Mise 7:8 - NQAARIIT NE ROOG

⁸ Nuun fañ in, ba nu mbelakinoox na in! I yenangaa sax oo, xan i inooxatin. I ndefangaa kam o niɓaan ole, xan o Yaal oxe a meleƈin a qoolaand um took in.

Mise 7:8 Referans Kwoze

YEGIL MBAAX NE YEESU ne Saŋ a bindtuuna 8:12

Yeesu a dakooxa o lay faan laa yee: «Mi refu a qoolaand adna. Oxuu reefaxama, ñaaƴkee no niɓaan, too xan a jeg a qoolaand o ñoow.»

Esayi 9:2

O Yaal oxe, mayƭandaa xeet fee fa baneex, ci’in o ɗaay o maak. Kaa mbelakinooxaa mbaambir of ne o kiin a felakinoortaa yaa fo a saxad, nen xa ƈeel no waa na lasraa ke da njaɓitna na xire.

A kim a tedu ke 112:4

A qoolaand kaa meleƈanaa jofu we kam o niɓaan ole. Kaa jeg yirmande, a yaaj kam soo a jof.

A kim a tedu ke 27:1

A kim alaa fogna na ke Dawid oo. O Yaal oxe refu a qoolaand es fo o Muumucil es, an helum o fit? O Yaal oxe refu njaɓnooxand o ñoow es, ndi an um saɗarkaa?

Abjaas 1:12

Wo xeet fee Edoom, ba o sawar no njom ne no fog of, felakinoox ye fa yaq fee no Yuuyudaa we, xaadnoox a den, yaa da njegna naqad!

2 Korint 4:6

Roog fee layna yee: «Fat a qoolaand ale a naag dañ kam o niɓaan ole», ten naagu dañ kam a qeeñ in, ndax ta andnoor a in o ndam onqe Roog na meleƈtaa na tagid Kiristaa.

A kim a tedu ke 38:16

O Yaal oxe, na wo ɗagum yaakaar es. O Yaal oxe Roog es, xan o jaaɓaam.

Mbeeñil 22:5

O yeng jegkatee, too wiin we soxla’katee a qoolaand o jam mbaat ale no njeeƈ ne, yaam o Yaal oxe Roog xan a fudin took den a qoolaand um, da maadooxaa boo faw.

A kim a tedu ke 84:11

Ñaal leng no maax ole no Mbind of rek moƴanaxam ñaal juni kaa ndefeena o mbiñ o lakas. Um moof no ndokand ne no Mbind ne Roog es moƴanaxam o gen no ƭiif ke no soxodu we,

Ke bindeena no xe ne’eena YOB 31:29

Ndax mosaam o felakinoox no paaxeer kaa ndalna o pañ es, ndi kaam mos o sawar yaam sabab a song o log um?

A kim a tedu ke 97:11

A qoolaand ale kaa meleƈaa took no jofu we, o ɗaay a may no we a qeeñ den a njofna.

Heseki’el 35:15

Feek kaa o felakinoox na kef ale no mbaafaap ne Isra’el, xam doonong leng kut ke. Wo o joong ole Seyiir xan o fiitnel fa Edoom fop, too xan fop a and ee mi refu o Yaal oxe.»

A kim a tedu ke 35:19

Baa we ndiyna a mbañaam a mbelakinooxat yaam mi. Baa we ndiyna a sibaam a ƭeetataam a ngid a pariƴ.

YEGIL MBAAX NE YEESU ne Saŋ a bindtuuna 16:20

No ndigil, no ndigil, mexe layaa a nuun ee: Xan nu loolaa, mbaɗooxaa, adna fee a mbi’in baneex. Kaam ee xan nu ndef na naqad, ndaa koy leng a jega: Xan naqad feene a suptoox o ɗaay.

Mise 7:10

Xan fañ in a nga’in soo a may fa gaci, den we layoogna a in ee: «Taa o Yaal oxe Roog nuun?» Maaga, xan i mbuudaa a den, da nduuteel nen lopopooƈ le no ped ke.

Heseki’el 25:6

Keeke o Yaal oxe na refkaa boo faw a layu: «Feek kaa o fox, fecoox soo felakinoox, doon teen xeef a Isra’el tigi kam ee kam of,

A pi ake 26:18

Xam lulong ndax o wet a kid den, sutit a den no niɓaan ole, ɓisiid a den na qoolaand ale, sutit a den na sañ-sañ fee Saytaane, da ngar me Roog. Neene, a ngimangaa na mi, xan a ndaaw a baasan ale no pakaad ke den, a ndaaw a las ale we mbogna na mi a njegna.› »

Amos 9:11

«A koom koy, xam difi o ɗaakaand ole Dawid, yoɗin, ke gefna teen, um xendandin, boo ta dakoox naa ta reeƭna,

Mace 4:16

xeet feene moofna no niɓaan ole a nga’a a qoolaand a maak. Took no waa moofna kam a pelyook ale na fa nqon fee, a qoolaand a yoɗooxa.»

Yeremi 50:11

Nuun we nguyitna xeet es, a bug oo nu mbelakinoox too ndef no ɗaay, ndaaploox nen fi laa na duutaa bele, ŋexel nen naar-koor,

Esayi 49:9

lay we ndameena yee: ‹Sutooxyo!›, soo we ndefna no niɓaan ole, o lay a den ee: ‹Mbeeñyo!› Xan a mbaag o suuf kam a ƭat ale too xan a njeg xa suufand na xa coong axe naangna halit.

Esayi 2:5

Nuun we xa taan Yakoob, ngaryo i ñaaƴ na qoolaand ale no Yaal oxe.

A kim a tedu ke 37:24

A tolofangaa sax oo, yenkee, yaam o Yaal oxe kaa daman o ɓay.

A kim a tedu ke 37:21

O soxodu xe kaa rawaa too rabidkee, o cofu xe o mat a yirmaa soo a ci’taa.

Mbeeñil 21:23

Teeru fee soxla’ee a qoolaand njeeƈ mbaat a qoor. O ndam onqe Roog na xoolandan, soo o Mbaal onqe a ref o jam um.

Esayi 50:10

Oxuu saɗarna o Yaal oxe fat a nan-giloox o ñuxur no tag um! Oxuu na ñaaƴaa no niɓaan ole too a ñak a qoolaand, fat a doon a koolax um no gon le no Yaal oxe, a damloox na Roog um!

2 Korint 4:9

Kaa i nqijlandel bo, ndaa i ndeɓaand, maafel, ndaa i mosee o yaqoox.

A kim a tedu ke 20:8

Leng we a sareet-xire a ngoolooxu, lakas we a ngooloox pis, ndaa in o mat, gon le no Yaal oxe Roog in i ƈufginooraa.

Yeremi 8:4

«Layi a den ee: Keeke o Yaal oxe a layu: Ndax xan o kiin a yen, a fañ o inoox? Ndax xan o kiin a ɗap a ƭat ale, a fañ o nomtooxiid?

Yeremi 48:27

Wo Mowaab, ndax Isra’el reeƭee calat of? Ndax kaa mosel o soƥ a ndeer no guuɗ we, boo a tax a mbanuu o ne’an o wulaa xoox?

Heseki’el 36:5

No ndigil kam fuux ɗomu le mi, xam xasan qeet lakas ke fa Edoom boo ta xet, den we njegooxna saax le mi fo o ɗaay ole na qeeñ den fop fo o xeefel ole na xa laaw den, ndax da mbalit xa suufand axe. Mi o Yaal oxe na refkaa boo faw layun.

Mise 4:10

Wo Siyoŋ, o ndoog onqe, coono’i too iin nen o tew oxaa na gaajooxaa, yaam ndiiki kañ xan o sutoox teeru fee, dalaa na koƥ ale. Xan o ret boo Babilon, ndaa koy, maaga o muclitkeel. Maaga mat o Yaal oxe a watitkang na xa ƥay no fañ of.

Sakari 12:8

A koom, xan o Yaal oxe a saytoox we ngenna Yeerusaleem, too oxe moƴna neew doole na den xan a nand nen a Dawid, soo mbind Dawid a ref nen a Roog, nen malaaka fee no Yaal oxe mbaambir den.

A kim a tedu ke 143:3

O pañ oxe kaa ñagadilaxam, a fooxaam a lanq, a jooraam kam o niɓaan ole nen we nqonna yaaga.