Mise 7:2 - NQAARIIT NE ROOG

² O kiin jam oxe a mooca no saax le, o cofu jegatee a ndeer no wiin we. Wiin we fop kaa ƥeng, ndax da ƥax fo’oy, oxuu refna a fogaa o kend um.

Mise 7:2 Referans Kwoze

A kim a tedu ke 12:1

O yaal a ƭat ale no jeejeek we a xoolne yee a kim alene kaa yoonandteel o nqilimb xa quusi ɓetaa tadaq. A kim a tedu laa fogna na ke Dawid oo.

Esayi 57:1

O cofu xe kaa saŋkooxaa, too o liir no leng jaaɓee, gore’u we a ngifeel, too o leng andee yee kaa ngifeel, ndax da ndaɗ taamaala fee.

Yeremi 5:26

A jega kam xeet es wiin soxodu. Kaa nandtaa foofog waa ngooknooxna a ƥeng. Kaa ƭaap pog, ndax da ndam wiin we.

Esayi 59:7

O fi paaxeer doŋ a ƈufanaa, a ñofandooxanaa o mbar o cofu xe. Yuuɓee dara a refangeerna o mbi lakas we paaxeer. Muu da ndeefna, a mbaas maaga yaqe fo boom.

Xa peƭit axe 1:11

A mbaagaang o lay ee: «Gari yoon fa in, i ƥeng o kiin, mbarin, ƭaapan a jaambuur mbog no kaa o leng a andeerna.

Yeremi 16:16

O Yaal oxe a laya yee: «Mexey luliidaa faafaal fagkatar, too xan a mbaal we pasarooxna. Cinj kaaga, xam luliid xaaxaƴlax fagkatar, too xan a nqawloox a den took xa coong axe fop, took a ñaang ake fop fo na semb ake na ƥil ake.

1 Sami’el 24:11

Xaye ga’oodaa sax ee o Yaal oxe fa xoox um a ɓoxot’aang na xa ƥay es kam luf nene. Kaam asoogel ee: ‹Wareen!›, too yaqanee um wuusong, lay a den ee: ‹Waagiim o doon o ɓay es took no yaal mbind es, yaam o Yaal oxe sax ɗuumun o maad.›

Mise 3:10

Kaa nu maxtaa a Siyoŋ po’oy, tabaxit a Yeerusaleem njofaƭar.

A ƭomatax ake 4:18

Kaa i ngaynaakeel, boo i mbaagee sutoox. Muukandoong in a matiida, xa yeng in a mbag tak. Kaam ee muukandoong in a fadiida.

Yeremi 5:16

A tungaar ake den kaa nandtaa a mboy a betooxu, too den fop a salma-koor a ndefu.

Xa peƭit axe 12:6

Fa lay no soxodu we kaa ref mbog mbaawar, xa ton no jofu we mat a muclaa na fa nqon.

A kim a tedu ke 57:6

Wo Roog, lalti o magnel of took asamaan, o ndam of a mayƭand lanq ke fop.

1 Sami’el 26:20

Kaa koy, bugiim o xonit maa goƭna o Yaal oxe. Xar taxu boog o maad oxe Isra’el a waaƭaa o xire fa mi, mi fee refna feeɗ, a raxtaxam nen oxaa na xawlooxaa a ceɓel kam xa coong axe?»

A kim a tedu ke 10:9

Kaa ɗasaa a paax, a fogoox nen njogoy kam ngol, a ɓeedaa o ndool onqe ndax ta damin, a naagin nuus soo a ɗooqtin mbaal um.

Esayi 9:19

Xan a ƭipit na ñamaak, ndaa watinkee nqeex, a seel na janoon, ndaa taxkee giñ a ref meen. Oxuu refna xan a ñaamaa o pog um.

Yeremi 8:6

Nan-gilooxaam a den a paax, ke da layaa refee ndigil. O leng ricooxee kañaan um ee: ‹Ndi xar fi’um?› Fop kaa ngodatin o joor, nen pis naa na rututaa na xire.

Heseki’el 22:12

Me wo, ker ke kaa njaɓeel, ndax fo’oy a ɓaxel. Kaa o rawnitaa took ndimand ngupalu. Kaa o jaɓaa o jeg no kend of took o hup doole, soo mi o mat o weecaam. Mi o Yaal oxe na refkaa boo faw layun.

Heseki’el 24:6

Ten taxu keeke o Yaal oxe na refkaa boo faw a layu: Sabab took teeru fa yednu fee! Kaa nandtaa a kaleera qoyu laa nqoy ke a mbaageerna o mbat. Suudi teen xa ƭeg axe, o leng o leng, fañ o banjang ne o suuditkaa a den.

Hoose 5:1

Nuun saasadax we, nan-gilooxyo kene! Nuun mbind Isra’el, naangyo tek! Nuun mbind ne no maad oxe, ndungyo nof nuun! Nuun o mat ngel’e o layoor, yaam kaa nu ndeeƭu mbog kam Mispa, mbaal letne took o joong ole Taboor

Mise 2:8

Kaa koy, o Yaal oxe a doona a nuun ee: «Kaa nu mbañraa fa xeet es, mbolaa sabadoor no xe refna no yaadax xalaateerna o ñoxorel muk.

Mise 3:2

Kaa koy, kaa nu sib paax ke, soo mbex paaxeer. Kaa nu ƭoltaa ƭool no kiin, listit cer ke na xa kiiƈ axe.

Sakari 11:6

Mi yoo yirimkatiim we ngenna na adna fee. Xam hoƥatrand a den, o kiin a gomrik fo o kend um, da yen no ɓay no maad we na toroxandaa a den. Maad weene xan a ngef adna fa muum, too a koom mucilkiim o leng na xa ƥay den. Mi o Yaal oxe layun.»

A kim a tedu ke 12:2

O Yaal oxe, ƴufgiidi, yaam jofu we owe mbagaa, ngor ne a moocaa a ndeer no wiin we.

Esayi 3:5

Xeet fee xan a ñagadilraa, oxuu refna a ñotombilaa o kend um. Teɓandoong ke xan a inooxan maak we, soo fo mboƭomsogor ne a inooxan we niweena tigi.

Hoose 6:9

A yaj ale no saasadax we kaa nand fo saasaay kaa na ƥeedaa o kiin. Kaa mbaraa wiin we na ƭat ale Sikeem, ta ref tig cednooxu.

A pi ake 24:9

Yaawuur waa ndeeƭna maaga a saƭkina ke Tertulus a jamboogna a Pool, too a mbeera na: Ndigil kak oo.