Mise 7:7 - NQAARIIT NE ROOG

⁷ Mi o mat, no Yaal oxe ɗagum yaakaar es, cungaa a Roog fee na muclaxam. Roog es xan a jaaɓaam.

Mise 7:7 Referans Kwoze

A kim a tedu ke 37:7

Naagi cel mbaambir no Yaal oxe, cungin fo o muñ. Baa oxe mayna muud a fuuxnoorong, ten oxe na fadnaa yuuƥ paaxeer um.

Esayi 45:22

Nuun we ngenna no cat adna, ngeleerooxyo me mi too njaɓ o muclel, yaam mi refu Roog, too jegee fa lakas.

Esayi 25:9

A koom oxuu refna a lay ee: «Roog in oxey, no ten i ndoon’u yaakaar in, too ten o mat muclu a in. O Yaal oxe xey, no ten i ndoon’u yaakaar in. Fat i ndef no ɗaay too mbelakinoox na muc ale i ndaawitna no ten.»

A kim a tedu ke 25:5

Ñaaƴnooraam no ndigil of too aqatinaam, yaam wo refu Roog fee na muclaxam. Na wo um yaakaaraa kili.

A kim a tedu ke 130:5

Kaam cungaa o Yaal oxe, ngiin es fop a tayan, um hooloox fa lay um.

A kim a tedu ke 109:4

Ke fexuuma a den fop oo, kaa njambaxam, ndaa yaqanee um ref no xeɗaa doŋ.

Esayi 12:2

Roog fee muclaxama oxey. Hoolooxaanum, too diidkatiim dara. O Yaal oxe refu doole es, too ten soom um gimaa, ten fee o Muumucil es.»

A kim a tedu ke 65:2

Wo Roog, kam teeru fee Siyoŋ i ngelaang o simat too mbadin a tegit in fa wo,

Mberaand 49:18

O Yaal oxe, na wo geƈnooxum, ndax o mucil.

A kim a tedu ke 38:15

Kaam nand nen o kiin oxaa waageerna fa nan, too o don um waagee yaƥat a lay.

Esayi 8:17

Kaam cungaa o Yaal oxe na ɗasnaa mbind Yakoob mukit um. No ten doonum a koolax es.

A kim a tedu ke 50:15

Ƴufginooxaam, yaa refoona na naqad, xam muclong, soo o ɓoxotaam o ndam.»

Esayi 17:7

A koom, xan o kiin oxe a haan no Saasak um, a kid um a naang jak o Tedu xe Isra’el.

Dañel 3:17

Kaaga a jegangaa, Roog fee i ndagoo-xaa a waaga o mucil a in na fuur faa na kaƥaa jir-jir, too xan a mucil a in na xa ƥay of sax, wo o maad oxe.

Hoose 12:6

O Yaal oxe refu Roog fee Hupna fop, gon um a ref o Yaal oxe.

Yowel 1:19

O Yaal oxe, wo um ƴufginooxaa, yaam fiɗel le a raaɓa xa suufand axe no tan ole, ƈulfaan a dox taxar ke na koƥ ale.

Habakuk 2:1

Kaam bug o fod no yetooxand es, naag jiŋ took saŋe ne nen o koohorax, ndax um and ke o Yaal oxe a laykaxam fo ke ta doonkaa no ƭomatax es.

A lim ale 5:28

Kaa koy, a soƥangaa yee o tew oxeene a xoola, dara damkiran, too xan a maad o jegaa xa ƥiy.

A kim a tedu ke 85:5

Roog o Muumucil in, geleerooxi farna fa in, ɓoosdand fuux of fa in.

A ƭomatax ake 3:24

O laaw es kaa tee: «O Yaal oxe refu a las es. Ten taxu um yaakaarin.»

Habakuk 2:3

Waxtu fee mbeeñil neene a fadnooxkaa fadafulee. Waxtu fee oxey mbaambir too ñakkee o gar. A ñaalange sax oo, fat nu cungin, yaam a woora kañ ee xan a gar too gulooxkee muk.