa yoora o ndam um ne fiɗel a iltaa.